¶ 1 E JIHOVA, e fiefia ae tu‘i i ho malohi; bea e fiefia lahi aubito ia i hoo fakamoui.

2 Kuo ke foaki kiate ia ae holi a hono loto, bea nae ikai te ke taofi iate ia ae kole a hono lougutu. Sila.

3 He oku ke tokoni aki ia ae gaahi tabuaki oe lelei: oku ke ai ki hono fofoga ae tatā fakatu‘i oe koula lelei.

4 Naa ne kole ae moui iate koe, bea naa ke foaki ia kiate ia, io, ae gaahi aho loloa o taegata bea taegata.

5 Oku lahi ene vikiviki i hoo fakamoui: kuo ke tuku kiate ia ae fakaabaaba moe nāunāu.

6 He kuo ke gaohi ia ke matuaki monuia o taegata: kuo ke fakafiefa lahi aubito ia aki ho fofoga.

7 He oku falala ae tu‘i kia Jihova, bea koe mea i he aloofa oe Fugani Maoluga e ikai ue‘i ia.

8 E ilo e ho nima a ho gaahi fili kotoabe: bea e ilo e ho nima toomatau akinautolu oku fehia kiate koe.

9 Te ke gaohi akinautolu ke hage koe gotoumu vela i he aho o hoo tubutamaki: e fakaauha akinautolu e Jihova i hono houhau, e keina o oji akinautolu e he afi.

10 Te ke fakaauha ho nau fua mei he fonua, mo ho nau hako mei he gaahi fānau ae tagata.

11 He naa nau tokaga ke fai kovi kiate koe: naa nau fakatubu ae mahalo kovi, aia nae ikai te nau faa fai.

12 Koia te ke fai ke fulitua akinautolu, oka ke ka ai ae gaahi gahau ki he uka ki he mata o kinautolu.

13 Ke ke maoluga, E Jihova, i he malohi oou: koia te mau hiva mo fakamalo ai ki hoo mafimafii.