¶ 1 E HOKU Otua, E hoku Otua, koeha kuo ke liaki ai au? koeha oku ke mamao ai mei he tokoni kiate au, bea mei he gaahi lea o eku tagi?

2 E hoku Otua, oku ou tagi i he aho, ka oku ikai te ke ogo‘i; bea i he bo, oku ikai teu logo be.

3 Ka oku ke maonioni, akoe oku ke ma‘u ae gaahi fakafetai o Isileli.

4 Nae falala ae mau gaahi tamai kiate koe: naa nau falala, bea naa ke fakamoui akinautolu.

5 Naa nau tagi kiate koe, bea nae fakamoui akinautolu: naa nau falala kiate koe, bea nae ikai te nau ma.

6 Ka koe kelemutu au, ka oku ikai koe tagata: koe manukiaga oe tagata, koe fehianekina e he kakai.

7 Ko kinautolu kotoabe oku mamata kiate au oku nau kata manuki kiate au: oku nau fakalili ho nau gutu, mo kalokalo ae ulu, mo nau behe,

8 Naa ne falala kia Jihova ke ne fakamoui ia: tuku ke ne fakamoui ia, he naa ne fiemalie iate ia.

9 Ka ko koe ia nae too au mei he manāva o eku fa‘e: naa ke fakaamanaki‘i au i he eku kei i he huhu o eku fa‘e.

10 Nae li au kiate koe mei he manāva: ko hoku Otua koe talu eku ha‘u mei he manāva o eku fa‘e.

11 Oua naa ke mamao iate au: he oku ofi ae mamahi; he oku ikai ha taha ke tokoni.

12 Kuo kabui au e he faga bulu tagata lahi: kuo a‘i au e he faga bulu tagata malohi mei Besani.

13 Naa nau fakamaga ho nau gutu kiate au, o hage koe laione fekai mo gugulu.

14 Kuo liligi au o hage koe vai, bea kuo homo hoku gaahi hui kotoabe: kuo tatau hoku loto moe bulu: kuo fakamolu ia i hoku loto fatu.

15 Kuo momoa o oji hoku malohi o hage koe ibu kuo maumau; bea oku biki mau hoku elelo ki hoku oaoi gutu; bea kuo ke o hifo au ki he efu oe mate.

16 He kuo kabui au e he faga kuli: kuo a‘i au e he fakataha oe gaahi agakovi: naa nau hoka‘i hoku nima mo hoku va‘e.

17 Oku ou faa lau hoku hui kotoabe: oku nau mamata mo jiojio bau kiate au.

18 Oku nau tufa hoku gaahi kofu iate kinautolu, mo fai ae talotalo ki hoku bulubulu.

19 Kae oua naa ke mamao iate au, E Jihova: E hoku malohi, ke ke fakatootoo ke tokoni au.

20 Fakamoui hoku laumalie mei he heleta; mo eku moui mei he malohi oe kuli.

21 Fakamoui au mei he gutu oe laione: he kuo ke ogo‘i au mei he gaahi nifo oe faga liimi.

22 Teu fakaha ho huafa ki hoku gaahi kaiga: i he lotolotoga oe fakataha teu fakafetai kiate koe.

23 Akimoutolu oku manavahe kia Jihova, fakafetai kiate ia; fakaabaaba kiate ia akimoutolu koe hako o Jekobe; bea manavahe kiate ia, akimoutolu kotoabe koe hako o Isileli.

24 He nae ikai te ne manuki be fehia ki he mamahi oe mamahiia; bea nae ikai te ne fufu hono fofoga iate ia; ka i he ene tagi kiate ia naa ne ogo‘i.

25 E iate koe be eku fakafetai i he fakataha lahi: teu fakamooni eku gaahi fuakava i he ao okinautolu oku manavahe kiate ia.

26 E kai e he agamalu ke makona: e fakafetai kia Jihova akinautolu oku kumi kiate ia: e moui taegata ho mou laumalie.

27 E manatu mo tafoki kia Jihova ae gaahi gataaga kotoabe o mamani: bea e lotu i ho ao ae gaahi faahiga kotoabe oe gaahi buleaga.

28 He oku o Jihova ae buleaga; bea koe bule ia i he gaahi buleaga.

29 Ko kinautolu oku jino i mamani te nau kai mo lotu: e bunou i hono ao akinautolu kotoabe oku alu hifo ki he efu: bea oku ikai ha taha te ne faa fakamoui hono laumalie oona.

30 E tauhi ia e ha hako; bea e lau ia koe toutagata kia Jihova.

31 Te nau ha‘u, o fakaha ene maonioni ki ha kakai e fanau‘i, kuo fai eia ae mea ni.