¶ 1 OKU monuia ia aia kuo fakamolemole a ene talagataa, bea kuo ufiufi ene agahala.

2 Oku monuia ae tagata aia oku ikai lau ki ai e Jihova ha hia, bea oku ikai ha kākā i hono laumalie.

3 I he eku fakalogo be, nae fakaaau o motua hoku gaahi hui i he eku tagi i he aho kotoa.

4 He nae mamafa ho nima kiate au i he aho moe bo: nae liliu hoku huhua koe laaina oe faahita‘u mafana. Sila.

5 Naaku vete eku agahala kiate koe, bea nae ikai teu fufu eku hia. Naaku behe, teu vete eku gaahi talagataa kia Jihova: bea naa ke fakamolemole ae hia o eku agahala. Sila.

6 Koia e lotu ai kiate koe aia kotoabe oku aga fakaotua i he kuoga e ilo‘i ai koe: koe mooni i he oho mai oe gaahi vai lahi e ikai te nau a‘u o ofi kiate ia.

7 Ko koe ko hoku toitoiaga; te ke fakamoui au mei he mamahi; bea te ke kabui aki au ae gaahi hiva oe fakamoui. Sila.

8 Ko au teu fakaboto‘i koe mo akonaki‘i koe i he hala aia te ke alu ai: teu fakahinohino koe aki hoku mata.

9 Oua naa mou hage koe hose moe miuli, oku majiva i he ilo: aia oku taofi aki ho nau gutu ae ukamea moe noo, koeuhi ke nau ha‘u o ofi kiate koe.

10 E hoko ae gaahi mamahi lahi ki he kakai agakovi: ka ko ia oku falala kia Jihova, e kabui aki ia ae aloofa.

11 Mou fiefia ia Jihova, bea nekeneka, akimoutolu oku maonioni: bea kalaga i he fiefia, akimoutolu kotoabe oku agatonu i loto.