¶ 1 KE ke lagomaki‘i au, E Jihova, telia akinautolu oku fakataga‘i au: ke ke tau‘i akinautolu oku nau tau‘i au.

2 Too ae fakaū moe ba, bea tuu hake ko hoku tokoni.

3 Unuhi mai foki ae tao, o tabuni ae hala kiate kinautolu oku fakataga‘i au: bea tala ki hoku laumalie, ko au ko ho fakamoui.

4 Tuku ke bubutuu mo ma akinautolu oku kumi ki hoku laumalie: tuku ke fakafoki ki mui mo ilifia akinautolu oku buleaki‘i au.

5 Tuku ke nau hage koe kafukafu‘i akau i he ao oe matagi: bea tuku ke tuli akinautolu e he agelo a Jihova.

6 Tuku ke fakabouli ho nau hala bea hekeheke: bea ke fakataga akinautolu e he agelo a Jihova.

7 He kuo nau aau fakafufu i he luo ho nau kubega kiate au tae hano uhiga; kuo nau keli ae luo ki hoku laumalie tae hano uhiga.

8 Ke hoko ae malaia kiate ia fakafokifabe; bea koe kubega oona aia kuo ne aau fufu tuku ke moua ai ia: tuku ia ke to ki he malaia totonu koia.

9 Bea e fiefia hoku laumalie ia Jihova: e nekeneka ia i he ene fakamoui.

10 E behe e hoku gaahi hui kotoabe, E Jihova, kohai oku hage ko koe, akoe oku ke fakahaofi ae majiva meiate ia oku malohi lahi iate ia, io, ae majiva moe baea meiate ia oku ne fakamalohi‘i ia?

11 Nae tuu hake ae kau fakamooni loi; naa nau tuku kiate au ae gaahi mea nae ikai teu ilo.

12 Naa nau totogi kovi ki he eku lelei ke fakamajiva‘i hoku laumalie.

13 Ka ko au, naaku kofu aki ae tauagaa, i ho nau mahaki: naaku fakavaivai hoku laumalie i he aukai; bea nae foki mai eku lotu ki hoku fatafata.

14 Naaku fai o hage ko hoku kaiga ia be ko hoku tokoua: naaku tulolo hifo fakamamahi be, o hage koe toko taha oku tagi koeuhi ko ene fa‘e.

15 Ka i he eku tuutamaki naa nau fiefia, o nau fakakatoa akinautolu: io, nae fakataha akinautolu ae kakai faa ta o tuu kiate au, bea nae ikai teu iloa; naa nau haehae, bea nae ikai logo be:

16 Naa nau fakalili ho nau nifo kiate au, moe kau malualoi oku manuki i he gaahi katoaga.

17 E Jihova, e fefe hono fuoloa mo hoo afio ki ai? fakamoui hoku laumalie mei he e nau gaahi fakamalaia, mo eku moui mei he faga laione.

18 Teu atu ae fakafetai kiate koe i he fakataha lahi: teu fakaogoogolelei koe i he ao oe kakai lahi.

19 Oua naa tuku ke fiefia kiate au akinautolu kuo hoko noabe ko hoku fili: bea oua naa tuku ke lalama ho nau mata akinautolu oku fehia kiate au tae hano uhiga.

20 He oku ikai te nau lea lelei: ka oku nau fakatubu ae gaahi mea kākā kiate kinautolu oku nofo fiemalie i he fonua.

21 Io, kuo nau fakamaga ho nau gutu o lahi kiate au, o nau behe, Ha, ha, kuo mamata ki ai ho mau mata.

22 Kuo ke afio‘i eni, E Jihova: oua naa ke fakalogo be: E Jihova, oua naa ke mamao iate au.

23 E hoku Otua mo hoku Eiki, ke ke tuu hake, mo ke a ki hoku fakamāu, io, ki hoku lagomaki‘i.

24 E Jihova ko hoku Otua, ke ke fakamāu au o hage ko eku maonioni; bea ke oua te nau fiefia kiate au.

25 Oua naa behe ekinautolu i ho nau loto, Ha, ko ho mau loto ia: oua te nau behe, Kuo tau folo hifo ia.

26 Tuku ke ma mo manavahe fakataha akinautolu oku fiefia i hoku lavea: tuku ke kofu aki ae ma moe tae fakaabaaba akinautolu oku fai fakafiefielahi kiate au.

27 Tuku ke kalaga fakafiefia, mo nekeneka, akinautolu oku loto lelei ki he eku maonioni: io, tuku ke nau lea behe mau ai be, Ke ogoogolelei a Jihova, aia oku fiemalie i he monuia a ene tamaioeiki.

28 Bea e lea a hoku elelo ki hoo maonioni mo ho ogoogolelei i he aho kotoa.