¶ 1 OKU monuia ia aia oku tokaga ki he majiva: e fakamoui ia e Jihova he aho oe kovi.

2 E tauhi ia e Jihova, mo bule ke moui ia; bea te ne monuia i mamani: bea e ikai te ke tukuage ia ki he loto o hono gaahi fili.

3 E fakamalohi ia e Jihova i he tokotoaga fakamamahi: te ke gaohi hono mohega kotoabe i hono mahaki.

4 Naaku behe, E Jihova, ke ke aloofa mai kiate au: fakamoui hoku laumalie; he kuou fai agahala kiate koe.

5 Oku lauikovi‘i au e hoku gaahi fili: E mate afe ia, bea auha hono higoa?

6 Bea kabau e ha‘u ia ke vakai au, oku ne lea loi: oku tanaki e hono loto kiate ia ae kovi; oku alu ia kituaa, o fakaha ia.

7 Oku fefanafanahi kiate au akinautolu kotoabe oku fehia kiate au: oku nau fakakaukau kovi kiate au.

8 Oku nau behe, Oku biki ma‘u kiate ia ae mahaki kovi: bea ko ene tokoto ni e ikai te ne toe tuu hake mei ai.

9 Io, ko hoku kaumea mooni, aia naaku falala ki ai, aia naa ne kai i he eku ma, kuo hiki hake eia hono mui va‘e kiate au.

10 Ka ko koe, E Jihova, ke ke aloofa kiate au, mo fokotuu hake au, bea teu totogi kiate kinautolu.

11 Oku ou ilo i he mea ni oku ke finagalo lelei kiate au, koeuhi oku ikai kalaga i he fiefia a hoku fili kiate au.

12 Bea ko au, oku ke boubou hake au i he eku agatonu, bea te ke fokotuu au i ho ao o taegata.

13 Fakafetai kia Jihova koe Otua o Isileli talu mei mua, o taegata. Emeni, mo Emeni.