Vahe 43
1 Oku lotu a Tevita ke toe omi ia ki he fale lotu lahi, bea ne fakaha te ne tauhi fiefia ai ae Otua. 5 Oku ne eginaki‘i hono laumalie ke falala ki he Otua.
¶ 1 E OTUA, ke ke fakamāu au, o lagomaki‘i au telia ae buleaga agakovi: ke ke fakamoui au mei he tagata kākā mo tae agatonu.
2 He ko koe koe Otua o eku malohi: koeha oku ke liaki ai au? koeha oku ou alu mamahi be i he taomia e he fili?
3 Ke ke fekau atu hoo māma mo hoo mooni: tuku ke na tataki au; tuku ke na omi au ki ho mouga maonioni, mo ho gaahi fale fehikitaki.
4 Koia teu toki alu atu ki he feilaulauaga oe Otua, ki he Otua ko hoku fiefiaaga lahi aubito: io, i he haabe teu fakamalo kiate koe, E Otua ko hoku Otua.
5 Koeha oku ke mabelu ai ki lalo, E hoku laumalie? bea koeha oku ke maveuveu ai i loto iate au? amanaki lelei ki he Otua: he koe mooni teu fakafetai kiate ia, aia koe fakamoui o hoku mata, mo hoku Otua.