¶ 1 OKU lahi a Jihova, bea oku lelei ke fakamalo lahi kiate ia i he kolo a ho tau Otua, i he mouga o ene maonioni.

2 Koe tuuga matamata lelei ae mouga ko Saione, koe fiefiaaga o mamani kotoabe, oku i hono botu tokelau ae kolo oe Tu‘i lahi.

3 Oku ilo ae Otua koe hufaga i hono gaahi fale lahi oia.

4 Bea, vakai, nae fakataha ae gaahi tu‘i, naa nau alu atu fakataha.

5 Naa nau mamata ai, bea nau ofo; naa nau mamahi, bea hola.

6 Nae tuia akinautolu i ai i he manavahe, moe mamahi, o hage koe fefine oku laga.

7 Oku ke maumau‘i ae gaahi vaka o Tasisi aki ae matagi hahake.

8 Hage koia naa mau fanogo, kuo behe e mau mamata i he kolo a Jihova oe gaahi kau tau, i he kolo a ho tau Otua: e fakatuu mau ia e he Otua o taegata. Sila.

9 Kuo mau manatu ki hoo aloofa, E Otua, i ho loto fale tabu.

10 O hage ko ho huafa, e Otua, oku behe ho ogoogolelei ki he gaahi gataaga o mamani; oku bito ho nima toomatau i he maonioni.

11 Tuku ke fiefia ae mouga ko Saione, tuku ke nekeneka ae gaahi ofefine o Juta, koe mea i hoo gaahi fakamāu.

12 Mou eveeva takatakai i Saione, o alu fakatakamilo iate ia: lau hono gaahi fale maoluga oia.

13 Mou vakai lelei ki hono gaahi buke, tokaga ki hono gaahi fale lahi; koeuhi ke mou tala ia ki he toutagata e hoko.

14 He koe Otua ni ko ho tau Otua o lauikuoga bea taegata: te ne tauhi akitautolu o a‘u ki he mate.