¶ 1 E OTUA, ke ke fakamoui au; he kuo hu ki loto ae gaahi vai ki hoku laumalie.

2 Oku ou galo hifo i he bela loloto, aia oku ikai ha botu ke tuu ai: kuou hoko ki he vai loloto, bea oku lomaki‘i au e he vai lahi.

3 Kuou vaivai i he eku tagi: kuo momoa hoku kia: oku fakaaau o oji hoku mata i he eku tatali ki hoku Otua.

4 Ko kinautolu oku fehia kiate au tae hano uhiga oku nau toko lahi hake i he tuoni louulu o hoku ulu: ko kinautolu oku loto ke fakaauha au, aia ko hoku gaahi fili taetotonu, oku nau malohi; bea neu toki age aia nae ikai teu ave.

5 E Otua, oku ke ilo‘i eku vale; bea oku ikai lilo iate koe eku gaahi agahala.

6 E Eiki Jihova oe gaahi kau tau, oua naa tuku ke ma akinautolu oku tatali kiate koe koeuhi ko au: E Otua o Isileli, oua naa bubutuu akinautolu oku kumi kiate koe koeuhi ko au.

7 He koe mea iate koe kuou kataki ai ae lauikovi; kuo ufiufi aki hoku mata ae ma.

8 Kuou hoko koe muli ki hoku gaahi kaiga, moe āuhe ki he fānau a eku fa‘e.

9 He kuou ojiojiloto i he fai feiga ki ho fale; bea koe gaahi manuki anautolu nae manuki‘i koe kuo to kiate au.

10 I he eku tagi, o tautea hoku laumalie aki ae aukai, nae manuki‘i ai au.

11 Naaku kofu aki ae tauagaa; bea neu hoko ko ho nau lumaaga.

12 Oku lauikovi‘i au ekinautolu oku nofo i he mataba; bea oku hiva aki au e he kau kona i he kava.

13 Ka ko au, E Jihova, e a‘u atu kiate koe eku lotu i he aho tuumalie: E Otua, ke ke fanogo kiate au i hono lahi fau o hoo aloofa, i hono mooni o hoo fakamoui.

14 Fakamoui au mei he bela, bea oua naa tuku au keu galo hifo: tuku ke fakamoui au meiate kinautolu oku fehia kiate au, bea mei he gaahi vai loloto.

15 Oua naa tuku ke lomaki‘i au e he vai lahi, bea oua naa folo hifo au e he loloto, bea oua naa tabuni e he luo hono gutu kiate au.

16 Fanogo kiate au, E Jihova, he oku lelei hoo manavaofa: ke ke tafoki mai kiate au o fakatatau ki hono lahi o hoo aloofa ogogofua.

17 Bea oua naa ke fufu ho fofoga mei hoo tamaioeiki; he oku ou mamahi: fanogo vave kiate au.

18 Ke ke unuunu mai ke ofi ki hoku laumalie, bea huhui ia: fakamoui au koeuhi ko hoku gaahi fili.

19 Kuo ke ilo‘i hoku lauikovi, mo eku ma, mo hoku manukia: oku i ho ao a hoku gaahi fili kotoabe.

20 Kuo feji‘i hoku loto e he lauikovi; bea kuou fonu i he mamahi: bea naaku kumi ki ha niihi ke ofa mai, ka nae ikai ha toko taha; moe kau fakafiemalie, ka nae ikai teu ilo ha taha.

21 Naa nau foaki foki kiate au ae ahu ko eku mea kai; bea i he eku fieinu naa nau tuku mai ae vaimahi keu inu.

22 Ke hoko ho nau keinagaaga koe hele i ho nau ao: mo ia nae totonu ke nau lelei ai, ke hoko ia koe tauhele.

23 Ke fakabouli ho nau mata, ke oua naa nau mamata; bea ke tetetete mau ai be ho nau kogaloto.

24 Te ke liligi ho houhau kiate kinautolu, bea buke akinautolu e ho houhau vela.

25 Tuku ke lala ho nau nofoaga; ke oua naa nofo ha toko taha i ho nau fale fehikitaki.

26 He oku nau fakataga‘i ia aia kuo ke ta‘i; bea oku nau talanoa fakamamahi kiate kinautolu kuo ke tautea.

27 Fakalahi aki ae nunua oe hia ki he e nau hia: bea ke oua naa nau hoko ki hoo maonioni.

28 Tuku ke tamate‘i mei he tohi oe moui, bea oua naa tohi fakataha akinautolu moe kau maonioni.

29 Ka ko au oku ou majiva mo mamahi: E Otua, tuku ke hiki ki oluga au e hoo fakamoui.

30 Teu fakamalo ki he huafa oe Otua aki ae hiva, bea teu hiki hake ia aki ae fakafetai.

31 Bea e fiemalie lahi hake ai a Jihova i he mea ni, i he bulu tagata be koe bulu oku ai hono nifo moe geeji va‘e.

32 E mamata ki he mea ni ae agavaivai, bea fiefia ai: bea e moui ho mou loto aia oku kumi ki he Otua.

33 He oku ogo‘i e Jihova ae majiva, bea oku ikai te ne manuki‘i ene kau bobula.

34 Tuku ke fakamalo kiate ia ae lagi mo mamani, ae gaahi tahi, moe mea kotoabe oku gau‘e i ai.

35 Koeuhi e fakamoui e he Otua a Saione, bea laga ae gaahi kolo o Juta: koeuhi ke nau nofo i ai, o ma‘u ia ko ho nau tofia.

36 E ma‘u foki ia e he hako o ene kau tamaioeiki: bea e nofo ki ai akinautolu oku ofa ki hono huafa.