¶ 1 OKU ilo ae Otua i Juta: oku lahi hono huafa i Isileli.

2 Oku i Selemi foki hono fale fehikitaki, mo hono afioaga i Saione.

3 Nae fejifeji eia i ai ae gaahi gahau oe kaufana, ae fakāu, moe heleta, moe tau. Sila.

4 Oku ke nāunāuia mo lelei lahi hake akoe i he gaahi mouga oe fakamalohi.

5 Kuo ikuna ae kau loto malohi, kuo nau mohe i he e nau mohe: bea oku ikai ha toko taha i he kau tagata malohi oku ilo ho nau nima.

6 E Otua o Jekobe, i hoo tautea kuo ke li fakatouoji be ae saliote moe hose ki he mohe oe mate.

7 Ko koe, io, ko koe, koe manavaheia: bea kohai e faa tuu i ho ao oka ke ka houhau?

8 Naa ke fakaogo‘i ae fakamāu mei he lagi; nae manavahe ai a mamani, o tuu tae gau‘e,

9 I he tuu hake ae Otua ki he fakamāu, ke fakamoui ae kau agavaivai kotoabe o mamani. Sila.

10 Koe mooni e fakaogolelei koe e he ita ae tagata: bea ko hono toe oe ita te ke lolomi.

11 Mou fuakava, o fai ia kia Jihova ko ho mou Otua: tuku ke omi ae gaahi mea ofa kiate ia oku totonu ke manavahe ki ai, akinautolu kotoabe oku nofo o takatakai ia.

12 E motuhi eia ae loto lahi oe houeiki: oku fakailifia ia ki he gaahi tu‘i o mamani.