¶ 1 FAKAFANOGO ae Tauhi o Isileli, akoe oku ke tataki a Josefa o hage koe faga sibi; akoe oku ke afio i he vahaa oe jelubimi, ke ke ulo mai.

2 I he ao o Ifalemi mo Benijimani mo Manase ke ke ue‘i hake ho malohi, bea haele mai o fakamoui akimautolu.

3 E Otua, ke ke toe fakatafoki akimautolu, bea tuku ke ulo mai ho fofoga; bea te mau moui ai.

4 E Jihova koe Otua oe gaahi kau tau, e fefe hono fuoloa mo hoo kei houhau ki he lotu a ho kakai?

5 Oku ke fafaga aki akinautolu ae ma oe loimata; bea oku age kiate kinautolu ae loimata lahi ke nau inu.

6 Oku ke gaohi akimautolu koe fekeikeiaga o ho mau kaugaabi: bea oku katakata ho mau gaahi fili iate kinautolu.

7 E Otua oe gaahi kau tau, ke ke toe fakatafoki akimautolu, bea tuku ke ulo mai ho fofoga; bea te mau moui ai.

8 Naa ke li kitua ae hiteni; ka naa ke omi ae vaine mei Ijibite, o to ia.

9 Naa ke fakaataatā  ae botu i hono ao, bea naa ke fakaaka maulalo ia, bea naa ne fakabito ae fonua.

10 Nae ufiufi ae gaahi mouga i hono malumalu, bea ko hono gaahi vaa nae hage koe gaahi sita ae Otua.

11 Naa ne tuku atu hono gaahi vaa ki he tahi, mo hono gaahi uluulu ki he vaitafe.

12 Koeha kuo ke hae hifo ai hono gaahi a, ke toli ia ekinautolu kotoabe oku alu atu i he hala?

13 Oku maumau‘i ia e he buaka tau mei he vao, oku kai ke oji ia e he faga manu kaivao.

14 E Otua oe gaahi kau tau, oku mau kole kiate koe ke ke foki mai: afio hifo mei he lagi, o vakai, mo aahi ki he vaine ni;

15 Moe goue vaine aia kuo to e ho nima toomatau, moe vaa aia naa ke gaohi ke malohi maau.

16 Kuo tutu ia aki ae afi, kuo ta hifo ia: kuo nau auha i he tautea e ho fofoga.

17 Tuku ke hili ho nima ki he tagata o ho nima toomatau, ki he foha oe tagata aia naa ke fakamalohi maau.

18 Bea e ikai ai te mau foki kimui meiate koe: ke ke fakaakeake akimautolu, bea te mau ui ki ho huafa.

19 E Jihova koe Otua oe gaahi kau tau, ke ke toe fakatafoki akimautolu, bea tuku ke ulo mai ho fofoga; bea te mau moui ai.