Vahe 85
1 Oku ogo‘i e he tagata tohi same ae ofa ae Otua, bea oku ne kole ke ma‘u be kiate ia. 8 Oku ne fuakava te ne tatali ki ai, i he loto falala ki he agalelei ae Otua.
Ki he Takimua, koe Same ki he gaahi foha o Kola.
¶ 1 E JIHOVA, kuo ke finagalo lelei ki ho fonua: kuo ke toe omi a Jekobe mei he bobula.
2 Kuo ke fakamolemole ae hia a hoo kakai, kuo ke ufiufi e nau agahala kotoabe. Sila.
3 Kuo ke too o ave ho houhau kotoabe: kuo ke fakatafoki koe mei he kakaha o ho houhau.
4 Fakatafoki akimautolu, E Otua oe mau moui, bea ke fakagata ho houhau kiate kimautolu.
5 Te ke houhau kiate kimautolu ke taegata? te ke tolo‘i atu ho houhau ki he toutagata kotoabe?
6 Ikai te ke toe fakaakeake akimautolu: koeuhi ke fiefia hoo kakai iate koe?
7 Fakaha kiate kimautolu hoo aloofa, E Jihova, mo ke tuku kiate kimautolu a hoo fakamoui.
8 Teu fanogo ki he folofola ae Otua ko Jihova: he te ne folofola aki ae melino ki hono kakai, bea ki he ene kau maonioni: kae oua naa nau toe tafoki ki he kovi.
9 Koe mooni oku ofi ene fakamoui kiate kinautolu oku manavahe kiate ia, koeuhi ke nofo ae monuia i ho tau fonua.
10 Kuo fakafetaulaki ae aloofa moe mooni; koe maonioni moe melino kuo na toutou fekita.
11 E tubu hake ae mooni mei he kelekele; bea e jio hifo ae maonioni mei he lagi.
12 Io, e foaki e Jihova aia oku lelei; bea e tuku mai hono fua e ho tau fonua.
13 E muomua iate ia ae maonioni, o ne fokotuu ho tau va‘e i hono hala.