« សម្តែងដំណើររឿងក្នុងព្រះគម្ពីរ »ទស្សនាវដ្តី ប្រិយមិត្ត ខែ កក្កដា ឆ្នាំ ២០២៤ ទំព័រ ១៤–១៥ ។
សម្តែង ដំណើររឿងក្នុងព្រះគម្ពីរ
« ចុះបើយើងយកប្រអប់ថ្ងៃអាទិត្យចេញមក ? » ចននីបានសួរ ។
ដំណើររឿងនេះបានកើតឡើងនៅក្នុង ស.រ.អា. ។
« ខ្ញុំធុញ » ។ ចននី ដេកនៅលើកម្រាលក្នុងបន្ទប់ទទួលភ្ញៀវ ។
បងស្រីរបស់គាត់ ជេនណាបានសម្លឹងមើលមាត់បង្អួច ។ នាងនិយាយថា « គ្មានអ្វីដែលត្រូវធ្វើឡើយ » ។
ចននី បានសម្លឹងមើលពិដាន ។ ហេតុអ្វីបានជាវាមានអារម្មណ៍ថាថ្ងៃអាទិត្យដូចមិនសប្បាយសោះ ?
បន្ទាប់មកគាត់មានគំនិតអ្វីមួយ ។ « ចុះបើយើងយកប្រអប់ថ្ងៃអាទិត្យចេញមក ? » ចននីបានសួរ ។ ប្រអប់ថ្ងៃអាទិត្យគឺជាប្រអប់ពិសេសមួយដែលសម្បូររបស់លេងកម្សាន្តនៅថ្ងៃអាទិត្យ ។
ទឹកមុខរបស់ជេនណា ញញឹមពព្រាយ ។ « ស្តាប់ទៅសប្បាយណាស់ » ។
ចននី និង ជេនណា បានប្រញាប់ប្រញាល់ទៅបន្ទប់របស់ម្តាយ ។ ពួកគេបានទាញប្រអប់ធំចូលទៅក្នុងបន្ទប់ទទួលភ្ញៀវ ។
« តើដំបូងយើងគួរធ្វើអ្វី ? » ចននីបានសួរ ។ គាត់បានបើកប្រអប់ ហើយទាញសៀវភៅរូបភាពមួយចំនួន និងល្បែងកាតមួយ ។
ជេនណា បាននិយាយថា « ចូរលេងល្បែងផ្គូផ្គងវីរបុរសក្នុងព្រះគម្ពីរ » ។
ល្បែងនេះមានកាតដែលមានរូបភាពព្យាការីនៃព្រះគម្ពីរមរមន ។ ជេនណា បានដាក់កាតនៅលើកម្រាលឥដ្ឋផ្កាប់ចុះក្រោម ។ ពួកគេបានប្តូរវេនរើសកាត និងព្យាយាមស្វែងរកកាតដែលត្រូវគ្នា ។
ចននី បានយកកាតពីរផ្សេងគ្នាជាមួយរូបមេទ័ពមរ៉ូណៃ នៅលើកាតទាំងនោះ ។ គាត់ស្រែក « ខ្ញុំរកឃើញកាតត្រូវគ្នាហើយ ! » ។
« បងក៏រកឃើញដែរ ! » ជេនណា បានកាន់កាតចំនួនពីរបង្ហាញពី សារ៉ាយ ។
ចននី និងជេនណា បានលេងពីរបីជុំទៀត ។ វាសប្បាយណាស់ដែលបានគិតអំពីដំណើររឿងដែលពួកគេចូលចិត្តមកពីព្រះគម្ពីរមរមន ។
មួយរយៈក្រោយមក ជេនណា បានិយាយថា « តោះធ្វើអ្វីផ្សេងទៀត » ។
« យល់ព្រម ។ តោះសម្តែងរឿងមួយក្នុងចំណោមដំណើររឿងព្រះគម្ពីរដែលយើងពេញចិត្ត ។ យើងនឹងមានអ្នកសម្តែងដំណើររឿងក្នុងព្រះគម្ពីរ ! » ចននី បានចាប់ផ្តើមយកកាតនោះ ។
« ចាស ! » ជេនណា បានជួយប្រមូលកាត ហើយទុកមួយដុំ ។
ចននី កាយរកក្នុងប្រអប់រហូតដល់គាត់បានរកឃើញសំលៀកបំពាក់ប្រពៃណីមួយចំនួន ។ គាត់បានយកអាវវែងទន់ពណ៌ត្នោតមកពាក់ ។ « ខ្ញុំជាសាំយូអែលជាសាសន៍លេមិន ! » គាត់បានលោតឡើងលើកៅអី ហើយបានធ្វើសកម្មភាពដូចជាសាំយូអែល បង្រៀននៅលើកំផែងទីក្រុង ។
ជេនណា បានបើកសៀវភៅរូបភាពនៃព្រះគម្ពីរមរមន ។ នាងបានបើកស្វែងរកទំព័រទាំងនោះរហូតដល់នាងបានរកឃើញសាំយ៉ូអែលជាសាសន៍លេមិន ។ នាងបានអានខ្លាំងៗ ខណៈពេលដែលចននីបានសម្តែងរឿងនោះ ។
ក្មេងៗបានអនុវត្តតាមដំណើររឿងនេះពីរបីដង ។ ចននី មានអារម្មណ៍កក់ក្តៅ និងរីករាយនៅក្នុងចិត្ត ។ វាធ្វើឲ្យមានអារម្មណ៍ល្អក្នុងការចងចាំព្យាការីដែលបានបង្រៀនអំពីព្រះយេស៊ូវគ្រីស្ទ ។
ពេលដែលពួកគេមានអារម្មណ៍ថាបានត្រៀមខ្លួនរួចហើយ ចននីបានរត់ទៅនាំម៉ាក់ប៉ា និងប្អូនស្រីរបស់ពួកគេឈ្មោះ ម៉ាខេណា មកមើល ។ « មកមើលការសម្តែងរបស់យើង ! »
ជេនណា បានឈរចំកណ្តាលបន្ទប់ដោយដៃរបស់នាងលាតសន្ធឹង ។ « សូមស្វាគមន៍មកកាន់ការសម្តែងដំណើររឿងក្នុងព្រះគម្ពីររបស់យើង ។ ថ្ងៃនេះយើងនឹងសម្តែងរឿងអំពី… សាំយូអែលជាសាសន៍លេមិន ! »
បន្ទាប់មក នាងបានចាប់ផ្ដើមដំណើររឿងនោះ ។ « ជាយូរលង់មកហើយមានព្យាការីម្នាក់ឈ្មោះ សាំយូអែល បានមកដើម្បីបង្រៀនសាសន៍នីហ្វៃ … »
នៅពេលដល់ផ្នែករបស់ ចននី គាត់ឈរលើកៅអី ។ គាត់បាននិយាយដោយសំឡេងខ្លាំងៗ ។ «ខ្ញុំជា សាំយូអែល ហើយព្រះវរបិតាសួគ៌ចង់ឲ្យអ្នកធ្វើការជ្រើសរើសល្អ ។ ឈប់ធ្វើរឿងអាក្រក់ៗ ។ ពីព្រោះក្នុងរយៈពេល ៥ ឆ្នាំ ព្រះយេស៊ូវគ្រីស្ទនឹងប្រសូត្រមក » ។
ជេនណា បាននិយាយថា « ព្រះចេស្តារបស់ព្រះគឺនៅជាមួយ សាំយូអែល » ។ នាងបានបញ្ចប់ការដំណាលប្រាប់ដំណើររឿងទាំងមូល ។ ពេលចប់ ម៉ាក់ប៉ា និង ម៉ាខេណា ទះដៃ ។
« រឿងនោះអស្ចារ្យណាស់» ។ ម៉ា់ក់បាននិយាយ ។
ចននី និងជេនណាបានយកធ្នូ ។ ពួកគេញញឹមយ៉ាងខ្លាំង ។
ចននី បាននិយាយថា « តោះធ្វើការសម្តែងមួយទៀត » ។
ម៉ាក់ បាននិយាយថា « យើងចង់មើលការសម្តែងមួយទៀត » ។ ម៉ាខេណា ទះដៃហើយញញឹម ។
ជេនណា និងចននី បានរត់ទៅរកប្រអប់សម្រាប់ថ្ងៃអាទិត្យ ស្វែងរកសំលៀកបំពាក់ប្រពៃណីបន្ថែមទៀត ។
« ថ្ងៃអាទិត្យជាថ្ងៃសប្បាយណាស់ ! ជេនណា បាននិយាយថា « ខ្ញុំចូលចិត្តរៀនអំពីព្រះគម្ពីរ » ។
« និងអំពីព្រះយេស៊ូវ » ។ ចននី ញញឹមពេលគាត់រកឃើញសំលៀកបំពាក់ប្រពៃណីមួយផ្សេង ។ ថ្ងៃអាទិត្យគឺជាថ្ងៃពិសេសណាស់ !
រចនារូបភាពដោយ ឆ័រណា ជេ ស៊ី ធេននី