សកម្មភាព « ចូរមកតាមខ្ញុំ ទស្សនាវដ្តី ប្រិយមិត្ត ខែ កក្គដា ឆ្នាំ ២០២៤ ទំព័រ ២៨–២៩ ។
សកម្មភាពចូរមកតាមខ្ញុំ
សម្រាប់រាត្រីជួបជុំក្រុមគ្រួសារ ឬការសិក្សាព្រះគម្ពីរ—ឬគ្រាន់តែសម្រាប់ភាពរីករាយ !
ថ្ងៃទី ១–៧ ខែ កក្កដា
កិច្ចការធ្វើដោយដៃ នៃផែនការនៃសុភមង្គល
សម្រាប់ អាលម៉ា ១៧–២២
ទាំង អើរ៉ុន និង អាំម៉ូន បានបង្រៀនអំពីផែនការនៃសុភមង្គលរបស់ព្រះវរបិតាសួគ៌ ។ ពួកលោកបានហៅថាវាថាផែនការនៃការប្រោសលោះ ( សូមមើល អាលម៉ា ១៨:៣៦–៣៩ និង អាលម៉ា ២២ ) ។ បើកទៅទំព័រទី ១២ ដើម្បីធ្វើកិច្ចការធ្វើដោយដៃអំពីផែនការនៃសុភមង្គលរបស់អ្នកផ្ទាល់ខ្លួន ។
ថ្ងៃទី ៨–១៤ ខែ កក្កដា
ឧបករណ៍នៅក្នុងព្រះហស្ដនៃព្រះ
សម្រាប់ អាលម៉ា ២៣–២៩
អាំម៉ូន បាននិយាយទៅកាន់បងប្អូនរបស់លោកថា « យើងបានធ្វើជាគ្រឿងឧបករណ៍នៅក្នុងព្រះហស្តនៃព្រះ ដើម្បីនាំមកនូវកិច្ចការដ៏មហិមានេះ » ( អាលម៉ា ២៦:៣ ) ។ ប្រមូលរបស់របរដែលប្អូនអាចប្រើដើម្បីបង្កើតតន្ត្រី ។ បន្ទាប់មក បង្កើតចង្វាក់ភ្លេង និង ចម្រៀង ។ ដូចជាយើងប្រើប្រាស់ឧបករណ៍នានាដើម្បីបង្កើតតន្ត្រី ព្រះអាចប្រើប្រាស់យើងដើម្បីជួយស្ថាបនាសាសនាចក្ររបស់ព្រះយេស៊ូវគ្រីស្ទ ។
ថ្ងៃទី ១៥–២១ ខែ កក្កដា
រំឭកតន្ត្រីរាំដណ្តើមកៅអី
សម្រាប់ អាលម៉ា ៣០–៣១
អាលម៉ា បានបង្រៀនថា « គ្រប់ការណ៍ទាំងអស់បង្ហាញថា មានព្រះមួយអង្គមែន » ( អាលម៉ា ៣០:៤៤ ) ។ នោះមានន័យថាអ្វីៗដែលព្រះបានបង្កើតអាចរំឭកយើងពីទ្រង់ ។ រៀបចំកៅអីនៅក្នុងរង្វង់ដែលមានកៅអីគ្រប់គ្រាន់សម្រាប់មនុស្សគ្រប់គ្នា ប៉ុន្តែលើសមនុស្សម្នាក់ ។ ឲ្យនរណាម្នាក់ចាក់ភ្លេង ហើយសម្រេចថាពេលណាផ្អាកតន្រ្តី ។ នៅពេលតន្ត្រីឈប់ គ្រប់គ្នាដណ្តើមកៅអីអង្គុយ ។ មនុស្សដែលគ្មានកៅអីចែកចាយរឿងមួយដែលរំឭកពួកគេអំពីព្រះ ។ បន្តរហូតដល់មនុស្សគ្រប់គ្នាដល់វេន ។
ថ្ងៃទី ២២–២៨ ខែ កក្កដា
ចិញ្ចឹមបីបាច់ទីបន្ទាល់របស់ប្អូន
សម្រាប់ អាលម៉ា ៣២–៣៥
អាលម៉ាបានបង្រៀនថា នៅពេលដែលប្អូនស្ដាប់ព្រះបន្ទូលរបស់ព្រះ ហើយធ្វើអ្វីៗដើម្បីបង្ហាញសេចក្ដីជំនឿរបស់ប្អូន នោះទីបន្ទាល់របស់ប្អូននឹងរីកចម្រើនដូចជាដើមឈើមួយ ( សូមមើល អាលម៉ា ៣២:៣៧ ) ។ គូរកិច្ចការអ្វីដែលប្អូនអាចធ្វើដើម្បីជួយឲ្យដើមឈើដុះលូតលាស់ ដូចជាការស្រោចទឹក និងផ្តល់ពន្លឺព្រះអាទិត្យ ។ បន្ទាប់មក គូរកិច្ចការអ្វីដែលប្អូនអាចធ្វើដើម្បីជួយឲ្យទីបន្ទាល់របស់ប្អូនរីកចម្រើន ដូចជាការទៅព្រះវិហារ និងការធិស្ឋាន ។
រចនារូបភាពដោយ ខាធី ដុកគ្រីល