“Savali Faafeiloai,” Mo le Malosi o le Autalavou, Me 2021.
Sauniga o le Taeao o le Aso Toonai
Savali Faafeiloai
Vaega
O’u uso e, tuafafine, ma uo pele i le lalolagi atoa, ou te ofo atu la’u faafeiloaiga patino i lenei konafesi aoao. …
O le tausaga na te’a nei o le tausaga ua pinefaamauina i tusi. E lē masalomia ua tatou taufai aoaoina uma ni mea sa tatou le’i iloaina muamua. O nisi o lesona sa ou iloaina muamua ua tusia i lo’u loto i ni auala fou ma faagaeetia.
Mo se faataitaiga, ou te iloa ma le mautinoa o loo taitai e le Alii mataupu o Lana Ekalesia. …
Ua ou malamalama atili nei foi i le mea na Ia fetalai ai e faapea, “Faauta, o le a Ou faanatinatiina la’u galuega i lona taimi.” [Mataupu Faavae ma Feagaiga 88:73]. …
… I le tausaga ua mavae, e toatele outou ua faateleina naua le suesueina o le talalelei i totonu o o outou aiga. Ou te faafetai atu, ma o le a faafetai atu a outou fanau ia te outou. …
O se vaega o le faapotopotoina o Isaraelu, ma se vaega taua tele, o le poloaiga mo i tatou o se nuu ina ia agavaa ma loto ia fesoasoani e saunia le lalolagi mo le Afio Mai Faalua o le Alii.
A o tatou faalogologo i savali ua sauniaina ma le faaeteete e o tatou taitai i lalo o le taitaiga a le Agaga Paia, ou te valaaulia outou ia tatalo ia iloa otaota e tatau ona e aveesea mai lou olaga ina ia mafai ona e agavaa atili.
… Susū maia i le konafesi aoao ma le avanoa e faafofoga ai i le siufofoga o le Alii.