“KOVITI-19 ma Malumalu,” Mo le Malosi o le Autalavou, Me 2021.
Sauniga o le Afiafi o le Aso Sa
KOVITI-19 ma Malumalu
Vaega
I le amataga o le tausaga ua te’a, ona o le faama’ioti o le KOVITI-19 ma lo tatou naunautai e avea ma ni tagatanuu lelei i le lalolagi, sa tatou faia ai le faaiuga faigata ia tapuni lē tumau malumalu uma. I masina na sosoo ai, sa matou lagona le musuiaina e toe tatala faasolosolo malumalu e ala i se faiga faaeteete tele. Ua toe tatalaina nei malumalu i vaega e fa, i le usitaia a’ia’i lea o tulafono faalemalo i le lotoifale faapea ma aiaiga o le saogalemu. …
Matou te faafetai atu mo lo outou onosai ma auaunaga tuuto i lenei vaitau fesuisuiai ma luitauina. Ou te tatalo ia mumū atili lo outou naunau e tapuai ma auauna i totonu o malumalu i lo o se isi lava taimi.
Atonu o loo outou tuufesili pe o afea o le a mafai ai ona outou toe foi atu i le malumalu. Tali: O le a toe tatala le tou malumalu pe a faatagaina ai e tulafono faalemalo i le lotoifale. …
Ae o le taimi nei, ia tausia a outou feagaiga ma faamanuiaga o le malumalu ia laualuga i o outou mafaufau ma loto. Tumau faamaoni i feagaiga sa e osia.
O loo tatou atia’e nei mo le lumanai! …
Matou te mananao ia aumai le maota o le Alii ia matua latalata atu i o tatou tagata, ina ia latou maua le avanoa paia e auai ai i le malumalu i le tele e mafai ona faatagaina ai e o latou tulaga. …
O malumalu o ni vaega taua o le Toefuataiga o le talalelei a Iesu Keriso i lona atoaga. O sauniga o le malumalu e faatumuina ai o tatou olaga i le mana ma le malosi e lē maua i se isi lava ala. Tatou te faafetai i le Atua mo nei faamanuiaga.