“O Le Malaga Patino a se Atalii/Afafine o le Atua,” Mo le Malosi o le Autalavou, Me 2021.
Sauniga o le Afiafi o le Aso Toonai
O Le Malaga Patino a se Atalii/Afafine o le Atua
Vaega
O tagata taitoatasi e o mai i le lalolagi, o se atalii po o se afafine tulagaese o le Atua. E lei amataina la tatou malaga patino i le fanau mai. Ae tatou te lei fananau mai, sa tatou faatasitasi i se lalolagi o tapenaga lea na tatou “maua ai a [tatou] lesona muamua i le lalolagi o agaga” [Mataupu Faavae ma Feagaiga 138:56]. …
I le avea ai ma fanau o le feagaiga a le Atua, tatou te alolofa, faamamalu, faafailele, puipuia, ma talileleia na agaga o loo o mai mai le muai olaga. …
… Na saunoa Peresitene Gordon B. Hinckley… fai mai: “… O le faapau pepe o se mea faatiapolo… lea ua lilofia ai le lalolagi atoa.”
… Ia tatou faasoa atu o tatou lagona loloto e uiga i le pa’ia o le ola ia i latou o e faia tonu i totonu o nuu. Atonu latou te le talisapaia atoatoa o tatou talitonuga, ae tatou tatalo ia latou malamalama atili i le mafuaaga, mo i tatou, o nei faaiuga e matua mamao lava ma le mea e manao i ai se tagata mo lona lava olaga. …
Ou te molimau atu o lau lava malaga patino o se atalii/afafine o le Atua e lei amataina mo oe ina ua faatoa ulu atu i ou māmā le ea o le lalolagi, ma o le a le muta foi pe a uma lau toe manava o le olaga nei.
Tau ina ia tatou manatua pea lava o atalii/afafine agaga taitasi o le Atua o loo sau i le lalolagi i lana lava malaga patino. Ia tatou talileleia i latou, puipuia i latou, ma alolofa e le aunoa ia i latou. A o outou taliaina nei fanau faapelepele i le suafa o le Faaola ma fesoasoani ia i latou i la latou malaga faavavau, ou te folafola atu o le a faamanuiaina outou e le Alii ma faatumulia outou i Lona alofa ma Lana faamaoniga i o outou luga.