“Faauta! O Aʼu o se Atua o Vavega, “ Mo le Malosi o le Autalavou, Me 2021.
Sauniga o le Afiafi o le Aso Sa
“Faauta! O A’u o se Atua o Vavega”
Vaega
E anoanoai vavega, o faailoga, ma mea ofoofogia i e o mulimuli ia Iesu Keriso i ona po nei, i o outou olaga ma i lo’u foi. O vavega o ni aga faalelagi, o faaaliga, ma faailoaga o le mana e leai se tuaoi o le Atua ma o se faamautinoaga “e tutusa o Ia ananafi, le aso, ma le faavavau” [Moronae 10:19]. O Iesu Keriso, o le sa foafoaina le sami, e mafai ona ia faatoafilemuina; o Ia o le sa faapupula i tauaso e mafai ona Ia faataula’i atu la tatou gauai i ma faalelagi; o Ia o le sa faamamaina lepela e mafai ona ia faaleleia o tatou vaivaiga; o Ia o le sa faamaloloina le tagata pipili e mafai ona Ia valaau mai ia i tatou e tula’i i le faapea mai “Sau, mulimuli mai ia te au” [Luka 18:22].
E toatele outou ua molimauina vavega, e sili atu nai lo mea ua outou silafia. Atonu e foliga mai e laiti pe a faatusatusa ia Iesu o faatutuina e ua oti. Ae o le telē e le tulagaese ai se vavega, vagana na oo mai le Atua. …
E i ai taimi tatou te faamoemoe ai mo se vavega e faamalolo se e pele, e toe mimilo se taga e le amiotonu, pe faamalulu le loto o se agaga ua italili pe faaseseina. O le tilotilo atu i mea e ala i mata faaleolaga nei, tatou te mananao ai i le Alii ia faasalaveia, e toe fau le mea ua nuti. E ala i le faatuatua, o le a oo mai le vavega, e ui atonu e le o la tatou taimi faatulagaina po o le faaiuga sa tatou mananao ai. …
Ua faamanatu mai e le Alii ia i tatou “O o outou ala e le o o’u ala ia” [Isaia 55:8]. Ua Ia ofo mai, “Ia outou o mai ia te au outou uma o e tigaina ma mafatia i avega o au foi e malolo ai outou” [Mataio 11:28]—malologa mai le popole, o le le fiafia, atuatuvale, le usiusitai, atugaluga mo e pele, po o le toilalo po o ni miti ua le taulau. O le filemu i le taimi o le fememea’i po o le faanoanoa o se vavega.