“Faamanuiaina i Lona Suafa,” Mo le Malosi o le Autalavou, Me 2021.
Sauniga a le Perisitua
Faamanuiaina i Lona Suafa
Vaega
O le mafuaaga mo lo tatou mauaina o le perisitua ia mafai ai ona tatou faamanuiaina tagata mo le Alii, e faia lea i Lona suafa.
O le tele o tausaga talu ona avea a’u ma tiakono na ou aoaoina ai le uiga moni o lena mea. Mo se faataitaiga, i le avea ai ma se faitaulaga sili, sa tofia ai a’u e asiasi i se sauniga faamanatuga i le nofoaga autu mo le tausiga o tagata matutua. Sa talosagaina a’u e tufaina le faamanatuga. Nai lo le mafaufau e uiga i le faagasologa po o le sa’o o le auala e tufaina ai le faamanatuga, sa ou tilotilo i foliga o tagata matutua taitoatasi. Sa ou vaaia le toatele o i latou o fetagisi. O se tasi o tamaitai sa uuina le lima o lo’u ofu, tilotilo mai i luga, ma fai mai leotele, “Oi, faafetai, faafetai.”
Na faamanuiaina e le Alii la’u auaunaga na tuuina atu i Lona suafa. O lena aso sa ou tatalo ai mo sea vavega e oo mai nai lo le tatalo mo le lelei na ou faia ai la’u vaega. Sa ou tatalo ia lagona e tagata le alofa o le Alii e ala i la’u auaunaga alofa. Sa ou aoaoina o lenei mea o le ki lea i le auauna atu ma faamanuiaina ai isi i Lona suafa. …
Ou te talitonu e mafai ona tatou faalautele la tatou auaunaga faaleperisitua i le aluga o le olaga atoa ma masalo i tua atu. O le a faalagolago i lo tatou filiga i le taumafai ia iloa le finagalo o le Alii ma a tatou taumafaiga ia lagona Lona siufofoga ina ia mafai ona sili atu lo tatou iloa o mea e finagalo i ai o Ia mo le tagata o loo tatou auauna atu i ai mo Ia. O lena faalautelega o le a oo mai i ni laa laiti. Atonu e telegese mai, ae o le a oo mai lava.