“Faapito’au Faaosolilivau,” Mo le Malosi o le Autalavou, Me 2021.
Sauniga o le Afiafi o le Aso Toonai
Faapito’au Faaosolilivau
Vaega
O le faaituau e mafai ona foliga mai e le ogatusa ma le tulaga moni o se agalelei Tama Faalelagi alofa. Ae e moni lava o Ia, e agalelei o Ia, ma e alofa atoatoa o Ia i Ana fanau taitasi. …
O nisi faapito’au e le mafai ona faamatalaina, o faapito’au e aunoa ma ni mafuaaga e faaosolilivau. … O le natura lava o le olaga faitino e mafua ai ona faapito’au. …
… Ou te tautino atu ma lou loto mafatia atoa, e malamalama Iesu Keriso i le faaituau ma o loo i ai le mana e maua mai ai se vaifofo. … E malamalama atoatoa o Ia i mea o loo tatou oo i ai. …
… I le faavavau, o le a foia e le Tama Faalelagi ma Iesu Keriso faapito’au uma. Tatou te mananao ma le malamalama ia iloa pe faapefea ma pe o afea. Pe faapefea ona La faia lena mea? Pe o afea La te faia ai lena mea? I lou iloa i ai, La te lei faaalia maia pe faapefea po o afea. O le mea ua ou iloa o le a La faia. …
E mafai ona tatou taumafai e taofiofi a tatou fesili e uiga i le pe faapefea ma le poo afea mo se taimi mulimuli ane ma taulai atu i le atiina ae o le faatuatua ia Iesu Keriso. …
A o tatou atiina a’e le faatuatua ia Iesu Keriso, e tatau foi ona tatou taumafai malosi ia avea e faapei o Ia. Ona tatou talanoa atu lea i isi ma le mutimutialofa ma taumafai e faaitiitia faiga faaituau i le mea tatou te maua ai. …
Aua nei e faatagaina le faapito’au e faamaaaina oe, pe faavaivaia lou faatuatua i le Atua. Nai lo lena, ole atu i le Atua mo se fesoasoani. Ia faateleina lou talisapaia ma lou faalagolago i le Faaola. …
… O le a tauia lou faatuatua i le Tama Faalelagi ma Iesu Keriso e sili atu nai lo se mea e mafai ona e mafaufauina. O tulaga faapito’au uma—aemaise o le faapito’au faaosolilivau—o le a faapaiaina mo lou manuia.