“O Mea o Loo Tatou Aoaoina ma o le a le Galo Lava,” Mo le Malosi o le Autalavou, Me 2021.
Sauniga a le Perisitua
O Mea o Loo Tatou Aoaoina ma O Le A Le Galo Lava
Vaega
O le taimi mulimuli sa tatou faia ai se sauniga faaleperisitua o le konafesi aoao o Aperila 2019. E tele mea na tutupu i le lua tausaga ua tuanai! …
… Sei ou fautuaina atu ni lesona se fa ou te faamoemoe ua tatou aoaoina uma ma o le a le galo lava.
Lesona 1: O Le Aiga o le Nofoaga Autu o le Faatuatua ma Tapuaiga …
… O tapu o loo i ai nei i faatasiga o le a i’u lava ina faamutaina. Peitai, o lou tuuto ia faia lou aiga ma ou malutaga autu o le faatuatua e lē tatau lava ona muta. …
Lesona 2: Tatou te Manaomiaina le Tasi ma le Isi
… E mafai ona tatou ausia faatasi ni mea se tele na’ua nai lo mea tatou te mafaia na o i tatou. Semanu e lē aoga le fuafuaga o le fiafia a le Atua pe ana fai e tumau le faanofoesea o Ana fanau mai le tasi ma le isi. …
Afai e te iloaina soo se tasi ua tuuatoatasi, aapa atu i ai—e tusa lava pe o e lagonaina foi le tuuatoatasi! …
Lesona 3: O Lau Korama o le Perisitua E Sili Atu Nai Lo o se Fonotaga
… O fonotaga ua na o se vaega itiiti o mea ua faatatau i ai se korama ma mea e mafai ona ia faia.
… O loo i ai korama i se tofiga tulagaese e faatelevave le faapotopotoina o Isaraelu i itu uma e lua o le veli.
Lesona 4: Tatou te Lagona Lelei Atili Iesu Keriso Pe a Tatou Filemu
… O le vāvāō i le lalolagi o le a faaauau pea ona faateleina. I se faatusatusaga, o le siufofoga o le Alii … “o se leo filemu o le fimalie atoatoa, [faapei] o se musumusu, ma [tuia] e oo lava i le agaga” [Helamana 5:30]. Ina ia lagonaina lenei siufofoga filemu, e tatau foi ona e filemu! …
O’u uso e pele, e anoanoai ni mea ua finagalo le Alii ia tatou aoaoina mai i o tatou aafiaga i lenei faama’ioti. Ua ou lisiina atu na o le fa. Ou te valaaulia outou ia fai ni a outou lava lisi, mafaufau ma le toto’a i ai, ma faasoa atu ia i latou e te alofa i ai.