“Talatalanoaga E Tatau Ai,” Mo le Malosi o le Autalavou, Me 2021.
Sauniga o le Taeao o le Aso Sa
Talatalanoaga E Tatau Ai
Vaega
E le mafai ona tatou faatalitali mo le liuga ia na ona tupu i a tatou fanau. O le liua faafuasei e lē o se mataupu faavae o le talalelei a Iesu Keriso. O le avea ai e faapei o lo tatou Faaola o le a le tupu fua mai. O le i ai o le loto faamaoni i le alofa, aoao atu, ma le molimau atu e mafai ona fesoasoani i tamaiti e amata ai a o laiti, ia lagonaina le tosinaga a le Agaga Paia. E taua le Agaga Paia i le molimau a a tatou fanau i le ma le liua ia Iesu Keriso. …
Mafaufau i le taua o talatalanoaga faaleaiga e uiga i le talalelei a Iesu Keriso, talatalanoaga e tatau ai ia e mafai ona valaaulia ai le Agaga. Pe a i ai ni a tatou talatalanoaga faapena ma a tatou fanau, ua tatou fesoasoani ia i latou e fatufatu se faavae, “o le faavae mautinoa lea, o se faavae lea afai [latou te] atiae ai tagata e le mafai lava ona pa’uū i latou” [Helamana 5:12].
O nei talanoaga taua e mafai ona taitai atu ai tamaiti e:
-
Malamalama i le aoaoga faavae o le salamo.
-
Faatuatua ia Keriso, le Alo o le Atua soifua.
-
Filifili le papatisoga ma le meaalofa o le Agaga Paia pe a valu tausaga le matutua.
-
Ma tatalo ma “savavali tonu i luma o le Alii” [Mataupu Faavae ma Feagaiga 68:28]. …
A o aoao tamaiti ma agaigai i luma, o le a luitauina o latou talitonuga. Ae a lelei ona faaauupegaina, e mafai ona latou tuputupu ae i le faatuatua, lototoa, ma le mautinoa, e oo lava i le lotolotoi o tetee malolosi.
Na aoao mai i tatou e Alema ia “saunia mafaufau o [le] fanau” [Alema 39:16]. O loo tatou tapenaina le tupulaga faia’e ia avea ma leoleo o le faatuatua i le lumanai, ia malamalama “ua [latou] saoloto e fai mo i [latou] lava—e filifili le ala o le oti tumau-faavavau, po o le ala o le ola e faavavau” [2 Nifae 10:23]. E tatau mo tamaiti le malamalama i lenei upumoni sili: o le faavavau o le mea sese lea e sese i ai.
Ia avea a tatou talatalanoaga e tatau ai ae faigofie ma a tatou fanau ma mea e fesoasoani ai ia i latou ia “olioli i afioga o le ola faavavau” i le lalolagi lenei, ina ia latou mafai ona olioli i le “ola faavavau i le lalolagi a sau, o le mamalu ola pea lava” [Mose 6:59; faaopoopo le faamamafa].