“Aisea i le Ala o Feagaiga,” Mo le Malosi o le Autalavou, Me 2021.
Sauniga
Aisea i le Ala o le Feagaiga
Vaega
O le a le ala o le feagaiga? O le ala lea e tasi e taitai atu ai i le malo selesitila o le Atua. Tatou te o atu i le ala i le faitotoa o le papatisoga. …
Atonu e faapea mai nisi, “E mafai ona ou faia filifiliga lelei tusa pe papatiso pe le papatiso foi; ou te le manaomia ni feagaiga e avea ai ma tagata faamamaluina ma faamanuiaina.” … O le a la, le eseesega o le ala o feagaiga?
O le mea moni, o le eseesega e tulaga ese ma e faavavau. …
O le mea muamua o le natura o lo tatou usiusitai i le Atua. E sili atu i le na ona i ai o ni faamoemoega lelei, tatou te tautino atu ai ma le paia e “ola i afioga uma e tulei mai le fofoga o le Atua. I le faia o lea, tatou te mulimuli ai i le faataitaiga a Iesu Keriso. …
O se itu tulagaese lona lua o le ala o feagaiga o lo tatou sootaga i le Atua. O feagaiga ua ofo mai e le Atua i Ana fanau, e tele atu mea e faia ai nai lo le na ona taiala ai o i tatou. E noatia ai i tatou ia te Ia. …
O lea tulaga e taitai atu ai i tatou i le mafaufauina o se faamanuiaga faapitoa lona tolu o le ala o feagaiga. Ua saunia e le Atua se meaalofa e toetoe ina a le malamalama ai, e fesoasoani i e osia feagaiga ia avea ma ni e e tausia feagaiga: o le meaalofa o le Agaga Paia. …
Lona fa, o i latou o loo tulimatai atu i le ala o feagaiga e mauaina faamanuiaga e sili ona faapitoa i faapotopotoga e atofaina [e pei o sauniga faamanatuga ma tapuaiga i le malumalu]. …
O le mea mulimuli, e na o le tulimata’ia lava o le ala o feagaiga tatou te maua ai faamanuiaga o Aperaamo, Isaako, ma Iakopo, o faamanuiaga laualuga o le faaolataga ma le faaeaga lea e na o le Atua e mafai ona aumaia. …
Ia gauai atu i le valaau a le perofeta ia tumau i le ala o feagaiga.