“O Loto Ua Fili Faatasi,” Mo le Malosi o le Autalavou, Me 2021.
Sauniga
O Loto Ua Fili Faatasi
Vaega
Ina ua fesiligia, “Le aoao e, o le fea poloaiga o i le tulafono ua sili? Sa tali atu le Faaola ia “alofa atu i le Alii lou Atua ma lou loto atoa,” sosoo atu ai, “Ia e alofa atu i lē lua te tuaoi e pei o oe lava ia te oe” [Mataio 22:36-39]. O le tali a le Faaola ua toe faamamafa mai ai lo tatou tiute faalelagi. Sa poloai mai se perofeta anamua e faapea “ia lē tatau ona i ai se finau o le tasi ma le isi, ae e tatau ona [tatou] tagai i luma …, ua fili faatasi [o tatou] loto i le lotogatasi ma le alofa o le tasi i le isi” [Mosaea 18:21, ua faaopoopo le faamamafa]. …
Taimi nei, i alii talavou ma tamaitai talavou, a o outou agai ina matutua, o le ulagia o isi e mafai ona faatupulaia i se tulaga matautia. O le atuatuvale, loto popole, ma isi mea e sili atu ona leaga o taunuuga ia o le taufaamatau. …
Ua manino lava, o loo faaaoga e le fili lenei mea e faatiga ai la outou augatupulaga. E le talafeagai ona i ai lenei mea i lau initoneti, tuaoi, a’oga, korama, ma vasega. Faamolemole ia faia mea uma e te mafaia ia avea ai nei nofoaga ma nofoaga e sili ona agalelei ma saogalemu. …
… A o e fegalegaleai atu ma isi i le agalelei, manatu i ai, ma le manatu alofa, e oo lava i le faamata’inumera, ou te folafola atu o le a e siitia i luga lima ua tautau ma o le a faamaloloina loto. …
Ia taitasi i tatou, tusa lava po o le a le matua, taumafai malosi ia avea ma ni ē aupito sili.
Tusa lava foi pe e te taumafai malosi e te fegalegaleai atu i le alofa, faaaloalo, ma le agalelei, ae o le a le masalomia lava lou tiga po o aafia leaga i filifiliga leaga a isi. O le a la se mea tatou te faia? Tatou te mulimuli i le apoapoaiga a le Alii ia “alofa atu i e o fai outou mo latou fili … ma tatalo foi mo e tuuai fua mai ia te outou” [Luka 6:27–28].
Pe a oo ina oo mai ia i tatou faigata ma puapuaga e ala i faiga matuia, le lelei, e ono lamatia ai, e mafai ona tatou filifili e faamoemoe ia Keriso. O lea faamoemoe e maua mai Lana valaaulia ma le folafolaga “ia fiafia, ona o le a ou taitai outou i le ala” [Mataupu Faavae ma Feagaiga 78:18] ma o le a Ia faapaiaina ou puapuaga mo lou lelei [tagai i le 2 Nifae 2:2].