“O Loo ia i Tatou le Atua,” Mo le Malosi o le Autalavou, Me 2021.
Sauniga o le Taeao o le Aso Sa
O Loo ia i Tatou le Atua
Vaega
Pe a tatou lagonaina le faatauvaa, tuliesea, ma le faagaloina, tatou te aoao ai e mafai ona tatou mautinoa e le o faagaloina i tatou e le Atua—o le mea moni, ua Ia ofoina mai i Ana fanau uma se mea e le’i mafaufauina: ia avea ma “suli o le Atua ma suli-faatasi ma Keriso” [Roma 8:17]. …
Ona o Iesu Keriso, e le tau faamatalaina ai i tatou i o tatou toilalo. E mafai ona latou faaleleia i tatou. …
Afai tatou te salamo, e lē faalēagavaaina i tatou e measese. O vaega na o lo tatou alualu i luma. …
E tele ina ou tomanatu, Pe o le a se mea e aoao mai e Iesu ma faia pe afai e i ai o Ia ma i tatou i le asō? …
E aoao atu lava e le aunoa e le Faaola upumoni e faavavau. E faatatau i tagata o tupulaga uma ma soo se tulaga.
O Lana savali i lena taimi ma le taimi nei, o le savali o le faamoemoe—o se molimau e le’i tuulafoaiina lava e le Atua lo tatou Tama Faalelagi Ana fanau.
O loo ia i Tatou le Atua! …
Ao tatou saili e mulimuli ia Iesu Keriso ma savavali i le ala o le avea ma so’o, i lea fuaiupu ma lea fuaiupu, o le a oo mai le aso o le a tatou maua ai lena meaalofa e le’i mafaufauina o le mauaina o se atoaga o le olioli. …
Ou te ofo atu ia te outou o’u alofaaga ma faamanuiaga i lenei vaitau fiafia o le Eseta. Tatala atu o outou loto i lo tatou Faaola ma le Togiola, po o a lava ou tulaga o i ai, tofotofoga, mafatiaga, po o measese; e mafai lava ona outou iloa o loo soifua o Ia, e alofa o Ia ia te outou, ma ona o Ia, o le a le tuua ai na’o outou.
O loo ia i tatou le Atua.