“Ou te Fia Vaai i le Malumalu,” Mo le Malosi o le Autalavou, Me 2021.
Sauniga o le Taeao o le Aso Toonai
Ou te Fia Vaai i le Malumalu
Vaega
Malumalu o Durban Aferika i Saute
Ou te iloa o malumalu o le Alii o ni nofoaga paia. O lo’u faamoemoega i le asō i le talanoa atu i malumalu o le faateleina lea o lo outou naunau faapea ma a’u ina ia agavaa ma saunia mo le tele o avanoa mo aafiaga faalemalumalu lea o le a oo mai mo i tatou. …
Afai tatou te o pe ou te alu i le malumalu ma le le atoatoa o le mama, o le a le mafai ona tatou vaai, e ala i le mana o le Agaga Paia, i aoaoga faaleagaga e uiga i le Faaola lea e mafai ona tatou mauaina i le malumalu.
Pe a tatou agavaa ia maua sea aoaoga, e mafai ona tupu ae e ala atu i o tatou aafiaga falemalumalu le faamoemoe, olioli, ma le manatu o le a lelei mea uma i o tatou olaga atoa. O lena faamoemoe, olioli, ma le manatu o le a lelei mea uma ua na o le taliaina o sauniga e faia i malumalu paia e maua ai. O totonu o malumalu lea e mafai ona tatou maua ai le faamautinoaga o sootaga alofa faaleaiga lea o le a faaauau pea pe a mavae le oti ma oo atu i le faavavau. …
… Ma ua tatou iloa o lo tatou fiafia e faavavau e faamoemoe lea i lo tatou faia o le mea sili e ofo atu ai lea lava fiafia tumau e tasi i le toatele o o tatou aiga tatou te mafaia .
Ua ou lagona lea lava manaoga e tasi ina ia manuia i le valaauliaina o tagata o aiga o loo soifua ina ia mananao ia agavaa e maua ma faamamaluina sauniga o faamauga o le malumalu. O se vaega lena o le faapotopotoina o Isaraelu ua folafolaina i aso amulī i itu uma e lua o le veli.