Ju Mund ta Mblidhni Izraelin!

Pjesë të Shkëputura

Vëllai Ahmad S. Korbit,

Këshilltar i Parë në Presidencën e Përgjithshme të Të Rinjve

Pothuajse tre vjet më parë, Presidenti Rasëll M. Nelson e ftoi të gjithë rininë e Kishës së Jezu Krishtit të Shenjtorëve të Ditëve të Mëvonshme “të rekrutohet në batalionin e rinisë së Zotit për të ndihmuar që Izraeli të mblidhet” në të dyja anët e velit. Ai tha: “Ajo mbledhje është gjëja më e rëndësishme që po ndodh në tokë sot” [“Shpresa e Izraelit” (takim shpirtëror mbarëbotëror për rininë, 3 qershor 2018), f. 8, HopeofIsrael.ChurchofJesusChrist.org]. Jam plotësisht i sigurt që ju të rinj e të reja mund ta bëni këtë – dhe ta bëni shumë mirë – për shkak të 1) diçkaje rreth identitetit tuaj dhe 2) një fuqie të pamasë brenda jush. …

… Sipas librit të Zbulesës, “u bë luftë në qiell”! [Zbulesa 12:7–8.] Satani e mashtroi dinakërisht një të tretën e fëmijëve shpirtërorë të Atit Qiellor që ta linin atë të triumfonte në vend të Perëndisë. Por ju jo! Apostulli Gjon pa se ju e mposhtët Satanin “me anë të fjalës së dëshmisë [suaj]”. … [Zbulesa 12:11.]

… Dijenia se e mposhtët Satanin me anë të fjalës së dëshmisë suaj më përpara, do t’ju ndihmojë të jepni dashuri, shpërndani dhe ftoni tani dhe gjithmonë – për t’i ftuar të tjerët të vijnë e të shohin, të vijnë e të ndihmojnë dhe të vijnë e të kenë përkatësi, ndërkohë që po e njëjta luftë vijon furishëm për shpirtrat e fëmijëve të Perëndisë. …

Programi ‘Fëmijët dhe Rinia’ është një mjet profetik për t’ju ndihmuar ju të rinj e të reja që ta fuqizoni besimin tuaj të madh. … Kur ju të rinj e të reja udhëhiqni – udhëhiqni – në të jetuarit e ungjillit, kujdesin për të tjerët, ftesën ndaj të gjithëve për ta pranuar ungjillin, bashkimin e familjeve në përjetësi dhe organizimin e veprimtarive argëtuese, besimi i madh te Krishti që kishit në jetën para lindjes, do të rishfaqet dhe do t’ju fuqizojë që të bëni veprën e Tij në këtë jetë!