Náás Kwéénííł
Bóhólníihii bigaanish hazhó’ígo náás kwéénííł.
Shik’iské dóó shilahké ayóó anihíínishníinii, dooládó’ ił hózhǫ́ǫ da nihił honishlónígíí 190 gone’ Ntsaago naakigóne’ áłah yiidleehígíí Jesus Christ Dííjį́į́di Yánaazínígíí bii’. Nihighan góne’ doodaii’ háadi da diyin yił ałch’į’ yáłti’í, da’oo’íinii, ííshją́ą́ áda’ał’íinii dóó sodizin yiląąjį’ naazíinii ayóó ííníshníigo bił áłah náshdleeh.
Baa ahééh ílį́ béésh ntsékeesí bee ayóó át’áó adawiis’áago Jesus Christ yikéé’ naazíinii daniidlį́į áłah ńdeidleeh. Ałtséedą́ą́’ ntsaago áłah aleeh T’ááchil biyi’ diné ńléí dééyę́ę bilááhgo áłah siidlį́į́’, dóó t’áá áko náádoonííł daniidzin.
Nigháídéé’ deiyíziid naałniih ntsaa, dahodooką́ą́ł , dóó nááná ła’ bee ntsohodinídééł nihikéyah tsíyaa niiní’ą́. Nihił yinííł nisin ayóó adeinóhníinii ła’ nihits’ą́ą́ dahnídadiidzá díí hoolzhizh biyi’. Áádóó k’ad ti’dahoo’níhígíí nihásodiszin.
Ákondi, Bóhólníihii binaanish éí hazho’ó náás kwéénííł. Áłts’ą́ą́ na’asdzí, anii bik’í da’asti’, dóó Zoom bee áłahda’ídlį́. T’áadoo le’é łahgo át’áó ádeil’į́ dasiidlį́į́’ dóó éí ła’ hózhó yá’át’éehgo nidaalnish. Łahgo hodighááhgo łahgo át’áó oobįįh dahaleeh.
Nda’nitinígíí dóó bínaat’ásanii áká anaajah, daniłdzil, dóó íiyisíí baadaha’niih. Ázhą́ nda’nitiní ániid, nizhónígo łahgi át’áó ndaalnish, lą’ída hózhǫ́ łą́ągo ndeinitingo yaa dahalne’.
Diyin bá hooghan ntsaa’ígíí t’óó hónízáhíjį’ dadadeeskaal ńt’éé’, dóó ła’ binda’ínish yę́ę ni’ kódaadzaa, ákondi k’ad éí t’áá át’é náás da’íníísh. 2020 yihahgóne’, 20 diyin bighan ánáádadoolnííłgo łeezh nahjį’ nináá dahaasgeed.
Nihizází binákéé’ náháne’ hózhǫ́ lą’í bina’anish silį́į́’. Łą’í wards dóó stakes náádahasdlį́į́’. Áádóó baa ahééh daniidzin sodizin naałniih ntsaa 895go nihokáá dine’é bika’a’ayeed 150 kédaayahgóó.
Hoghan góne’ diyin bina’nitin bídahoo’aah dekódaadzaa bits’ą́ą́dóó hózhǫ́ t’áá aníínii baa hane’ dóó hooghan haz’ą́ biyi’ k’é hózhǫ́ dabidziil. Ła’ amá na’azoh: “Niha’ałchíní dóó nihitsóóké hózhǫ́ áhánígo bił ahéédahosiilzįįd k’ad Zoom damóogo bił áłah ńdéidleego. Hágo, Shikéé’ Yínááł deiyíniilta’go ła’í nízinígo bintsékees yaa ńdahalnih. Hooghan haz’ą́ bá sohodizin łahgo át’é silį́į́’ háálá deinízinígíí hózhǫ́ baa ákóhoniizį’ígíí biniinaa.”
Baa sodiszin nihí diné niidlíinii k’ad díí hoolzhizhdi ii’sizíinii k’ehgo niilzééł doo. Nanihi’dilkaah biniyé nahasdzáán bikáá’ neildeeh, Jesus Christ daats’í bikéé’ deinííkááh doo, áłahjį’ ádaańda’iikąąh, ídahwiil’aah, dóó náás yiikah doo. Nihiyi’sizíinii dínóosééł nízin. Éí hózhǫ́ nizhónígo ádeil’į́ aha’deit’ą́ be’atiin bikáá’ nihidziilgo yiidááłgo.
Éí biyi’, nihiTaa’ Yá’ąąshdi hólóonii dóó BiYe’, Jesus Christ, ayóó ánihó’ní! Nihaa’áhályą́! Bí dóó hodiyingo Bándaal’a’ígíí nihik’i dadéézį́į́’. 1 Éí t’áá’aaníí shił bééhózin.
Bóhólníihii bizaad dadidiits’į́į́ł Bá nda’nitin’í yee yidiisnááhgo yaa dahodoolnih áłah niidlį́įgo, Bóhólníihii yee nihoní’ą́ áyiilaa’ígíí yéígo baa ntsédaahkeesgo hóshdę́ę́’ nihidishní. Áko Bí áníígo “t’áá haishį́į́ Diyin God bizaad yiyiłtsoodgo, éí tsxįįł dóó bidziilgo, t’áá ałtso na’ígiz ałtsáídoonił … dóó ch’į́į́dii yee nihi’di’doolóhígíí, dóó éí Christ yikéé’ deiyíkaahígíí k’éházdóón dóo áłtsoozígo honít’į’jį’ niidoolóós.“ 2
Diyin God bizaad ndidoo’łééłgo nihá sodiszin díí ntsaago ałah aleeh biyi’ ch’idahaast’ą́ą́go. áádóó Bóhólníihii bi’ayóó ó’óó’ní haałt’éhígíí baa ákodínóhsį́į́łgo bee nihá sodiszin, 3 Jesus Christ bizhi’ dilzinígíí binahjį’, amen.