Anáá’ Ha’asiid

Michelle D. Craig Áyiilaa

Ch’íkei’ álą́ajį́ Yadánaháztánígíí akeedę́ę́’ ałtsé dah sidá

Iisizį́’ Diyinii be’adziilii bee, Christ biiniighago anihiłee iit’į́ t’áá nihi do’ yiit’į́ t’áá háíshį́ yoo inigi ́at’éehgo.

Diyin God bigąąn yiit’į́

Diyin Bizaad Sání biyiidee Diyin ya’halne’ii Elisha binaala’í tsiłkéí bahane’ éí ayóo shił yá’á’at’ééh. Łah ahbinígo éí tsiłkę́i ch’enádzidgo, tł’óó’góó ch’íníyá ndi t’óó ahayóí bi’ena’í nida’bidoołtsiłgo kin dashijaah yinazt’í. Elisha yich’į’ yiłt’aał: “Yéé’ya’, shinant’a’í! Haa ádeii’nééh?“

Elisha hadzoodzíí’, “T’áadoo naniłdzidí: háálá nihí nihich’ijí danilínígíí bichigí danilinigíí yiláah ánéelą́ą́’.“

Elisha yaa’áhónízin tsiłkéí íiyisíí yee didoołhiłígíí; biłííshją́ą́ ályaahgo t’éíyá. Áádóó “Elisha sodoolzin … Diyin Bóhólníhí, … díí dinééh iidoołtsééł biniyé bináá’ ąą ánílééh. Nít’éé’ Bóhólníihii dinééh bináá’ ąą áyiilaago, shoo, dził bąąh łį́į́’ áádóó tsindaabąąs bijáád naakiígíí daakǫ’go yíl’áago Iiláísha yinás’áago yiyiiłtsą́.“ ¹

Łahda shį́į́ t’áá nidó’, éí naal’a’í nahalingo, chee bikidiitįįh haayit’áo Diyin God ne’iina’ yinalnish—t’áá holzhiishgo ni ninį́’ néét’aah—ach’į’ nahwii’ná biniinaa ntséédihgo’. Áhodiilzeeh dóó Diyin ba’íinilí, áádóó Bi’oolkiił bádíníssin, haalą bííníghah Bijéí ba’iinilí nijéí bikłąądee bee. Ndi kwe’é naaki na’nitin nááhodlǫ́. Shilahkee dóó shik’is, nidó’, Diyin niną́ą́ ná’ąą’idoołiił áko doo áłąhjį’ yininígíí yidííłtseeł.

Diyin God nihoo’ínígi át’áo áda’áhooniidzin.

Tsiidi atisgo éí Diyin God háíshą’ bééhózínígo át’į’ dóó nihí háíshą’ íiyisii íít’į—yá’ąąshdę́ę́’ nihi zhé’é dóó nihi má biye’ dóó bitsi’ diyinii niidlį́ dóó “ahooł’áágóó niha ahóót’i’.“ ² Diyin God dii t’áá aniinii niłiishjoní idoolííł nabidíłkidgo, t’áá biłgo haanoonih. Hasho’o’ bikidiit’į́į́go ádaa’ákoniidziih dóó ádiiłiilii naadeet’anigii, niihsizííníí biyi’dee, t’ah biláhágo ne’iina’ t’áá ałtsojį́’ yidídóółnííł.

Háíshį́ hajisííd

Diyin God haayit’eego nihoo’íinigíí binají bik’i’diitííh éí bee t’áá háíshį́ yoo’inigi’ át’ao niiłį́į́doo. Hałne’é David Brooks ání: “T’óó ayóó nihita’ahgoo hahoníį́chad éí dine’ doo shi’doot’į́į́da dóó doo shee hosinida danizínígíí bitsą́ą́dóó hadahaazt’i’. … Tsidi biníí’di éí … bee ániit’éhígíí hasht’e dadiiłnííł’, dóó éí bee ániit’éhígíí hazhó’ó bee áhinííłį́í’ dóó hazhó’ó bee hannihidilziidoo.“ ³

Jesus Christ diné hazhó’ó hayisííd. T’áá ła’í nizinigo yoo’į́, yidindanlingii dóó dadooleełíí yadadinoseełgo yáhyoo’į́’. Ła’ éí łóó’ hadayiiłeehí dayoo’į́, bąąhági ádat’inigíí da, dóódai nat’anii, Jesus éí bikee naziiní yoo’į́’; łahgo éí diné chį́į́di ya’adadiis’tsannígíí dayoo’į́’, Jesus éí ąnahookad yiłáágoo deez’į́, yaa áhonizį́’, dóó náyiiłdziih. ⁴

Azhą́ t’ah dahdadiiłnishnidee ndi, Jesus bik’ee aníít’eedoo dóó diné t’áá ła’i jinízínígo heełzíídoo—yídinliníi, bí óódlą, bit’i’dahoonį́į́h, dóó dadooleełígíí bik’ehgo. ⁵

Diyin Bóhólníihii bich’į’ sodiszingo shináá’ shá ąą íídoolííł, doo t’áá ahą́ą́h yish’ínígíí yidiistsééł nisin, łahde’ na’ádíkid naaki bąąntsiskǫ́s dóó shił iishjání adoołniiłígo ha’ísísts’ą́ą́’ łeh. ⁶

Lą’í nídizididą́ą́’, damoogo bááh dóó tó bik’i sohodizingo, dii na’ádikid baatsidikeez dóó bik’eedisyiz shiní’ biih siłį́ígo. “T’áádoo nibéésh bee hane’é niniłíní haida ałkéé’ noot’i’į́go.“ Ałkéé jinití’go shibéésh bee hane’é nishį́į́go binishdin; shinaalnish át’éego nishį́į́ łeh, shich’į̨’ da halne’ígíí yinist’a’ łeh, ádahooniił hané nishįį’, doodai honeeni bit’adiinish’į́į́ łeh.

Ndi biiskání, naalyéhé báhooghangi niidlą’í ałkéé’ naaniitį́. Shibéésh bee hane’é biłhadishid dóó ndee’ shintsékees bił hóoni’ę́ę bénáshniih. Shibéésh bee hane’é át’a nasht’ą́ dóó nisihal. Hostį́į́ sáni le’ shiląąjį́’ siz’ígo bikiníhal. Bichi’yáán bee naabąąsí mósí bich’iyą́’ t’áá dį́į́’í bii’sinil. T’áádoo shiłakot’ééda, ndi haasdzíí’ ayóó holáahozin áhodish’į́į́go, “Nimósí hólǫ́ lá?“ “Aadéé holtį́į́ł, dóó áko mósí bich’iyą́’ shee ádin łahgo niizį́į́’,“ shidííniid. Ahił hwiiłne’go hodíína’, áádóó shich’į’ nahayaa dóó ashilní, “Jó shoo, t’ahdoo háiida bił hashne’ da, ndi dííjį́ shi’dizhchínę́ęjį anááhyííłką́.“ Shijéí yidees’náagi íísdza. Nizhonigo nínínáádohą’ bidiiniid dóó shijéí bii’ sodííszin t’áá ákónéehee t’áádoo shibéésh beehane’é niiłį́į́da k’asdą́ą́’ t’áádoo la’ dine hazho’o’ hasisíída dóó bił ałchį́ hasdzii’ dishnį́ígo.

Shijéí t’áá ’átééńt’éé’ bee Jerichogoo atiingi priest doodaii Levite doo gi’ánishtéedadoo nizį́’—éí t’óó honil’įįh dóó hats’ąąjí’ dahdiiłwo’. ⁷ Ndi lą’ídi ákósdzaa nisin.

Diyin God shiił’aadígíí baa’akwinzin

Ánii hazho’o’ ha’ałsiid bina’niłtin ílíiniini baa’ákwiiniiziih Rozlyn wolyée asdzanni ánii naaghágo binahjį̨́’.

Éí shik’is shiłhalné bich’ooní naadiin nahai yił iiná iiłį́į́go ndé bits’aa chináago bíní yii’aa’. Ha áłchiní bishe’e’ yichį’ ałnanaka’go, sodizin bá hoghan góne’é t’áá sáhí shį́į́ dahsidaahdogo yantseedá. Dii yaa halne’:

“Sodizinjí ama’ dóó azhe’é dóó áłchíní alą́ ’átéehgo yee nida’ ńtin, t’áá sáhí dajizdahgo ayoo hoyéé’. Ts’ídá’ áłtse’ Damóógo yah’ííyah sodizingo háída doo shichi’į’ hadoodzihda nisingo. Á’a’hooni shíih’ adingo, dóó shi’nák’eeshto’ dadinééhgo. Dahńdinibįįh yę́ę́gi dahnidah, háída’ bikihda’asdahii nez bikahgi doo naagháhída nǫǫzį́į́h lągo.

“Ła’ ch’ikę́ę́h bił yahánáshjahígíí náheests’ad dóó shi niił į́į́’. Bich’į’ ishdloh ahoodish’į́’. Nát’ą́’ shich’į́ joodloh. Shąhaní jinolnin t’áa bahat’aadí. T’ááka ’hííl’a’ shich’į́’ noołyeedgo shich’į’ haadzih lą’go nisingo ná’ooshkąąh t’áá íits’a’í—hasih bee hadiidisdzihígíí she’ádin dóó t’óó hashchee’. Shi’tsék’ee góyaa ííghał dóó doo nish’į́į́da.

“Ahee’ałkid, łáháda shich’į́’ t’ą́ą́’ nidit’į́į́. Áłtso áłah’azlį́į́go, aadę́ę́ t’áá k’éhózdon shich’į’ nííłwod. ’Yá’átééh Rozlyn,’ dííniid t’áádoo iitsa’í. Bigan t’áá áła’ yee shin’azhchid dóó ání, ’Sister Smith, diishjį́ doo niłhooshǫ́ǫ́da gii’áteeh nisin. Shił náhojooba’í. Ayói’ áníínish’ní.’ Íinisinę́ę gi’át’éego nák’eeshto’ dadeeznah’go shiníannazhchid. Ákó bits’ą́ąjį’ dahdiiyáágo iniizį́į́’, ’Dii shį́į́ t’áá bííníshghah.’

“Éí ch’ikę́ę́h hastsą́’áadah binááhai, shinááhai’ígíí ałníídoo, t’áá’ákwíí damoo’ shiki’nant’ááhgo shinnáchi’ dóó, ’Hanté’?’ jiníígo’nááhai. Sodizin bá hooghangi ya’hanaashdáa binííshą diishleełgo yee shiká’eelwod. T’áá aaníígo ba’ooshłi silį shininachi’go. Háíshį́į́ sha’honiizįįh. Háíshį́ ákwii honishłogo bił beehozįįd. Háíshį́į́ sha’ahóósyąąd.“

Diyin Nihizhé’é t’áá ałtsoní yeedłee’, hózhǫ́’ó ha’alziid bee nabididiilkił áádóó be’diilniił. Nabididíílkił háíshi hayisíídigi át’éego be’diilniił—t’áá anii biye’ dóó bits’i’ doo ninit’í’ dóó diyingo áda’ałííł yidaniil’ą́. Áadóó bik’ehgo ádiiniił ayóó’o’o’ní bee, aka’ananłwo’, dóó ílíinii át’éego beneełnį́ dóó dooleełii yadinoołseł bá’iisiił’ts’áá’doo. Dii bik’ekgo hiníínáágo, nihillbééhodzįįł “t’áá anii bikee sisiinii nidłįido éí … Jesus Christ.“ ⁸ Háíshį́ nihijéí yee bijéí bił’ hasihgo yadzooliido. Ááko’ diigi’átéego ba’akodiníídzį́įł t’áá nihí t’áá aníí iniiteehigii dóó ádiiłniiłii nihądeetanígíí.

Shik’is łahgo aldó ye’nałnii t’áá akwii bik’idah’asdáhí nez bikaa doo nagháhígi, naadiin naahai Diyin God binanitin bik’eh hinshnáago éí daats’í t’óó ádindoo jiinízįį’. Doo hodeezyeel t’eeya yika’atída; bił ííją́ą́ ádoołnííł yika’atį́. Na’ídíkid ła’ bijéí yidiisnah’: “Éí’ish ha’át’íí biniyé ántiindéé? Da na’doodil biniyé, nahodooni’go, doodai ííninzinígíísh bik’eh áhodoonį́į́łgo biká iintį́į́d?“ Áłtse’ Áhodiilzee’, bijéí hózhǫ́ hayisid, áko inda hadziih “Iit’į́į́dígíí Yisdá’iiníiłii áyóó ósh’níigo bá’ííshłaa. Dóó Binanitin áyóó’ósh’ní.“ Diyin Bóhólníhíí binaa’ bá ąą áyiilaago bił ééhozin. T’áá bééhózínígo át’é ndi bidziilgo ajooį́į́go áhoolaa bee ninidjį́’ dahnazdiidza Diyin Bóhólníhí joodlągo, azhą́ hach’i’ anáhóót’í ndi.

Yiiłtsą́ Jesus Christ ayóó’ anihoní dóó anáá bee hoot’inígii niheedolniił—azhą nanitł’ah ndi, azhą ch’ééh dii dááh ndi azhą́ doo nihiłhats’íida ndi, dóó azhą́ laanaa nídzinyę́ę doo biki’haałeeda ndi. Bee ajooba’ biníká dee, nihik’ijidlí dóó nihidziilgo ánihilééh. Ii’sizį́ Diyinii be’adziilii bee, Christ biiniighago anihiłee iit’į́ t’áá nihi do’ yiit’į́ t’áá háíshį́į́ yoo’inígi át’éego. Nihiká análwo’go, bee ahodooniiłii yá’át’ééhíi nihił iishjoní íídoołííł. Diyin Bóhólníhí nihika’anaałwo dóó t’áá akwiijí nihe iiná iiłinígíí—́hazhó’ó nihił bééhodoozįįł.

Áádóó, ayóí át’ée beeniłkąągo “níyáago bígi ádaniitʼée doo, háálá nihí tʼáá átʼéhígi átʼáo deidiiltsééł; áko díí chohooʼínígíí nihí dooleeł,“ ⁹ díí shisodizin Jesus Christ bizhį́ binąjį́’, amen.