Zion Bilah Danohłį́
Nihi íiyisíí Israel aha’álnéehgi aká adóohjah dóó biyi’gi Zion dine’é dadóoleeł.
Shilahkéí ayóó ánhi’do’ní, shí díí nihokáá’ binakéé’ nahane’ biyi’ shik’ihogísdlí’go nihich’į’ háasdzííh. T’áá akwíijį́, nihí Yisdá’iiníiłii Jesus Christ nahasdzáá ayóó at’áo yikáa’jį’ nináadoodááł. Nihíł bééhózin báá hadzídgo ádahodooníłii eíí nadááh dabítsíjį’, nidí nihijéí bił dazhó dóó ałdó’ hada’íiniilní ayóó anóolnin nihaidíiz’ą́ǫ eíí Bí nadáah bitsíjį’ be’doolníił.
ATaa’ Yá’ąąshdi Holóonii bitsi’ké ayóó ayo’níi, dóó Bóhólníihii Jesus Christ bitsi’ké bił haz’ą́ biyi’dí, 1 nihi agháago náasdi áda’doołííł. Nihíł bééhóziníi eíí Yisdá’iiníiłii dine’é yaa doogáłíi ałhą’ályaa dóó diné Enoch bikintah yii’ kéehatį́į hasht’e’ áda’díilyaa. Dine’é áadi Jesus Christ wóodlą’ yee da’ahótą́’ dóó ałtso niłtílí daazlíi’go eíí ya’ąąsh gódei aná heeskai.
Kǫ́ǫ́ lá Bóhólníihii yit’į́ áyiiláii yee yaa halne Enoch bidine’é haa hodooníłii dóó haahanéeh díí akéedi hóolzhish ałtso nináheesyáo:
“Dóó jį́į́ góne’ eíí nahasdzáá háádoolyį́, ndi eíí jį́ bitsijį’ yá’ąąsh diłhíł doo, dóó nahasdzáá chaháłhééł bik’íidooldóh; dóó yá’ąąsh ditłid doo, dóó nashdzáá dó’; dóó diné ba’áłchíní bitahgóó ayóó at’áo ándahazti’ doo, ndi shidine’é bii’ ch’ídeesht’ísh;
“Dóó t’áá akódaat’éii yá’ąąsh bii’dę́ę́’ adáhidóokah; dóó t’áá aaníí náás kodéeshłiíł nashdzáá biyi’dóó t’áá ła’í shá yizhchíníi yaa dahódóolníh; bí daaztsą́ądę́ę’ náádii’na’; aoo’, dóó diné dó’ ałtso náadiijeeh; dóódóó t’áá akót’éi dóó t’áá aaníi shí nahadzáá tó yíląądígi ádeeshłííł, náhale’íi nihokáá’ dį́į́dę́ę́’ ałhą ádeeshłííł, shí ła’ haz’ą́ hasht’e deeshlíiłjį’, kintah ła’ Diyinjį’, shidine’é eíí yii sitį́ ałchį’ ádeidoolííł, dóó hadeidéez’į́į́’ baa’i’ dóolkił deeshááł biká áadi shi bíí’ sohodizin dooleeł, dóó éí Zion wolyée doolééł, Jerúsalem ániid.
“Dóó Bóhólníihii kóní Enoch yich’į’: Áádóó ni dóó kintahdóó áadi baa hidóokah, dóó nihí yee’ hininíi’jį’ áhidookah, dóó dan hiidoołtsééł; dóó nihi bik’os bíndadiichíł, dóó bí nihik’os yíndadóochił, dóó nihí bił da’áhidiits’ǫs;
“Dóó áadi yee’ shighan doo, dóó éí yee’ Zion doo, jo’éí ałtso ádeshłáii yee’ yii’dóó hadóokah jo’éí íishlaa; dóó ła’ didíil yázhí nááhaijį’ nahasdzáá yee’ háádoolyį́.” 2
Da’nóhłáh, nihich’é’é, ła’di dánhich’é’é, dóó sáanii nihi asinóhsą́ lá áhalnéehgi eíí diné dahyikah éí yee’ Yisdá’iiníiłii yíidookah ayóó áhonóolníngi. Nihi íiyisíí nihee Israel ahą’ádoolníił dóó dine’é Zion bee ádoolníił éí Jerúsalem Ániidíi hóozyéelgo kéédahat’įį doo.
Bóhólníihii ga’, Bá yádaałti’í yináhjį’, ła’ aadeet’ą́ nihá áyiilaa. T’óó Sáanii ałhínéiikah silį́į’go, Diyin yá yáłti’í Joseph Smith sáanii íidííniid, “Jó nihaa hidéest’ą́ bee dahinóhnáago, Diyin yá nidáal’a’í t’ąą’ kolníígóó nił nidáalnish doo.” 3
Eíí ayóó anóolniníi nihiyi’ dahólǫ́, dóó éí biká hasht’eh nihi’dilnééh.
Naat’áanii Gordon B. Hinckley ádííniid:
“Nihi sáanii … doo naaki góne’ nihiTaa’ naha’á nisóozíi da Ba’áłchíní hool’áo bił dahózhí dóó bitah-yá’ádahoot’éehgi. Nihi eíí nahat’á íiyisíí da’nóhtah.
“Nihi t’áágéedgo nahat’á doo łah dooníił da. Nihi t’áágéedgo yil wółíí t’óó dinóotsis. …
“T’áá ła’í nóozíngo Diyin God bitsi’ nóhłį́, binóoł’ą bił nihi’díichį́.” 4
K’ad á yáłti’í, Naat’áanii Russell ł biba’ hasht’eh doołíłíí:
“Éí aká ihijeehíi bi’dinóol’ąął doo bíighah da …. sáanii, doo ahił haajéé’ t’éiyá da ndi Bóhólníihii biSodizin báHooghan bik’ih ałdó’, ła’ ye’asdáa, yimá, dóó yimá sáni danlį́; ak’is dóó amá yázhí; nda’nítin dóó ánaazí; dóó íiyisíí ak’ehgo áda’áł’į́ dóó oodlą’ ayóó yaa ádahalą́.
“Díí gá ałtso Adam dóó Eve bił hahóolzhiizhdę́ę́’ akót’é. Ndi sáanii díí hahóolzhiizh doo doo sáanii łahgo ádaat’é ngáidę́ę́’ ádeił’į́į biniinaaníi díí hahóolzhiizh doo łahgo áda’ał’į́. Díí łahgi’ át’éii ałhíi’nil haa dáahya’ dóó bá ndajítłízhíi.” 5
Díí hahóolzhiizh doo łahgo yii’ áda’ał’įníi eíí Bóhólníihii yee’ Enoch bikintah nahálóo nihóo’ishgo yiba’ hasht’eh nihidóolííł. Bí ga’ yinahjį’ adahées’a’ dóó bá yádaałti’í eíí ha’íí yee łahgo Zion dine’é íidoolííł.
Elder Bruce R. McConkie yee na’neeztą́ą́’:
“[Enoch] jíidi tsi’na’áldeeh dóó adiláah yiyíiłtsą́, jíidi hatł’éé’ dóó ánaat’á, jíidi ałch’į’ dah ałdáh dóó hóyee’, jíidi nahasdzáá tó bee doogísjį’.
“Enoch, ákondi, ayóó oodlą. Bí ‘Bóhólníihii yiyíiłtsą́,’ dóó yił yáałti ‘bih yinii’ yoo’į́įgo’ hastįį ła’ yił yáłti’gi át’áo. (Moses 7:4.) Bóhólníihii nihokáá’ dine’é ńda’óohkąąh yił níígóó éel’a’, dóó aTaa’ dóó aYe’ nilį́į bąąh niinílyá ‘tó bízhi’ bee dadoolzį́į́ł, jó éí hojooba’ dóó t’áá aaníí hólǫ́, dóó Diyin Ii’sizį́į, jó éí aTaa’ dóó aYe’ nilį́į yáá halne’.’ (Moses 7:11.) Enoch aha’díist’ą́ áyiilaa dóó t’áá aaníí da’oodląníi ahą’áyiilaa, éí ałtso daazlį́į́’ ayóó ‘Bóhólníihii dayoodlą dóó bidine’é yił kééhat’į́,‘ dóó t’áá ákot’é yii’,’ dóó hódahdę́ę́’ bik’idahójísdlí’. ‘Dóó Bóhólníihii bidine’é Zion yee yiyíizhi’, bijéí dóó bíne’ t’áádaała’ígo biniinaa, dóó t’áá akogi ádaat’é yii’ kééhatįh; dóó bitahgi te’e’į́ ádin.’ (Moses 7:18.) …
“Bóhólníihii bidine’é Zion yiłní abik’ijį’, saad diyin eíí Enoch ‘kintah áhooláo eíí Diyingo kintah woosye’, éí Zion;’ eíí Zion ‘yá’ąąshgóó kólyaa’ áadi ‘Diyin God éí t’áabí ádeideet’ą́;’ dóó ‘wóshdę́ę́ eíí kóha’ní, Zion aníichą́ą́’.’ (Moses 7:19, 21, 69.) …
“Díí Zion jo’éí yá’ąąsh godéi kólyáii ńdoot’ááł … Bóhólníihii Zion neit’ą́ą́go, dóó éí kéedahat’į́į yee’ Jerúsalem ánii yíidookah, jo’éí ayóó béého’dílzin doo.” 6
Jó nigeidę́’ii ąąkódzaa, Yisdá’iiníiłii yigáałgo, bitsi’ké Diyin God yił ahada’díist’ą́ íiyisíí yidadíilkaalgo hasht’edayiiláii Bí niyáo áánaakai doo. Ndi anéelt’e’, nihi dine’é ahiłká anájahíi Zion yiba’ hasht’edabiyáii ałníi’ bilááh doolééł.
Akót’áo yinishdlánii bee nihił hashne’. Mormon biNáaltsoos ła’ Zion dine’é daazlí’ii yaa halne’. Benáłniihgo eíí Yisdá’iiníiłii náádiidzá yik’ijį’ neinéestą́ą́’, ayóó’áyó’ní, dóó yik’ijísdli’go eíí “kéyahgi doo saa hólóo da silíí’, Diyin God be’ayóó ó’ó’ní diné bijéí bii’ dahólóníi biniinaa.” 7
Bii’ hadiiyá nashinéeztą́’íi eíí nihiTaa’ Yá’ąąshdi bitsi’ké saa hólǫ́ǫgi hoyiiyíł dóó Diyin God ayóó ádayó’ní yee t’áá ákogi át’áo bee dah adíildah dóó Diyin God yee íłnidáalnish.
Neeséełgo yá anéiijahgi índa hooghan bii’ neyą́ągi yíiłtsą́. Shik’is dóó shí t’áá sáhí Aaron Bibee ádziil nihee hóló, shizhé’é t’áá sáhí Melchizedek Bibee ádziil bee hóló. Sáanii dah yikah binaat’áanii ánii óosdląądgo báhastįį Sodizin bá Hooghanjí iłnáalnishíí doo bił aaníi da. Ídiikáii ałtso sáanii náásdaazlí’ii doo ła’ bighan góne’ bee ádziil doo ła’ dah yooléłí da. Shimá dóó sáanii nesh’į́įgo ayóó áda’a’awó’ní, ałch’į’ yádaalti’, dóó ałhaa ádahalyą́ áłahjį’. K’ad baa ákoniizíí’ eíí Zion ałtséedi yiiłtsą́.
Bee óhooł’ąą’ sáanii yóó da’oodláníi nléí ałts’íisí yah anájahgi Albuquerque, New Mexicogi Sodizin bá Hooghan si’ą́. Shí ałts’íisí yah anájahgi naat’áanii be’asdzáá, district naat’áanii be’asdzáá, dóó Sáanii dah yikah naat’áanii t’áá át’é diné ánii i’díiyá dóó oodláníi yiká áhijééh. Shí Albuquerque doo Damǫ́ǫ dah diiyá, naaki náahaijį’ sáanii nésh’įníi bee łahgo íisdzaa, stake áłtsé ła’ níit’ą́h. K’ad Diyin Bighan ákwe’é ła’ níini’ą́.
Shí Boston bitsíijígo niníná, district binaat’áanii atáh dah sédáo eíí naaki kéyah hahóodzohgi dine’é ałts’íitsóo ahínéikah bik’ih. Doo t’ááłáhidí eíí áádi saa hazní’íi yee’ sáanii ayóó áda’ó’nóo dóó yá yaa dayóoznahgo ajéí bii’ hódiiyeel. Boston doo Damǫ́ǫgo dah diiyáo, Áłtsé Naat’áanii ła’ Massachusettsgi áłtsé stake habiyóowod. K’ad ákwe’é Ataa’ Bighan ła’ si’ą́, district binaat’áanii bighan nę́ę t’áá ahángóó. Hastįį Sodizin bá Hooghan yidíiyá dóó honáasdi stake binaat’áanii ábi’dilyaa dóó mission binaat’áani ályaa, be’asdzáá oodlą dóó ayóó abó’níi yinahjį’.
Shilah nohlíinii, nihi Diyin God bitsi’ké ilíníi bee nik’idahójisdli’. Bił yiníyá nits’íís hináajį’ ii’sizį́ k’eh iiná bee dine’é danéeséh dóó ayóó ó’ó’ní dóó íłtólí yíwohgo yee dahináo Zion yii’gi ałhił dahináa doo. Éí Sáanii dah Yikah eíí doo t’óó ádzáa da, áłtsé Sódizin bá Hooghanjí habiyóolwod nihiTaa’ Yá’ąąshdi Hólóonii bitsi’ké íiyisíí bá, yee naazíi éí “Diyinjí ił’óonish bił ahóoti’.”
Diyinjí ił’óonish Christ biniłtól ayóó ó’ó’ní át’é. Dóó Bí éí woodlą dóó Bí niná’ídlá bee t’áá át’é ahodooníłii doo niníti’ da bee bik’iidiinaał, dóó ayóó íin’níi dóó bił yiłnishíí, aháii ńdidiilyéłii eíí nizaagóó-biká-déest’įį’ dóó Zion aadeet’ą́. Nihi lá áadi Zion bii’ ałáh danohłį́.
Shí aaníí adíshní nihi eíí Bóhólníihii nahasdzáá bik’ih bił haz’ą́. Nihi aTaa’ Yá’ąąshdi Hólóonii ayóó ó’ó’níi bitsi’ké danóhłį́, éí nihokáa’jį’ ánhiis’a’ da’ílį́į yił áko ła’ bee bik’ijidéeshdlíił diníniid. Eíí Bóhólníihii ábidooníigo eíí nihilá’ yee nihóolóos, Diyin Ii’sizį́į yinahjį’. Bí niníi’ yitsijį’ yaa doogáłii hasht’e’dí’nééh bee biká íinilwodgo Bidine’é Zion ha’nínę́ę dadoolééh. Shí Jesus Christ bízhi’ baa hasti’íi binahjį’ adishní, áamen.