Na’ídółkid, Hanohtá, dóó Nánółts’in
Azhé’é Diyiníi nahaz’ą́ ts’ídá biníi’go nihi íiniizíi’go t’áa’áko bich’į’ hadíidzihgo ályaa.
Dį́į́’ nídeedzidáá’, saad dadiyin bii’ yiskahgo, shí Alma nléí Ammonihah yii’ naniyingo daa ééshtahgo díí Wóshdę́ę́’, Shikéé’ Yinááł bii’ ch’etą́: “Nihi Diyin God ayóó at’áo Nephi bidine’é yee yik’idajísdli’ baa .oołta’ (see Alma 9:19–23), ayóó at’áo nihik’ijísdlí’íi baa nisókees.”1 Shí Diyin God yee shik’idajísdlí’ náhisézoh dóó éí saad náyiiláhí bii’ ádeishłáá. Dikwíishį́į́ dah alzinjį’, 16 bee shik’ih dahójídlíi íishłaa.
Biláadi Yisdá’iiníiłii ayóó yee shik’ijídlíigo shaa jooba’ dóó ti’hooznii’. Shí ałdó’ Yisdá’iiníiłii ánii naasháo Portualgi bee shík’ih hójisdlí’go na’nitiní séli’íi sésoh dóó, náadi, hool’áo asdzáá ayóó íinishníi, Patricia, Brazil Porto Alegre South Mission bii’, 522 nda’nítiní bidzíilgo dóó bá ádahwiiní’íi bił ndáshiilnish. Patricia ch’ín’ą́, bee ak’idahójísdli’ lą’í ná házhóhíi eíí t’áá aníidlah ahidiit’áázh doo 40góó bee ak’idahójísdli’—éii bił São Paulo Brazil Temple biyi’ ałhínhi’díiljéé’, áłchíní táá’ baa nihił hózhó, dabichóoní, dóó ba’áłchíní 13 yilt’é.
Baa tsídekééz ałdó’ shinéesą́ t’áá ákogi át’éhii, éí hane’ yá’at’éehii bina’nítin yii’ shnéesą́. Yéé shiyíiłníí’, agháago, shimá ayóó ashó’níi shitsésk’eh yitsíigi 10 shináahaigo dáats’í shił ńtsidinígo’íi sodoolzin. Ts’ídá íiníziníi eíí jó shisódizin doo Azhé’é Diyiníi bidinóołnáh da, hazhó íił’į́ doolééł. Áko ádiinííd, “Shí áłtsé sodidéeszįįł, dóó sodéeszin bik’ijį’, ní sodidíilzíił.” Díigi át’áo tł’éé’ haléehgo anáyiidlaa, shimá yaa ákoníizíí’ ál’į́ bik’i’diitą́ dóó hait’áo Azhé’é Diyiníi bich’į’ yáti’gi. Nee’níjį’ sodizin yínashinéestą’ii baa ahéeh nísin, bóhooł’ą́’íi eíí shiZhé’é Diyiníi shisodizin yidíits’a’ dóó yee shił náhalne’.
Ts’ídá, eíí nááná ła’ bee ak’ihojídlíi áko íishláii bíizhoh—adidootsį́į́ł aadeet’ą́ dóó Bóhólníihii íinizin bóhoo’aah. Azhé’é Diyiníi nahaz’ą́ ts’ídá biníi’go nihi íiniizíi’go t’áa’áko bich’į’ hadíidzihgo ályaa.
Bóhólníihii Wóshdę́ę́’ Nihiłní
Yisdá’iiníiłii Náádiidzá bik’ihjį’ Ammericagi niyá, Bí woshdę́é’ náá yidóo’niidii eíí Bí Galilii bíidi bidahóoł’aahí yee yich’į’ haadzí’ę́ę. Bí ádííniid:
“Binaʼídółkid, dóó nihaa doolyééł; hanohtá, áko bikʼidínóohtááł, dáádílkał nanóhłtsʼin, dóó nihá ąą ádoolnííł.
“Háálá tsʼídá tʼáá ałtso ndaʼídíłkidígíí, éí bichʼįʼ kódaalneʼ; dóó haʼnitáhígíí, éí akʼí dínóotaał, dóó háíshį́į́ dáádílkał neiniłtsʼinígíí bichʼįʼ, ąą ádoolnííł.“ (3 Nephi 14:7–8; Matthew 7:7–8 ałdó’ nół’į́).
Nihił bá yáłti’í, Naat’áanii Russell M. Nelson, t’áá ákot’éego díijį́ bii’ akó nihíłní. Bí ádiiníid: “Jesus Christ nihida’díił’áii, béé daałzidíi, doo bínooł’ą́ní bízhi’ béé sodadółzin—aoo’, nihijéí yídindalíníi. Dóó índa, íísółts’ą́ą́’! Nihíne’di baa sóhidóhkeesíi eíí náhidóosoh. Ínoozí’íi óhłeeh dóó bíndáałnishgo eíí łah dadóoníił. Nihi t’áá yoołkááł, náhidizíí’, náhah bik’eh díí ádaaht’į́įgo, nihi ’íishją́ ál’į́ yaa halne’ beedínóosééł.’”2
Naat’áanii Russell M. Nelson yee na’neeztą́ą́’, “Yoołkááł biyi’, doo éí bóhonee’ą́ą dadoo ii’sizį́į k’éhgo iiná doo nihoolóósoo, doo kojóó, bee ha’óní, dóó álahjį’ íł hólóo Diyin Ii’sizį́į.”3
Ha’át’áosh ach’į’ íishją ál’į́ ts’ídá ii’sizį́ k’éh iiná bee ch’íhidiikah? Nihokáá’ dine’é doo bił ééhózingóó biniinaa dóó hahóo’á, ina’áddlo’ dóó na’níłt’ah lą’í. Azhé’é Diyiníi bich’į’ yéelti’íi bee t’áá aanínii nihił hasht’e’ nehakááh dóó ha’íí t’óó ádaat’é, ha’íí Bóhólníihii nahaz’ą́ bídadéeti’ dóó ha’íí doo eíi da. Nihokáá’ dine’é dó’ doo daats’íi da dóó da’jóołá. Ndi sodizin bii’ nihijéí ąą’ íil’níihgo, nihí Azhé’é Diyiníi bibee íłhahsíh baa ákodiníiziił dóó Bí eíí ayóó ánho’ní dóó bił níidlį́níi bee ha’ííníilní.
Na’ídółkid
Bóhólníihii eíí ádiiniid “tsʼídá tʼáá ałtso ndaʼídíłkidígíí, éí bichʼįʼ kódaalneʼ.” Wóki’ doo nántł’á da, dóó ndí éí bidzíilíi éí níidzin dóó nihe’oodlą’ yit’į́ bee yilééh. Ákondi, éí adilki’ dóó ha’jólnóo Bóhólníihii biinéé’ bik’iz’diitííh. Nihí baa nitsíikees dóó nanhíiłnáii baa ákoníidzingo eíí nihine’ dóó nihijéí bii’ haléeh, dóó nihí náhíizoh, bá yáłti’í ánhi díiniid bik’ehgo. Nihidíil’náhii íizohgo hach’į’ kólyaa ayóó hwił nilį́. Éí bee énéiilníh, náníil’įįh, dóó Bóholníihii ha’íí yína’níłtiníi nánhidíił’nááh.
T’áá ániid ayóó íinish’íi ła’ áshidííniid, “Shí t’áá aaníi íishją́ ił e’él’į́ yiníshdlą́. Shí Diyin Ii’sizį́į t’áá ałtsoní ádeeshłíłíi shił íshją́ íidoolíiłgo yiníshdlą́.4 Éí doo nantł’ahgóó wóoshdlą shíidi doo k’ą́ąłgo doo náaki nilíi da.5 Ndi hait’áosh Diyin Ii’sizį́į áłahjį’ díigi át’éego shich’į’ yáłti’ doo?”
Ła’ ayóó íinish’ní bich’į’, dóó ałtso nihich’į’, kodíshní eíí shídó’ t’áá áłahjį’ Ii’sizį́į bitse’go baa ákonsin áshósin le’ dóó atįįn bééhózongo áłahjį’ yish’į́. Ndi doo akó shisht’ée da, nihí dah agháo baa ákoníizin, Bóhólníihii biinéé’ t’įįh doo diits’a’íi nihine’ dóó nihijéí bíi’di, “shí ash’į́. Ayóó ánósh’ní. Yináał; hazhó’í áálííł. Nikéé’ ahidíinisį́h.” Nihí doo t’áá áłtsoní dóó doole’é shił béé hódoozįįł níiziní.
T’į́įhdoo, iiné’ii yaa náhalne’, t’áá akón, dóó ha’íinilní—dóó t’óó ahayóiidi eíí t’éiyá jį́ biyi’ níizin łeh. Diyin Ii’sizį́ t’áá aaníi, dóó t’áá aaníí íł halne’—natsáii dóó ałts’ísíí.
Hanohtá
Bóhólníihii náasjį’ aa yidini’ą́, “haʼnitáhígíí, éí akʼí dínóotaał.” Hanitá íiłní hane’ dóó hayi’sizį́į bee—njiłkáák, chojóoł’įįh, bízhnítah, dóó kót’įįh. Nihí Bóhólníihii aa yidini’ą́ biniinaa haníitá. “Háálá t’áá háiida Diyin God baa deeshááł jinízinígíí éí Diyin God hólǫ́ǫgo índa t’áá éí hádaat’íinii yik’ijidlí jinízingo ts’ídá joodlą́ą doo” (Hebrews 11:6). Nihí haníitáo, jooba’ yíidlééh áá aaníi lá nihí eíí lą’í t’ahdoo bóhwiil’áah da, dóó Bóhólníihii ak’i’didiitííł ąą’ íidoolííł, hassht’e nihíiláo lą’í ńdidiilyééł. “Haalá jó’akon, Bóhólníihii Diyin God kóníini’: Shí da níti’go diné ba’áłchíní bich’į’ kódeeshłííł, bína’níltin bik’eh, kwii áłts’ísoo dóó áadi áłts’ísoo; … bi néidiiláii eíí yiwóhgo baa déeshnił” (2 Nephi 28:30).
Nánółts’in
Bóhólníihii adííniid, “háíshį́į́ dáádílkał náiniłtsʼinígíí bichʼįʼ, ąą ádoolnííł.“ Oodlą’ bee hólǫ́ǫ néiniłts’in. Nihí t’áá aaníí Bí bikéé’ yiit’áshgo, Bóhólníihii nihitsíjį’ ąą’ áyiił’įįh. Sin ła’ ayóó ánóolniníi eíí yee nanhinítin “ch’éénóhzííd dóó yiwóhgo doole’é ół’į́ t’áá [nihaa] áadi haz’ą́ baa nayóheełí. Yá’at’ééh ál’į́ baa hózhǫ́, ił hózhó bi’néel’ąąh biláahgo, bá neitł’izh dóó ayóó ó’ó’ní.”6 Eldir Gerrit W. Gong Naakits’áadah yilt’é doo ániid kóní íishją́ ál’į́ eíí nihí yá’át’éehgo íilníiłgo t’áá aghąąh akól’įįh. Bí adííniid: “Nihí ła’ biká adíilwoł biká díichi’go, Bóhólníihii ayóó ó’ó’nóo yiwóhgo yee nihiká íilwo’ nísin dóó nihi nihá. Bí biinéé’ diits’į́įh nísin, Bí łahgo át’áo baa áko níizįįh, nihí ła’ biká adíilwoł biká sodíilzingo eíí agháoo yiníziníi yee yił hodóolníh.”7
Alma bee ééhózin
Eíí íihdóó chíini’ą́ Wóshdę́ę́’, Shikéé’ Yinááł bee shik’idahójisdli’ baa ntséskeesgo ii’sizį́ shił hazíí’ dóó ła’ ii’sizį́ bee daatíi. Alma náás baa íiníshta’go dóó Ammonihah yii na’néeztáá’, baa ákoniizí’íi eíí Alma ayóó bee ak’i’didootįįł éí wóki’, hantá, dóó nánilts’in. Nihí eíí yíilta’ “Alma ii’sizį́ yéego yii’ hát’į́, Diyin God yéego yich’į’ yáá sodóolzon, bí eíí dine’é yik’ih Ii’sizį́į yeidóozíł.” Eíí sodilzin, ákondi, dóó nayólíi bił ch’et’ą́, dóó Alma kintah doo ch’ídayiishąn. “Yinííł yaa bóta’.” Alma t’óó dah diigháahgo, Diyin yá naal’a’í díí yee bił hóolne’: “Nik’ih hojídlį́, Alma; díí bąą, ntsiits’íín déi kónlééh dóó nił hózhó, haalá ayóó baa nił hódoozhǫ́ǫł.” Aadóó Diyin yá naal’a’í Ammonihahgóó nididááh bił ní dóó bináantah, dóó Alma “tsíił áá nádzá.”8
Nihíish ha’íí Alma bee bóhwiil’áá’ wóki’, hantá, dóó nánilts’in? Nihí eíí sodizin ii’sizį́ k’eh iiná yéego bina’ánish, dóó doo éí áłahjį’ íiniidziníi béhool’į́įh da. Ndi ha’át’áosh doodáo yinííł yaa kónhiił’įįh, bóhólníihii nihik’íiłdoh dóó nihitse’ ánhiił’įįh. Bí nihi na’ídíkid ałtso yaa halne’ da doodáo tsííł ałtso anáhóoti’ ła yoolíił da; nídi, bínooł’ą́ áko binóotááł. Jó nihí aadóó tsíiłgo naha’á bik’eh i’íilníiłgo, Bí nihá ąą’ íidoolííł, Alma yá áyiilaaí gi’át’áo.
Éí shí aaníidishníi eíí díí hane’ yá’át’éehii ałtso ninályáago bił hóolzhish. Nihí Jesus Christ ak’é nina’ídláhii nihe’íina’ bee bik’ihojídlį́. Nihí saad dadiyin nihá ałtsogóó hólǫ́. Nihí bá yáłti’í yinahjį’ yikáh éí Bóhólníihii íinizin yee ndánhintin k’ad nidahóntahíi bá. T’áá bił, nihích’į’ íishją́ áalnííł k’eh házdon baa honíti’ áko Bóhólníihii bee ha’íiníilní dóó niwoolóós. Diyin yá naal’a’í Alma yich’į’ adíiniidí gi’át’áo, nihí agháo “ayóó baa nihił dahózhó.” (Alma 8:15). Jesus Christ bízhi’ bináhjį’, áámen.