Bááh Hólǫ́ Ńt’ę́ę́’
Ats’íís bídéét’i’ii hasht’e ádiiłnééhgo, iiná bich’į’ nahwiiná bich’į’ nihidziildoo.
K’ad Naałniihígíí t’ahdoo ch’aa na’adá ni’hwiiléé yę́ędą́ą́’, tó wónaadę́ę́’ shiłná’oot’ahgo, beesh naat’a’ii daniiztłah, Damóogo ch’idinéesdzáh. Damóo sodizingoo shábííghah silį́į́’go bááh dóó tó biki sohodizingi niyá, ałtsogo ákwii t’áá áłts’íísígo haasdzííh. Ałah aslį́dóó bikidjį, ashki deacon nilį́ léi’ shichį́ niilwod dóó President Nelson’ish bééhonísin dóó lahda’ish bílák’ediinilnii’ jiníigo ną’ízhdiiłkid. Aoo’ bééhasin dííniid, dóó bilakenidishni’, Presiding Bishopric atah nishłį́, shá bohónéedzą́go bikéé naazínígíí bił naakidi áłah nééhdleehgo damóo ná’ádleeh.
Ashkii deacon bikáá’dah’asdáhí yikáá’ dahniizdá, biła’ t’áá áła yee yadiilnííh, dóó hadoołghąązh,“Dijį́ t’áá ayissii shił’alááh át’é!“ Shik’is dóó shiła, doo shį́į́ shila’ t’áá’áłah bee yahdidíishnida dóó doo hádidííshwoshda, ndi Diyin ya’halne’ii nihił hólǫ́nígíí hool’áágóó baa’ahéénisin dóó bits’ą́ą́dę́ę́’ Diyin yadahalne bina’ntindo, ’biłéédahóziníí, náasgo áhodoonį́į́ł iiyisíí nidahonitł’ago hoołzhíísh biih.
Hoodííyahdę́ę’, Diyin God bidine’é na’ntin yich’į’ yeedłééhgo yikaa’anáłwo’ yee diyin k’ehgo iiná yika hasht’e’ ádadiłnééh dóó ats’íís bee ti’hoonííh dóó nihi’hont’ą́ą́ t’áá ahooteehgo nihił hołzhíshdoogo biłbééhózin. Bik’e’éyééii t’áá sáhí heeniti’ doodai t’áá ałtsogo hachxǫǫh, ndi Diyin binanitin yee niha’áhályą̨́ dóó nihiká’anáłwo’ binanitin yínííłts’ą́ą́go dóó bik’eh hóníł’į́į́go. Nizhonigo baa hane’ Diyin bizaad saní Genesis biyi’, Joseph Egyptdę́ę́ binahjį’ íhwiiłaah dóó diyingo biłééhoozingo Pharoah neizyeełgo yił’ííshją́ą́ ályiilaa.
“Áádóó Joseph Pharaoh kwíídíniid, … Diyin God Pharaoh yiiłííshjání íyiiła íidooliiłigii. …
Shoo, bich’į́ yoołkaał Egypt kéyah bikáágóó tsosts’id nááhaijį’ t’áá íiyisíí nida’nt’ą́’doo:
“Áádóó bik’ijį’ tsosts’id nínáádoohai dichin ooghą́ąłgo, dóó Egypt kéyahgi nida’nt’iih’ yę́ę́ baa hodiyoo’nah.” 1
Pharaoh Joseph yidiizts’ą́ą́’, neizyeeł yę́ę́ Diyin God bił’ííshją́ą́ ályiilago yikidiit’į́į́h, dóó t’ihida naasdi ahoodoonííł yiichi’ hasht’e’ dinééhgo yanídiidza’. Áádóó Diyin bizaad dabikáá’:
“Dóó tsosts’id nááhai’ nahasdzáán bikáágoo’ aała’ hadeezbingo nínáda’nt’į́įhgo hoołzhiizh.
“Dóó ch’iiyáán áłtso hasht’e’ niyijááhgo tsosts’id nááhai. …
“Áko Jóseph naadą́ą́’ tónteel bibąąhgóó séii biláh ánéelą́ą’ áłah ájiilaa, … jółta’ ndee bik’izhdeeyá; háálá doo jóołta’ ánéelą́ą’da.” 2
Tsosts’id nááhai’ t’óó ahayóí náda’nt’į́įhgo, nihiłhoone’ Jóseph dahodichingo tsosts’id nídoohah ninah bik’ihooshzhiish: dóó t’áá ałtsogoo kédaayahgóó dichįn aghąąh, ndi Egypt kéyahgi t’éiyá bááh hólǫ́ ńt’ę́ę́’.” 3
Dii jį́ nihi kihojídłíi Diyin yádahalne’íí niha’biłéédahózin nitsihoodiit’ééh bich’į́’ hasht’e’ hoodiinee “éí t’áá bik’ihooshzhiish ” 4 dóó ałdó’ niha’dayoo’í nich’į́’ándahazt’i doodai nihich’į́ baa hóchį’go niha’nanłtł’ą nanitin bik’eh áda’iiłį́į́go.
T’áá beehózin naalniih COVID-19 at’í’ííłinígíí, dóó ałdo’ nibikáágo bádahádzidgo nda’iił chxoohígíí, éí doo dine’é yeest’i’da dóó ał’ąą dine’é, ahínda’ííłda’góó, dóó sodizin biłnahasąągóó kéhdaya t’áá ałtso bikáágoo. Naanish áádaszįįd dóó béeso dabįįhę́ę bi’o’dazłįį naanish bi’o’ádalyago, dóó ni’doonish ę́ę ats’íís dadiniih dóó bee haz’áanii ńda’níłtł’a.
T’áá heishi nihich’į́’ nahwiinanigíí, nihil bééhózin dóó nihansíikees nihiłnahaząągoo, dóó t’áá’aníí náásgóó ya’a’hootééhdoo daaní. Bee nihikihojisdłį́ Bishops dóó sodizingíí ́alą́ą́j̨ nazíinii sodizin atah danilinigii hadeent’ą bee da’iináanii yee yiká’andolwo’ dóó bee iine’ hasht’enálnééh’ biłnahaząą’ biłbéédahozinii áádóó t’áá ho’ádika-ana’áwo ałkéédasdzohígíí chóizhdoołį́įł.
Diijí nihił’ áhoot’éhígíí, naałniih naalyéhé nahaniih ałtso yiyííłchxo’ dóó t’ááłá’í nidzínígo nihee’iiná dó’, Yísdá’íiníilii jooba’ii doo t’áá anį́į́h lą’í t’i’dahoonííhii doo t’oo yits’ąąjį́’ didooįįłda dóó ch’iiyáán hasht’e’ nidahoojááh dóó béeso náásgoo biniiyé doo yididoniiłda. Akondé, hasht’e’ ádiinéé ałkee dasdzohígíí doo t’oo baa hodíyónahda—dii na’nitin dasdzohigíí baa honíídząągo dóó áłkee honí’ao adoolnííł“ áko nasdi, Egyptdi Joseph ádíínįįdyą́ą́gi ádidííniił, “Bááh hólǫ́ ńt’ee’.“
Diyin doo bíinííghago doo yinihinch’ééhda t’áá biniighahgo, ndi yeego iti’íído, biiniighaągo. President Nelson nitsaago áłah azlį́į́’ yę́édą’ ánáánhidonííd “Diyin na’adzil ayóo bił yá’át’ééh.“ 7
Sodizin yiląąjį́’ nazį́ínį́ii’ at’ahdanilínígíí ádeełní t’ahą́ą́h “hasht’e’ádadoołnééh nihich’i’ hoodinááh biniiyé ch’iyáán dóó tó dóó béeso hasht’e’nidahoonííł.“ 8 T’áá ákogo ałdó’, nidanihookąąh “baa honosąąhgo“ dóó “biłahgo éí dooda“ 9 hoghangii chi’yaan hasht’e’nishoołjaa’ dóó béeso ałdó’. La’ naałtsoos dabikaa t’ááho habéeso bee adidka ashdoołwoołigii, 2017 ałkéédasdzoh adóó k’ad Sodizin baahane’ dabikaa’ táadiin dóó bi’ah hast’ąą saad ał’ą át’éégo bee, aląąjį́’ bidahoolnííhígíí bina’nitin áłtsé, kódaaní:
“Diyin ádííniid, ’Shikee deekahígíí baa ahashyą́ą́go shidéét’i’ Na’nitin dóó Bee Aha’dit’a 104:15]. Dii iiłííshjaní alaaígíí Diyin yee ádeehadoodziih éí bee iiná ádoolniiłígíí bee akihoojidłí dóó ádaa’áháyą́ą́go hahałzhish. …
“… jiiłtso dóó bik’ehgo jiináhgo bee ni’iiná ádiiłííłgo nabihónéedząąh’ bee nihikihoojidłíídoo Diyin yee ádeehadoodziih.
“Nídanihookąą wołi bee bidahooł’aah dóó ałkeedasdzohígíí beda’ołééh dóó nihikwa’asiní bee ndanohtin. Dii bidaoołíígo nihikihodjidłíído … [háálá] Yá’ąąshdę́ę́’ nihiZhé’é Diyin bi’awéé’ niłį́. Ayóo’anihoníh dóó doo niheediionada. Niheehosin dóó diyink’ehgo iina’ dóó ats’iis bidiit’í’íí bee t’ááho-ádika’ana’awo’ t’áákad yee nihikijidoodłííł.“ 10
Choidooį́įłígíí ałkee dasdzoh’ bik’ehgo ázhdoołííł dóó béeso t’áábigha’hago choį́’, ha’áłchini bee ba’ahoojiiłya hach’į’ hoodiináágo, béeso baa’áháyą́ą, dóó hasht’e’ nihinííł náásgóó biniye éí Sodizin baa hane’ bíí’dasdzoh doodai nihitahgo bidaholnihigii biłbeedahozin.
Hasht’ezhdi’nééh baa nitsídeikeesgo, Joseph Egyptdi bił áhoodzaa ę́ę beeshdoołnigo hodidoołnaał. T’óó ahoodoonił t’ee biłbeedahozingo doo bighahda doonidee “dichin aghąągo“ t’áhbits’eeda biniyé nijisdzilgo hasht’e nidajiiz jaago t’é hasdajookai’. Pharaoh bidine’é doo t’áá at’e naniists’ígíí deeyii yahda, dajiyanígíí bi’o aldaalyag dóó yikedahoolaa, t’áá bikiinigo, nasgoo chooidooį́́iłígíí ałdo. Doo biighada achinahwiiná bahoodoolzhishígíí t’ee holbeehozingo. Nidanish, doo nidasdzil biniinaa, “bááh hóló ńt’éé.“ 11
Dii binajį́ na’idikid: “Áko, éí ha’át’íí?” Ałts’e’ bee haholzhíísh éí t’áá ałtsoni Diyin God bił dadiyin éí bikidootį́, “łahda’ísh beehaz’áanii ats’iis t’éí bidiitígo niheeniła.“ 12 T’áá ałtsoní, ako’, Jesus Christ bee hadahazt’ih bits’ą́ą́dóó á’iiłį́į́go hahodołziish ats’íís bidadííti’íí bee hasht’e’dii’nééhgo.
Ats’íís bidadííti’íí bee hast’ehoodineeh dóó t’áá ho-ada ajitį́į́h dii oołyé’ “ajoodlą́ Jesus Christ bee ajooba’ bee, doodai bee hadzilgo bee ha’jilníísh, dóó t’áá nihibeenihidzil bee, diyink’ehgo iiná dóó ats’iis bee iiná nihehodooleeł dóó nihi kwa’asinii bá.“ 13
Na’áłdo’ diyink’ehgo iiná atłahdigo ats’iis bidadiit’į́’ bee hazht’ezhdi’t’į́į́h “hazho’o’ baa ntséhakeesgo dóó ałkee honit’í’go,“ 14 t’áá kóódígo ch’iyaan ahiizhdoojí dóó beeso hasht’e nizhdoo’aał, “ałts’ísí dóó t’áá bizhoní“ bee áhodooniił, 15 éí hwe’oodłą binajį́’ Diyin ałchidiyę́é’ígí ląí iidolííł ndi t’áá ajitini ajidtíígo.
Atł’áahdi Diyink’ehgo bee ájiłeehgo, áádóó yá’át’ééhgo ats’iis bee nasht’e hoodineh nakigo hasą́ bee iiná bidiit’i’į́ hasht’ejilééhdo—béeso baa’ahayą dóó hogangi hasht’e’ ashjaa.
Ayissi át’é éí béeso bá’ahayáági biłnatį́’íí éí Diyin bibéeso dóó hodiłzingo bée’ana’áwo, ą’ha’á’ ałtso niną’jidłe dóó t’áádoo hąhadajiłí, hasht’e’zhdinééh dóó habeeso t’áá bizhnííł’anigo bee jiiná, áádóó ła’ hast’e nihinííł nasgoo biniiyé.
Ayiisí bik’ehgo hoghangi ch’iyáán hasht’e nihijah, éí tó, dóó nihi kwahasinii chidayoołinigii dóó ni, t’áá’ałtso “hooghangi shijaago“ 16 boohoníídzą, áádóó ”hooniiztła’go choodooį́į́ł.” 17
Diyin k’ehgo bee ádiilnííł yiidiiłtsoł dóó Diyin nihił iishjaníí ídoolííł, adiiłniiłíí nihil iishjoní ííłíídoo, t’áh nihi dóó niha’ałchiní’i, dóó tsidii yá’át’ééhgo bee iiná iiłíígo chooi’diilį́į́ł. Ayissíí éí ndidiiłt’ałgo baa hadiilnish.
Elder David A. Bednar dii dasdzohígíí yee na’nitin: “Bah hahajiłnishgo éí hwe’oodłą’ at’e. … Hwe’ óodlą’ t’áá’aaníígo Bóhólnííhíí bich’į́ jidiiz į́’do dóó binahjį’ ájit’iiddoo dóó ákwit’áo bee ’jółnishdoo.“ 18
Shikis dóó shiląkéé, nahasdzą áłajį́’ łahgo anáníił, nasii doo ééhózin bich’į́ hast’e adiníílzindoo. Azhą́ nasjį́ yá’áhootéédoo ndi, iiná łahda doo ya’ananatééhda łeh’ éí t’áá akwidtééhgo hoołzhizh doo. Ats’iis bidiit’i’íí hasht’e ííłnééhgo, nich’į́ nahwiiná bich’į’ nihidziildo, nihijéí ahodéezyééldoo, dóó Joseph Egyptdi nahalingo, da’ hooyeeh ndi adidíiníił “Bááh hólǫ́ ńt’éé.“ 19 Jesus Christ bízhi’ binahjį’, aamen.