AYe’ Ts’ídá Ílíinii Nilį́įgo Nihailyá

Eldir Matthew S. Holland Áyiilaa

Tsosts’idiinjį́i’ ‘álą́ą́ąji ‘atah dah sidá

Jesus Christ binahjį’, ats’íís k’ehgo ni’iilzííh baa ti’dahodii’nihígíí ádąąh nidahisiilyáhígíí bits’ádiilwołgo át’é dóó ats’íís k’eh ach’į’nahwiiná doo nihídéét’į’ da ndi bik’eh didiidleeł.

Mormon binaaltsoos wolyé’hígíí yíníshta’go Come, Follow Me shį́į́dą́ą́’ naashkaahgo, Alma bibąąhígi’ át’éii yaa ákoniizį́į́’go shí shidiisnáá’, “dinihígíí ts’ídá doo beełtéhí da dóó t’áá awołí dích’íí’ da.“ ¹ Ádaahashne’, ts’ída neezgai baa ya’áti’ígíí baa tsidakeez háálá tsots’id millimeter í’neeląąh bighahgo ch’ą́ą́’ashk’azhí bitsé éí damóó ooleeł shich’į’ nahwiis’náá’. Doo éí ła’ “ayóó át’áó“ díígi’ át’éhígíí yiyi’tádííyáa da “ałts’íísí dóó doo nanitł’áa’ígíí“ “bohoolyaago.“ ²

Alma bizaad ałdó’ hózhǫ́ yiit’į́ silį́į́’ saad ts’ídá íiyisíí nínígíí biniinaa, Mormon Binaaltsoos Wolyéii biligáana k’ehjí ályáahígíí biyi’, éí ts’ídá baadzólní doodaii’ ts’ídá doo beełt’ééhgo yaa halne’. Łahgo éíyá, Joseph Smith diyin yá naala’í Moroni bi’éé’ “ts’ídá łigai“, “łigai’ígíí doo nohosdzaan bik’áá’ ła’ kót’áó [yi]yiiłts’ą́ą da.“ ³ Ákondi ts’ídá ha’nínígíí ałdó’ íiyisíí át’éii yaa hodoolnih azhą́ doo yá’ádaat’ééh da ndi. Áko Alma dóó naaltsoos saad yaa dahalne’ígíí íiyisii neezgai “tihoonííh,“ “atí’ilnééh,“ dóó “ho’dii’áago“ “íiyisíí hach’į’ kól’įįhgo“ ałdó’ bídéét’į’ ⁴

Alma bił ahoodzaa’ígíí baa ntsá’akeesgo bąąhígi’ át’éii íílyáa’ígíí ts’ídá íiyisíí baa yinííł niidzinígíí baa ákodíníídzįįł. T’áá ákogi’ át’áó nahwiit’aah éí díí yókeed, Diyin God ndi doo łahgo íídoolííł da. ⁵ Alma “t’áá át’é“ bibąąhígi’ át’éii yénáálnii’go—ła’ beda’oodlą́ ndéíyiishch’ǫ́’ígíí íiyisíí—dinihígíí k’asdą́ą́’ doo yííghah da silį́į́’, dóó Diyin God yidaahdóó yiidoozį́į́łgo “t’áá awołíbee yaa bił hooyéé’.“ “Bii’sizíinii dóó bits’íís náádidoolyééłgo“ t’áá íiyisíí yiniizį́į́’. ⁶

Ákondi, Alma éí t’áá ałtsoní łahgo át’é silį́į́’ “bini’“ “Jesus Christ doogááłgo … nohosdzáán bibąąhígi át’éii yá nina’doodlééł ha’níigo baa hóone’ yę́ę yiyiiłtsoodgo“ dóó “[bi]jéí biyi’di hadoolghaazh: O Jesus, Diyin God biYe’ nílíinii, shaa jiiníbaah.“ Alma éí t’ááłá’ígo baa ntsézkézígíí dóó t’ááł’á’ígo yaa ná’ooskanígíí, éí “tsídá“ “bił nahonighaahígi’ át’áó“ ił hózhóonii ałdó’ ts’ídá íiyisíí bii’ hazlį́į́’. ⁷

Ádaana’ookąąh biniyehígíí ts’ídá doo bee deidiinah da éí ach’į’ nahwiiná haashį́į́ yit’éhígíí tsídá ił hózhǫ́ǫgo áyiilaa. “Tsxį́į́łgo biyá’át’ééh,“ ⁸ áyiilaa’ígíí baa ahééh’ílį́, Christ tsxį́į́ł bich’į’ kwiit’į́į́hgo—yiniidlą́ągo dóó t’áá aníigo ádaana’iikąąhgo—Baahígi át’éii ndaazyę́ę t’áá Bí ádąąhniidlééh. Yiniinaa át’ínígíí éí doo bąąh chíní “doo baa yá’áti’ át’éégóó dóó doo ninít’í’ii ach’į’ nahwiiná’ yáti’hooznii’“ ⁹ t’áá ałtsoní áyiiláii yá—t’áá íiyisíí ti’hooznii’go, dił bits’íís tahdéé’ hahaazna’. Yisda’iiníiłii bii’ nisiidzáhígíí yinahjį’ nihił halne’; díí jį́įdi Diyin bizaad biyi’, doo ádaanda’iikąąhgóó “tsídá“ hait’áó “nihich’į’ nahwiidoonaałígíí“ doo baa ákoniidzin da. Doo baa ntsí’dookosígi’ át’áó nihíka’a’oowodgo hazhó’ó nihił Hoolne’ “Shi Diyin God, t’áá ałtsóní bá ti’hwiisénii; áko ádaańda’ooskango doo ti’dahwiidoonih da“ ¹⁰ —éí ádaana’ooskan Alma yisnihgi’ át’áó “ts’ídá yéigo ił hózhǫ́“ “diilnih.“ ¹¹ Díí na’nitin t’éiyá ndi “ayóó át’áó baahashniih.“ ¹² Ákot’ée ndi, hózhǫ́ baa ayóigo, Christ hózhǫ́ biláahgo ailééh.

Hahda ts’ídá neezgai doo bąąhígi át’éí bits’ą́ą́déé’ haleeh da akondi t’áá aníigo iilzih bits’ą́ą́déé’ łeh, haida i’iilei, doodai adziil nihilááh át’éedéé’ da łeh. Kóhoot’įįhgo, Psalmist t’áá ákogi át’éii nahalingo na’iikąąh:

“Shijéí t’áá íiyisí bii’ yisdíł: Anoonééł bik’eehóyée’ii shik’i hoole’.

“… Ák’e’éyéé’ shilááh silį́į́’.

Áko ádíshní, Hasbídí nahalingo shit’a’ hólǫ́ǫ doo yę́ę, áko éí bee yóó’adeesht’ahgo háadida hanáshyį́įh doo nt’éé’. ¹³

Azee’ álį́į́jí na’alkaah, yaada’ííłta’ hándaha’á, doodaii’ agha’diit’aah bił nahaz’ą́ ti’hoo’nííh da áka’adoojah. Áko baa ákonohsin, t’áá át’é aada’iilyé yá’ádaat’éii—Yiisdá’iinííłii bits’ą́ą́déé deiyídeeł. ¹⁴ Azhą́ íiyisíí dadinih dóó ajéí ti’hoonííh dabiyi’ígíí ndi, t’áá át’é doo neezgai íídoolíłígíí éí: Jesus Christ. Táá bí t’éiyá t’áá ałtso adziilii dahyoolééł dóó na’iilziih t’áá ałtso neidoołdzih, t’áá ałtso doo ákot’éhígíí t’áá ákogi’ át’éego aneidoodlííł, t’áá ałtso doo haałt’éhígíí hasht’eidoodlííł, t’áá ałtso atída’alyaahígíí neidoołdzih, dóó t’áá ałtso ak’ihojidlí akéédéé’ sili’ígíí neidoodlééł. Ałkídą́ą́’ da’ooííniigi’ át’áó, t’áá áníigo baa hashne’ áko “hodahdi priest nilíinii doo ła’ nihee hólǫ́ǫ da nihąąh dahaz’ą́ dóó yididoolchił da“ ¹⁵ ákondi niná’nídleii ayóó’ó’óníínii yá’ą́ą́sh dahsidaadéé’ adaayá dóó dah diiyá “bił nahonighaahgo dóó ti’hoonííhgo dóó t’áá áłtsojį’ nabi’dinitaahgo … , áko bił bééhódoozįįł … hait’áo bidine’é yiká’adoolwoł.“ ¹⁶

Háida dííjį́ ts’ídá dinihgo doodaii’ ts’ídá doo ła’ kót’é nohsingo doo háida bił nilį́į da doo, t’áá da ákót’ée łeh. Doo ła’ bił haojéé’, nihik’is, doodaii’ Diyin bibe’adziil dayoolééłii—hait’áó iichįįh dóó íínízin ndi—nihiyi’di át’éhígíí bił béédahózin dóó biniyéii dahólǫ́ǫ ndi—dóó ts’ídá haanoht’éhígíí dóó bizaad ts’ídá áká’adoolwoł ndi. Díí nihił béédahózin: ka’ ts’ídá bii’ wohałígíí haałt’éego Bił bééhózin, “nohosdzáán yilááhgo bidziil,“ ¹⁷ dóó ntsaago í’dool’ííł t’áá ałtso yínóhkeed doodaii’ doodaii’ baa ntsókeesígíí biláahgo.“ ¹⁸ Í’doolníłígíí bik’ehgo ąą’ádoonííł dóó hahgooígíí bí bik’ehgo, ákondi Christ álahjį’ nihiba’sizį nihiti’hoo’nííh ts’ídá t’áá át’é dóó át’éegi neidoołdzih.

Bá hooł’aahgo, baa ákódínóóhsįįł ti’hwiiníníhígíí doo t’áádoo biniyéhí da doo. Lą’ída Diyin God bizaad ayóó ádaadzai baa yá’áti’go dóó yaa yínííł daazlį́ yę́ę, Paul hastóí naakits’áadah nilíinii ání, “Diyin God … ti’dahooníhígíí binahjį’ yá’át’ééhii ła’ nayizlá, ti’dahoonígíí binahjį’ doo haałt’é dadooleeł da.“ ¹⁹ Bik’ehdadoohtįįh, Diyin God át’éhígíí dóó biniyé nohosdzáán bikáá’ niidzáhígíí éí ił hózho, ²⁰ ákondi doo haałt’é bił hózhóonii dadiidleeł da, bee na’nihidinitaah doo bii’ tádiidááhgóó, ła’da nihiyi’ ałníí’ ndi. Paul ání Yisdá’iinííłii ndi “ti’hoonííh yee hool’áágóó haałt’é [hadíłt’éego] ályaa. ²¹ Áko ch’į́įdii hazhóó’ígo yáłti’ígíí bich’į’ ádaa’ádahołyą́ diné yá’át’ééhii nohłį́įgo, nihich’į’ nahwiinánígíí bits’ąą naaháa doo.

Na’adlo’ Diyin God náyizláa’ii doo bił nahíínízį́į́ da ałdó’ nich’į’ nahwiináago bits’ą́ąjį’ kónóht’é, ła’ ak’ihojídlí dóó nááná ła’jį’ náánadááłii nohłį́. Áko, John diyingo bił hane’ii t’áá aníígo dííjį́įdi dayółkááłdi niiłtsánígíí yiiłtsééh. John “diné t’óó ahayóí“ yiyiiłtsą́, doo ła’ diné yídóółtah át’éégóó, dah da’íldééh, dóó ałk’éii da’ídlį́, dóó ał’ąądaa saad, naat’áanii bikáá’ dahasdáhí bidáádóó, dóó dibéyázhí bi’diníinii bidááh dóó, bi’éénééz łigai yee hadít’éego, … [Éí] ázhí yee’ha’doolghaazh, kóniigo, Nihi Diyin God bich’į’ yisdáhóót’i’. ²²

Nabídéíkidgo: “Háísh ádaat’į́ hadiil’éé’ yee naa’zínígíí? dóó háádééshą’ yíkai?“ John bił hóóne’: “Díí ayóó át’áó ach’į’ nahwii’nádę́ę́’ ch’éheeskai, bi’éé’ deesgisgo, Dibé Yázhí nilíinii bidił yee daalgaí ádeiyiilaa’ígíí ádaat’į́. ²³

Shík’is dóó shilahkéí, Diyingo oodááłgo ach’į’nahwiiná nihíká’adoolwołgo hasht’e’ídidoołnííł, doo éí t’áá sahdii Diyin God neiyizláhígíí bits’ą́ą́’ nanihi’di’dooltééł da. Áádóó yee ndahas’anígíí ni bee nahwííní’anígíí adaat’é. John ánínígíí át’áo ni “doo dichin náádíídleeł da, doodaii’ dibáá’ doo náádíídleeł da, doodaii’ jóhonaa’áí dóó hadoh doo naanidoołch’ił da. “Haalá Dibé Yázhí bi’di’níinii bikáá’ nahat’áii ałníi’gi dah sidá éí [ni’]diyoosį́į́ł, dóó tó hiná hadaazlį́įjį’ [n]doolóós, dóó Diyin God [n]nák’eeshto’ ná yidoot’oł.” ²⁴

“Anoonééł doo nááhódlǫ́ǫ da doo, doodaii’ doo yichaa’í da doo, doodaii’ atahoneezgai ádin doo.” ²⁵

Díí bee yit’íní ashlééh Jesus Christ biyá’át’ééhii dóó binina’ílyáii doo ninít’i’ii binikáá’góne’, nihich’į́’nahwii’ná nohosdzáán bikáá’ doo nihágóó’ígíí dóó nihágo ák’idadiit’anígíí. Bí áníigo, diyingo deedzáhígóó ayóó át’é dóó doo baa hojólne’ át’éégóó nihił hózhǫ́ǫ doo—ił hózhǫ́ íiyisíí dóó ní t’éí nágo, “nihi łeeshch’iih“ “doo ła’ nohosdzáán bikáági’“ át’áó ayóó ánoolnin da doo.“ ²⁶ Díí k’ad ił hózhǫ́ díílnih dóó hool’áágóó nihii’ hólǫ́ǫ doo, Alma ádzaa’ígi’ át’áo hágo nihidishní: nihíni’ ts’ídá Diyin God biye’ nihailyáii yidoołtsoł éí bina’nitin bisodizin t’áá aníinii dóó hiináanii biyi’ígíí. Jesus Christ bízhi’ bináhjį’, amen.