Ániidígíí Biih Náánéíkááh
Nihi Diyin God Yá’ąąshdi Hólóonii nihijéí, nihíni’, dóó nihi’sizíinii bich’į’ hágo nihidishní.
Shik’is dóó shilahkéí, díí ntsaago naakigíí áłah da’asdlį́į́’ éí ayóó át’áo nihił hoo’a’! Elder Jeffrey R. Holland bił nishlį́. Ádííniid, bee hada’iisdzii’, sodizin, sin t’áá át’é Bóhólníihii yidiisnáá’. T’áá ałtso áka’ííje’ígíí baa ahéénisin.
Ałkéé’ áda’ool’įįłgo, ntsaago áłah ílį shini’ bii’ niheesh’į́į́ ńt’éé’. Nihii’ ádaat’ée, baa yíní danohłínígíí, doodaii’ biká’ádaat’į́ ła’ daałéhígíí hait’áo ak’e didoohtįįł bee nihíka’adeeshwołgo Bóhólníihii binabidééłkid. Ha’át’íí éí bee hadeesdzih nisin bee díí áłah aleeh ałch’į’ ándoolnííł áko náásgóó had’iinółníigo deinókááh doo éí shił bééhózingo Bóhólníihii nihainízin.
Ayóó át’áo hoolzhizhdi dahinii’ná, éí diyin yáyádaałti’ii neeznádiin ńdááhaadéé’ deiyiiłtsą́. Díí hoolzhizhdi diyingo ak’ihojídlí doo ła’ t’áá kólzin da doo.1 Adawiis’áágóó hahonoochał ndi2Bóhólníihii náás “nihił hózhǫ́ǫgo dasídíít’į́į́’“ nihánízin.3 T’aadoo adą́ą́dą́ą́’ ééhániih bii’ chidí bikee’ t’óó náálwoł nahalingo baa ntsídaahkeesí. Israel ahínéikááh náás bich’į’ hoolzhizh. Bóhólníihii Jesus Christ Bisodizin binaanish yáhoo’ááł, dóó éí diyingo nihoot’ą́ bohodoolnííł.
Ni dóó shí be’diilnííł nihidááhniilyáhígíí éí diyingo ádiilnííłii nihí ni dóó shí t’áá aaníigo bi’idiidááł. Dííjį́į́di éí “ániidígíí biih náánéíkai“ ha’nínígíí áłahjį’ dadiits’a’. Aniidígíí t’áá aníígo biih náánéí kááhgo deilts’óódgo, NihiTaa’ Yá’ąąshdi hólóonii bóó BiYe’, Jesus Christ nihijéí, nihíni’, dóó ni’ii’sizíinii bich’į’ kódaohnééhgo hágo. Éí bine’ nihí ániidbiih yikááhii ádaahłééh.
Aniidígíí daołts’óódgo t’áá áhwííjį’ ádaańda’ookąąh. Hózhǫ́ nihíni’, nihizaad, dóó ádaoł’ínígíí bii’ danołtolígo bíká’ádaaht’į́’. Nihinaagoo’ígíí bíká’anáłwo’. Hool’áagoo’ígíí daoh’į́įgo bíká ádaaht’į́. Bee nihik’ihodiinii’ígíí ntsaago bindaałnish. Bee nihich’į’ nahwiinánígíí, shik’is dóó shilakéí ayóó anihííníshníinii, t’áá ákwííjį́ ní hózhǫ́ hasht’e’ádílnééhgo Ániilei baadíínááł.4
Díí biniinaa Diyin bighan ntsaa’ígíí dahólǫ́. Bóhólníihii be’o’ool’įįł dóó bibee aha’deet’ą́ hool’áago Diyin bił iiná biká hasht’e’diilnééh, aláahdi Diyin God ak’ihojídlí.5 Nił bééhózingo COVID naałniih t’óó hóníshgháníjį’ Diyin bighan dada’deeskaal. Aa’ándadoolnííłgo hazho’ó bina’anishgo, ałkéé’ honí’ą́ągo aa’ádadoolnííł. Naaki góne’ígíí ła’ígo bedahoolyaago, damííł yázhígóó hooghan da’ahótą’ dóó damííł yázhí dóó bi’aango a’ílyéí t’áá dikwíhí ndeezidjį’ aadahaasyá. Bikádadéét’į́į́ sodizin da’atahígíí chin bąąh ą́daadingo bizazí yá’áda’ał’į́ dóó Diyin bighan yii’ndahałá.
K’ad hast’ą́ą́ Diyin bighan ntsaa ániidígíí binahat’á baa ndooniłígíí kwe’é ndadoo’nił: Tarawa, Kiribati; Port Vila, Vanuatu; Lindon, Utah; Greater Guatemala City, Guatemala; São Paulo East, Brazil; and Santa Cruz, Bolivia.
Diyin bighan ntsaa’ígíí ndeinil dóó baa’ádahwiilyą́ągo, nihá sodadiilzin ła’í noozį́įgo hasht’e’áda’dołnééh dóó bik’i dadínóh’į́į́’ áko danołtólígo Diyin bighan ntsaa’ígíí biih yidoohkah.
K’ad, shik’is dóó shilakéí, k’é nihił dahólǫ́ǫgo nihiyii’ bee nihik’ih hojidlíigo ak’e’deet’įįh át’é. Bik’é nihokáá’ biláahgo ak’e’deet’įįh át’é.6 Hózhǫ́ nohsingo dóó Diyin God bibeehaz’áanii binooł’ą́ągo bee nihik’ijinishdliih. Óóhłaago díí nihí doo, ak’ihodídlí nihik’i naałtin dóó hózhǫ́ nihidziil biłgo ił’ííshją́ą́ e’él’į́ dekódoonííł, hózhǫ́ ahił ídlį́ nihighan dabiyi doo, dóó ił hózhǫ́ azhą́ doo ákóhoot’ée da ndi.
Diyingo nahoot’ą́ náás bidahodiilnííł—áko hasht’e’áda’diilnííł dóó nohosdzáán, bikáágóó Bóhólníihii Nínáádoodááł. Nihik’ijíshdlíih, ayóó ánhiiníshní naadíshní, Jesus Christ bízhi’ baa hasti’íi bináhjį’, amen.