Moshonnan di un Kandela Skondí
Dios ta skucha kada orashon ku nos ofresé i ta kontestá kada unu di nan di akuerdo ku e kaminda ku El a figa pa nos perfekshon.
Rumannan, mi a siña un lés doloroso for di e delaster biaha ku mi a okupá e púlpito aki na òktober di 2022. E lés ei ta: si bo no duna un diskurso akseptabel, lo bo ta ekspulsá pa e próksimo konferensianan. Boso por mira ku mi ta asigná tempran den e sekshon di esaki. Loke boso no por mira ta ku mi ta posishoná riba un luik ku un grèndel hopi delikado. Si e diskurso no bai bon, lo mi no mira boso pa atrobe algun konferensia.
Den e spiritu di e himno bunita ei ku e koro bunita mi a siña algun lès resientemente ku, ayudo di Señor, lo mi tin gana di kompartí awe. Esei lo hasi e diskurso aki hopi personal.
E eksperensianan resientemente aki di mas personal i doloroso tabata e fayesimenru di mi kasá stimá, Pat. E tabatae muhé di mas grandi ku mi a yega di konosé—un kasá i mama perfekto, i no papia mes di su puresa, su don di ekspreshon, su spiritualidat. El a yega di duna un diskurso titulá “Kumpliendo e Medida di bo Kreashon.” Ta parse mi ku el a kumpli ku e medida di sukreashonn mas ku niun hende por a soña ku lo ta posibel. E tabata un yu kompletu di Dios, un muhé ehemplar di Cristo. Ami tabata di e hòmbernan esun mas afortuna pa pasa 60 aña di mi bida ku né. Si mi por demostrá di ta digno, nos seyamentu ta nifiká ku mi por pasa den eternidat ku ne.
Un otro eksperensia a kuminsá 48 ora despues di e entiero di mi kasá. Na e momento ei, mi a purá mi pa hòspital ku un kondishon médiko urgente. Despues mi a pasa e promé seis simannan drentando i saliendo di kuido intensivo i bayendo leu i biniendo bei.
Virtualmente tur di mi eksperensianan den e hòspital durante e promé periodo ei ta pèrdí den mi memoria,. Loke no a bai pèrdí ta mi memoria di e biahe pafó di e hòspital, pa loke ta parse e rant di eternidat. Mi no por papia kompletamente di e eksperensia aki, pero mi por bisa e parti ei di loke ma risibí tabata un atmonishon pa regresá na mi ministerio ku mas urgensia, mas konsagrashon, mas enfoke riba e Salbador, mas fe den Su palabra.
Mi no por a evitá di sinti ku mi tabata risibiendo mi propio vershon personal di un revelashon duná na e Diesdos kasi 200 aña pasá.
“Boso lo duna testimonio den mi nòmber … [i] hiba mi palabra te na e fin di mundu. …
“… Mainta pa mainta; dia pa dia a laga mi bos di atvertensia sali; i ora nochi yega no laga e habitantenan di tera drumi, dor di bo palabranan. …
“Lanta[,] … i tuma bo krus, [i] sigui mi.”1
Mi kerido rumannan, desde di e eksperensia ei, mi a purba tuma mi krus mas na serio, ku mas resolushon pa haña kaminda mi por lanta mi bos apostóliko tantu kaluroso komo di atvertensia den mainta, durante dia, i den anochi.
Esei ta hiba mi na un di tres bèrdat ku a bin den e lunanan ei di pèrdida, malesa, i strès. E tabata un testimonio renobá di i gratitut sin fin pa e pa orashonnan desisivosi e Iglesia aki—boso orashonnan—di kual ami tabata e benefisiario. Lo mi ta eternamente agradesido pa e suplikanan di miles di hende ku, manera e viudo importuno,2 repetidamente a buska e intervenshon di shelu p’ami. Mi a risibí bendishonnan di saserdosio, i a mira mi klar di sekundaria ayuna p’ami, manera varios bario den Iglesia. I mi nòmber mester tabata riba e ròl di orashon di kasi tur tèmpel den e Iglesia.
Den mi gratitut profundo pa tur esaki mi ta uni ku G. K. Chesterton, kende a yega di bisa, “Duna danki ta e forma mas haltu di pensamentu, i … gratitut ta felisidat dupliká dor di milager.”3 Ku mi propio “felisidat dupliká pa asombro,” mi ta gradisí boso tur i ta gradisí mi Tata Selestial, [Kende] a skucha boso orashonnan i a bendishoná mi bida.
Rumannan, mi ta testifiká ku Dios ta skucha kada orashon ku nos ofresé i ta kontestá kada unu di nan di akuerdo ku e kaminda ku El a figa pa nos perfekshon. Mi ta rekonosé ku masoménos e mes momentu asina tantu tabata resando pa e restorashon di mi salú, un kantidat igual—inkluyendo ami—tabata resando pa e salú di mi kasá. Mi ta testifiká ku tur dos di e orashonnan ei a wòrdu skuchá i kontestá pa e Tata Selestial divinamente kompasivo, asta ora e orashonnan pa Pat no a wòrdu kontestá e manera ku ami a pidi. Ta pa motibunan solamente konosí pa Dios dikon orashonnan ta wòrdu kontestá diferente ku nos a spera—pero mi ta primintí boso [ku] nan ta wòrdu] skuchá i nan ta wòrdu kontestá di akuerdo ku Su amor ku no ta faya i orario kósmiko.
Si nos “no pidi malu,”4 no tin limitashon na ki ora, unda, òf tokante kiko nos por hasi orashon. Di akuerdo ku e revelashonnan, nos mester “resa semper,”5 I nos mester resa, Amulek a bisa, “pa esnan ku ta rondó dibo,”6ku e kreensia ku e “orashon ferviente di e [pueblo] hustu ta sirbi pa hopi.”7 Nos orashonnan mester ta bokal ora nos tin e privasidat pa por ofresé nan asina.8 Si esei no ta práktiko, nan mester wòrdu hibá komo ekspreshon ketu den nos kurason.8 Nos ta kanta ku nos orashonnan ta “moshon[nan] di un kandela skondí,”10semper pa wòrdu ofresé, di akuerdo ku e Salbador Mes, na Dios e Tata Eterno den e nòmber di Su Yu Unigenito.11
Mi kerido amigunan, nos orashonnan ta nos ora mas dushi,12 nos “deseo mas sinsero”13 nos forma di adorashon mas simple i puru.14 Nos mester hasi orashon individualmente, den nos famia, i den kongregashon di tur tamaño.15 Nos mester usa orashon komo un eskudo kontra tentashon, 16 i si lo tin kualke momentu ku nos ta sinti pa no hasi orashon, nos por ta sigur ku e duda ei no ta bin di Dios, Kende ta anhelá pa komuniká ku Su yunan na kualke momentu i tur ora. Ta bèrdat, algun esfuerso pa evitá ku nos ta hasi orashon ta bin direktamente di e atversario17 I, ora nos no sa kon òf eksaktamente pa kiko hasi orashon, nos mester kuminsá, i sigui, te ora e Spiritu Santu guia nos den e orashon ku nos lo mester ofresé.18 E aserkamentu aki por ta esun ku nos mester invoká ora [nos] ta resando pa nos enemigunan i esnan ku despresiando nos ta usa nos.19
Finalmente, nos por wak e ehèmpel di e Salbador Su ehèmpel, Kende hopi, hopi biaha a hasi orashon. Pero semper e tabata intrigante pa mi ku Jesus tabata sinti e nesesidat pa semper hasi orashon. E no tabata perfekto? Tokante kiko E mester a hasi orashon? Mi a bin realisá ku E tambe, huntu ku nos, tabata ke “buska [e Tata] su kara, keriendo su palabra, i konfia den s grasia.”20 Kada bia, El a hala atras for di sosiedat pa ta su so promé ku perfora shelu ku Su orashonnan.21 Otro bia, E tabata resa den kompania di algun di su kompañeronan. E ora ei e ta buska shelu na nòmber di multitutnan ku lo kubri henter un banda di seru. Tin biaha orashon ta glorifiká Su paña.22 Tin bia e ta gloridika su rostro.23 Tin biaha El a para pa hasi orashon, tin biaha El a bai na rudia, i por lo ménos un biaha El a kai riba Su kara pa resa.24
Lukas ta deskribí [ku] Jesus su bahada den Su ekspiashon tabata rekerí di djE pa resa “mas profundamente.”25 Kon un persona ku tabata perfekto por hasi orashon mas sinsero? Nos ta asumí ku tur Su orashonnan tabata profundo, tòg kumpliendo [ku] Su sakrifisio ekspiatorio i pa medio di e doló ku a yega na su alkanse universal, El a sinti pa hasi orashon ainda mas suplikante, ku e peso di Su sakrifisio ku al final a saka sanger di kada poro.
For di e punto di bista di Cristo Su viktoria riba e morto i Su don resien na mi di un par di siman òf luna den mortalidat, mi ta duna testimonio solemnemete di e realidat di bida eterno i e nesesidat pa nos ta serio den plania pa esaki.
Mi ta duna testimonio ku ora Cristo bini, E lo mester rekonosé nos—no komo miembro nominal riba un registro boutismal bieu pero un disípulo komprometé, fiel, kreyente i wardado di e kombenionan. Esaki ta un asuntu di urgensia pa nos tur, pa bo no skucha nunka ku lamentashon: “mi no a konosé bo nunka,”26òf, manera José Smith a tradusí e frase ei, “[Abo] nunka a konosé mi.”27
Afortunadamente, nos tin ayudo pa e tarea aki—hopi ayudo. Nos mester kere den angelnan i milagernan i e promesa di e santu saserdosio. Nos mester kere den e don di e Spiritu Santu, e influensia di bon famia i amigunan, i e poder di e amor puru di Cristo Nos mester kere den revelashon i profetanan, videntenan, i revelashonnan i Prsidente Russell M. Nelson. Nos mester kere ku pa medio di nos orashonnan i ruegonan i rektitut personal nos por bai na e “Seru di Sion, … e suidat di e Dios bibu, e lugá selestial, esun di mas sagrado.”28
Rumannan, ora nos arepentí di nos pikánan i bin firme na e “trono di grasia,”29 lagando dilanti di djE einan nos limosnanan i nos súplikanan sinsero, nos lo optené mizerikòrdia ikompashon i haña pordón na e man benevolente di nos Tata Selestial i Su Yu obediente i perfektamente puru. E ora ei, ku Job i e fielnan refiná, nos lo mira un mundu “demasiado maravioso”30pa komprondé. Den e nòmber di JesuCristo, amèn.