Fruta Ku Ta Permanesé

Pa Elder Matthew L. Carpenter

Di e Setenta

Pa [por] tin e Spiritu Santu ta fseya nos ordenansanan ta esensial si nos ke tin e bendishonnan primintí pa henter eternidat.

Ora mi tabata mucha mi tabata stima pich fresku i hechu. Te ku awor, e idea di morde den un pich hugoso i hechu ku su dushi smaak ta buta mi boka kore awa. Ora nan ta kompletamente madurá e pichnan ta wòrdu kolektá, nan ta tarda dos pa kuatèr dia prome ku nan daña. Mi tin bon rekuerdonan di ta huntu ku mi mama i mi rumannan den nos kushina miéntras nos tabata preservá pichnan kosechá pa e próksimo invierno dor di seyanan den bòter. Si nos preservá e pichnan korektamente, e fruta sabroso aki lo wanta pa un par di aña, no djis dos pa kuatèr dia. Si ta prepará nan i keinta nan korektamente, e fruta ta [krda] preservá te ora ku e seyo wòrdu kibra.

Cristo a instruí nos pa “bai i duna fruta, … ku boso fruta lo keda,”¹ Pero e no tabata papiando tokante di pichnan. E tabata papiando tokante e bendishonnan di Dios pa Su yunan. Si nos hasi i warda kombenionan ku Dios, e bendishonnan asosiá ku nos kombenionan por ekstendé mas leu di e bida aki i wòrdu seyá riba nos, òf preservá, pa semper, birando fruta ku ta permanesé pa tur eternidat.

E Spiritu Santu, den Su ròl dibino komo E Santu Spiritu di Promesa, lo seya ordenansa riba esnan kendenan ta fiel den nan kombenionan p’asina nan ta bálido despues di mortalidat.² Pa [por] tin e Spiritu Santu seyando nos ordenansanan ta esensial si nos ta deseá di tin e bendishonnan primintí pa henter eternidat, di bira un fruta ku ta keda.

Esaki ta partikularmente importante si nos ta deseá pa wòrdu eksaltá.³ Manera Presidente Russell M. Nelson a siña, nos mester “kuminsá ku e fin den nos mente. … Sigur, pa kada un di nos, e ‘in’ ku nos lo ke logra ta di biba pa semper ku nos famia den un estado eksaltá kaminda nos lo por ta den presensia di Dios, nos Tata Selestial, i Su Yu JesuCristo.”⁴ Presidente Nelson tambe a bisa: “Matrimonio Selestial ta un parti importante di preparashon pa bida eterno. E ta rekerí un pa wòrdu kasá ku e persona korekto, den e lugá korekto, pa e outoridat korekto, i pa obedesé e kombenio sagrado ei fielmente. E ora ei bo por ta sigur di eksaltashon den e reino selestial di Dios.”⁵

Kua ta e bendishonnan di eksaltashon? Nan ta inkluí bibando den Dios Su presensia pa eternidat huntu komo esposo i esposa, heredándo “trononan, reinonan, prinsipadonan, i podernan, … i un kontinuashon di e simianan pa semper i semper,”⁶ i risibí tur lo kual ku Dios e Tata tin.⁷

Señor a revelá pa medio di Jose Smith:

“En la gloria celestial hay tres cielos o grados;

“Y para alcanzar el más alto, el hombre tiene que entrar en este orden del sacerdocio [es decir, el nuevo y sempiterno convenio del matrimonio];

“Y si no lo hace, no puede alcanzarlo.

“Podrá entrar en el otro, pero ese es el límite de su reino; no puede tener aumento.”⁸

Nos ta siña aki ku unu por mora den e reino selestial, òf mora den e presensia di Dios, i ta soltero. Pero pa wòrdu eksaltá den e grado di mas haltu di e reino selestial, mester drenta den matrimonio pa e debído outoridat i despues keda fiel na e kombenionan ku a wòrdu hasí den e matrimonio ei. Ora nos ta fiel na e kombenionan aki, e Spiritu Santu di Promesa por seya nos kombenionan matrimonial.⁹ E bendishonnan seyá ei ta bira fruta ku ta permanesé.

Kiko ta rekerí pa fielmente warda e kombenio nobo i sempiterno di matrimonio?

Presidente Russell M. Nelson a siña ku tin dos tipo di lasonan ora nos drenta den e kombenio eterno di matrimonio aki: un laso lateral entre esposo i esposa, i un laso vertikal ku Dios.¹⁰ Pa por tin e bendishonnan di eksaltashon seyá riba nos i keda despues di e bida aki, nos mester di ta fiel na tur dos lasonan di e kombenio, lateral i vertikal.

Pa warda e laso lateral ku bo kasa, Dios a konsehá nos pa “stima [bo] esposa [òf esposo] ku tur [bo] kurason, i …uni ku bo esposa [òf esposo] i niun otro.”¹¹ Pa esnan ku ta kasá, pa uni kune i niun otro kemen konsultá huntu den amor, bo amor i kuido di un pa otro, bo priorisá tempu ku bo kasá riba otro interes, i bo ta sklama na Dios pa yuda bo superá bo debilidatnan.¹² Esaki tambe ta nifika pa no tin relashonnan emoshonal òf seksual di niun forma pafó di bo matrimonio, inkluí freimentu òf sali, i no tin pornografia, kual ta trese luhuria.¹³

Pa warda e laso lateral den e kombenio, kada pareha ”mester deseá pa ta den e matrimonio. Presidente Dallin H. Oaks resientemente a siña: “Tambe nos sa ku E [Dios] lo no forsa niun hende den un relashon seyá kontra su boluntat. E bendishonnan di un relashon seyá ta sigurá pa tur ku ta warda nan kombenionan pero nunka dor di fòrsa un relashon seyá riba un persona ku no ta digno òf no tin e deseo..¹⁴

Kiko ta e laso vertikal ku Presidente Nalson ta referí na dje? E laso vertikal ta esun ku nos ta hasi ku Dios.

Pa warda e laso vertikal ku Dios, nos ta fiel na e kombenionan di tèmpel ku nos a hasi tokante e leinan di obediensia, sakrifisio, e evangelio, kastidat, i konsagrashon. Nos tambe ta hasi kombenio ku Dios pa risibí nos kompañero eterno i pa ta kasa i mayornan rekto. Ora nos warda e laso vertikal, nos ta kualifika pa e bendishonnan di ta parti di e famia di Dios pa medio di e kombenio Abrahámiko, inkluyendo e bendishonnan di posteridat, e evangelio, i e saserdosio.¹⁵ E bendishonnan aki ta tambe e frutanan ku ta permanesé.

Miéntras nos ta spera ku tur esnan ku ta drenta den e kombenio nobo i sempiterno òf keda fiel i tin e bendishonnan seyá riba nan pa tur eternidat, tin biaha e ideal ei parse pafó di nos alkanse. Durante mi ministerio mi a haña miembronan ku ta hasi i warda kombenionan mientras nan kasá no. Tin tambe esnan ku ta soltero, nunka tin e oportunidat di kasa den mortalidat. I tin esnan ku no ta fiel den nan kombenionan di matrimonio. Kiko ta pasa ku e individuonan den kada un di e sirkunstansianan aki?

Si bo keda fiel na e kombenionan ku bo hasi ora bo a wòrdu investí, lo bo risibí e bendishonnan personal primití na abo den bo investidura asta si bo kasá a kibra su kombenionan òf retirá for di e matrimonio. Si bo a wòrdu seyá i despues divorsiá, i bo seyamentu no ta kanselá, e bendishonnan personal di e seyamentu ei ta keda den efekto pa abo si bo keda fiel.¹⁶

Tin biaha, debí na sentimentunan di traision i doló hopi real, un kasá fiel por kier kanselá nan seyamentu ku nan kasá infiel pa por ta mas leu posibel for di nan, na tur dos, riba tera i pa eternidat. Si bo ta preokupá ku bo lo ta di un manero òf otro mará na un kasá ku no ta repentí, kòrda, lo bo no ta! Dios lo no eksigí niun hende pa keda den un relashon seyá pa eternidat kontra di su boluntat. Tata Selestial lo sigurá pa nos risibí kada bendishon ku nos deseonan i desishonnan pèrmití.¹⁷

Ounke, si ta deseá un kanselashon di seyamentu, albedrio ta respetá. Algun prosedura mester wòrdu hasí. Pero esaki no mester wòrdu hasí kasualmente! E Prome Presidensia tin e yabinan pa uni riba tera i na shelu. Ora ku un kanselashon di seyamentu wòrdu aprobá pa e Prome Presidensia, e bendishonnan relashoná ku e seyamentu ei no ta na vigor mas; nan ta kansela di tur dos manera lateral i vertika. Ta importante pa kompronde ku pa risibí e bendishonnan di eksaltashon, nos tin ku demostrá ku nos tin deseo pa drenta den esaki i fielmente warda e nobo i sempiterno kombenio aki, tantu den e bida aki òf e siguiente.
Pa esnan ku ta miembronan di e Iglesia soltero, kòrda porfabor ku “den e tempu i manera propio di Señor, niun bendishon lo wòrdu retené for di Su Santunan fiel. Señor lo husga i rekompensá kada persona di akuerdo ku nan [deseonan] i akshonnan sinsero.”¹⁸
Si bo no a keda fiel na e kombenionan di tèmpel, tin speransa? Si! E evangelio di JesuCristo ta e evangelio di speransa. E speransa ei ta bini pa medio di JesuCristo ku sinsero arepentimentu i sigui obedientemente e enseñansanan di Cristo. Mi a mira personanan kometé fayonan grave, kibrando kombenionan sagrado. Regularmente, mi ta mira esnan ku sinseramente repentí, wòrdu pordoná, i regresá na e kaminda di kombenio. Si bo a kibra bo kombenionan di tèmpel, mi ta urgi bo pa bira na JesuCristo, konsulta ku bo obispu, repentí, i habri bo alma na e poderoso poder sanadó disponibel pa motibu di e ekspiashon di JesuCristo.

Rumannan, nos Tata Selestial stimá a duna nos kombenionan pa asina nos por tin akseso na tur loke E tin wardá pa nos. E bendishonnan sagrado di Dios aki ta mas delisioso ku kualke fruta terenal. Nan por wòrdu preservá pa nos pa semper, birando fruta ku ta permanesé, ora nos ta fiel na nos kombenionan di tèmpel.

Mi ta testifiká ku Dios a restorá e outoridat pa uni riba tera i den shelu. E outoridat ei ta hañ’é den E Iglesia di JesuCristo di e Santunan di e Delaster Dianan. E ta kargá pa e Promé Presidensia i e Quorum di e Diesdos i e ta ehekutá bou di e direkshon di Presidente Russell M. Nelson. Esnan ku drenta den e nobo i sempiterno kombenio di matrimonio i warda e kombenionan ei por wòrdu perfekshoná i eventualmente risibí e totalidat di e gloria di e Tata, a pesar di e sirkunstansianan for di nan kontròl¹⁹

E bendishonnan primintí aki pertenesiente na nos kombenionan por wòrdu seyá riba nos pa e Spiritu Santu di Promesa i bira “fruta ku ta permanesé” pa semper i semper. Mi ta tèstifiká den nòmber di JesuCristo, amèn.