Uniendo e Dos Mandamentunan Mas Grandi
Nos abilidat pa sigui JesuCristo ta dependé di nos forsa i poder pa biba e promé i e di dos mandamentunan ku balansa i igual deboshon na tur dos.
Introdukshon
Miéntras mi kasá, Lesa, i ami ta biaha rònt mundu den asignashon, nos ta gosa di e privilegio di topa ku boso den kongregashonnan grandi i chikitu. Boso deboshon na e trabou di Señor ta animá i sostené nos i ta para komo un testimonio di e evangelio di JesuCristo. Nos ta regresá kas di kada biahe puntrando nos mes si posiblemente nos a duna mes tantu manera nos a risibí.
Ora bo ta biaha, nos tin poko oportunidat pa keiru. Sinembargo, ora ta posibel, mi ta pasa algun momentu den mi pashon partikular. Mi ta interesá den arkitektura i diseño, i un fasinashon spesial pa brùgnan. Brùgnan di suspenshon ta maraviá mi. Sea ta e Rainbow Bridge na Tokyo, e Tsing Ma Bridge na Hong Kong, e Tower Bridge na London, òf otronan ku mi a mira, mi maraviyá na e genio di ingenieria ku a konstruí den e strukturanan kompliká akí. Brùgnan ta hiba nos na lugánan ku di otro manera nos no por a bai. (Promé mi kontinuá mi a nota ku for di e mensahe aki a wòrdu prepá un aksidente trágiko a sosodé na Baltimore. Nos ta lamentá e pèrdida bida i ta ofresé nos kondolensia na famianan afektá.
Un Brùg di Suspenshon Magnífiko
Resientemente, un asignashon di konferensia a hiba mi na California, kaminda un biaha mas mi a krusa e Golden Gate Bridge ikoniko, regardá komo un di e milagernan di ingeneria di e mundu. E struktura monumental ta E tin un forma bunita, un propósito funshonal i un ingenieria maravioso. Ta trata di un brùg di suspenshon klásiko ku torennan manera kosnan di wanta di buki, sostené pa pilarnan masivo. E dos torennan kolosal ohochi ku ta karga peso i ta eleva riba laman tabata e promé elemento ku a ser konstruí. Huntu nan ta karga e peso di e kabelnan di suspenshon prinsipal i e kabelnan di suspenshon vertikal, ku ta sostené e kaminda abou. E kapasidat di stabilidat ekstraordinario—e poder di e torennan—ta e magia tras di e ingenieria di e brùg.
Golden Gate District Brùg
E promé imágen di konstrukshon di e brùg ta duna testimonio di e prinsipio di ingenieria akí. Tur elemento di e brug ta haña sosten di e torennan simétriko, ku tur dos ta konektá ku otro.
Getty Images/Underwood Archives
Ora nan ta kompletá, e dos toren ku ta keda firme na nan lugá, i e pilarnan ankrá den un fundeshi di piedra, ta un imágen di forsa i bunitesa.
Awe mi ta invitá boso pa wak e brùg imponente aki—ku su torennan haltu konstruí riba un fundeshi fuerte—dor di un lèns di evangelio.
Na final di e ministerio di JesuCristo, durante loke awor nos ta yama Semana Santa, un Fariseo ku tabata un abogado 1 a hasi e Salbador un pregunta ku e tabata sa ku lo ta kasi imposibel pa kontestá:2 “Maestro, kua ta e mandamentu di mas grandi den lei?” E abogado, “tentand’e” i tabata buska un kontesta legal, aparentemente ku intenshon engañoso, a risibí un kontesta genuino, sagrado, divino.
“Jesus a bis’é, Lo bo stima Señor bo Dios, ku henter bo kurason, i ku henter bo alma i ku henter bo mente.
“Esei ta e prome i e mandamentu mas importante.” Skuchando e analogia di nos brug, e prome toren!
“Ma e di dos mandamentu ta mes importante: ‘Stima bo próhimo manera bo ta stima bo mes.” Esaki ta e di dos toren!
“Henter e siñansa di e profetanan ta dependé di e dos mandamentunan akí.” 3 E elementonan ku a keda di e brug!
Laga nos por analisá kada un di e dos mandamentunan grandi, revelá i resitá den e kontesta di JesuCristo. Miéntras nos ta hasi esei, laga e imágen di e brùg di suspenshon grandioso resoná den bo bista mental.
Stima Señor
E promé, ta stima Señor ku henter bo kurason, alma i mente.
Den e kontesta aki, JesuCristo a abreviá e esensia di e lei ku ta forma parti di e siñansanan sagrado di e Tèstamènt Bieu. Pa stima Señor, ta sentra promé riba bo kurason—bo naturalesa mes. Señor ta pidi bo pa stima ku henter bo alma4—ku henter bo ser dediká— i finalmente, pa stima ku henter bo mente—bo inteligensia i intelekto. Amor pa Dios no ta limitá ni tin un fin. E ta infinito i eterno.
Pa ami, aplikashon di e promé mandamentu grandi tin biaha por parse apstrakto, asta desanimador. Gradesidamente, ora mi konsiderá mas ayá e palabranan ku Jesus, e mandamentu aki ta bira hopi mas komprendibel: “Si boso ta stima mi, warda mi mandamentunan.”5 Esaki mi por hasi. Mi por stima Tata Selestial i JesuCristo, loke ta hiba mi na orashon, estudio di skritura i adorashon den tèmpel. Nos ta stima e Tata i e Yu dor di paga diesmo, tene santu e dia di Sabat sagrado, biba un bida ku ta virtutoso i kasto, i ta obediente.
Stimando Señor hopi biaha ta midí den aktonan chikitu di tur dia, pasonan riba e kaminda di e kombenio: pa hóbennan, usa medionan sosial pa edifiká en bes di derotá; sali for di e fiesta, pelíkula, òf aktividat kaminda e normanan por wòrdu desafiá; mustra rèspèt pa kosnan sagrado.
Konsiderá eehèmpel. tierno Tabata djadumingu di ayuno ora Vance6i ami a bati na porta di un kas chikitu i humilde, Nos i otro diakónonan di e quorum a bin pa spera e palabranan, “Por fabor drenta paden,” gritá kalurosamente ku aksento Aleman fuerte sufisientemente duru pa tende dor di e porta. Hermana Nuellar tabata un di e hopi imigrantenanviuda den e bario. E no por a kontestá e porta hopi fásil, pasó e tabata siegu. Kanando den su kas ku poko lus, el a saludá nos ku preguntanan amabel: Kiko ta boso nòmbernan? “Kon bo ta ku boso?” Boso ta Stima Señor? Nos a kontestá i a kompartí ku nos a bin pa risibí su ofrensa di ayuno. Asta na nos edat yòn, su sirkunstansia pober tabata realmente aparente, i kontest yen di fe tabata profundamente konmovedor: “Mi a pone un depchi riba e mesa for di tempran awe naibra. pa ofresé mi ofrenda di ayuno.pa nos Salbador, JesuCristo. Boso por ta asina amabel pa pon’é den un envelòp i yena mi resibu di ofrenda di ayuno?” Su amor pa Señor a lanta nos fe kada biaha ku nos a lag’é na kas
Rei Benjamin a primintí poder remarkabel na esnan ku sigui e promé mandamentu di mas grandi. “Mi ta deseá pa boso por kontemplá, riba e estado bendishoná i felis di esnan ku ta warda e mandamentunan di Dios. … Nan ta wòrdu bendishoná den tur kos, … i si nan keda fiel te na fin nan ta wòrdu risibí den shelu … den un estado di felisidat sin fin.”7
Amor pa Señor ta hiba na felisidat eterno!
Stima Bo Próhimo
E ora ei Jesus a bisa, “I e di dos ta igual ku e promé, Boso lo stima boso próhimo manera bo mes.”8 Esaki ta e di dos toren di e brùg.
Aki Jesus ta konektá nos bista selestial, pa stima Señor, ku nos bista terenal, pa stima nos próhimonan hòmber i muhé. Un ta interdependiente di e otro. Amor pa Señor no ta kompleto si nos neglishá nos próhimo. E amor aki ta inkluí tur yu di Dios sin konsiderashon di sekso, klase sosial, rasa, seksualidat, entrada, edat òf etnisidat. Nos ta buska esnan ku ta heridá i kibrá, esnan marginalisá, pasobra “tur ta igual dilanti Dios.”9 Nos ta”sokore e debil, hisa e mannan ku ta kologá, i fortalesé e rudianan debil.”10
Konsiderá e ehèmpel aki: Hermano Evans11a keda sorprendí ora el a haña impreshon pa para su outo i bati na un porta di un famia ku e no tabata konosé. Ora un biuda, mama di 10 yu a habri porta, nan situashon difísil i gran nesesidatnan grandi a bira aparente mesora p’e. E promé tabata simpel, fèrf pa nan kas, ku a wòrdu siguí despues pa hopi aña di servisio temporal i spiritual ministrando na e famia aki.
E mama agradesido aki despues a skirbi di su amigu mandá for di shelu: “Bo a pasa bo bida tratando di yuda e personanan mas chikitu entre nos. Kon lo mi ke tende kiko Señor tin di bisa bo ora E ta ekspresá Su apresio pa e bon ku bo a hasi finansieramente i spiritualmente, pa e hendenan ku solamente abo i E lo konosé i sa di dje. Danki pa bendishoná nos di tantu manera, pa e misioneronan ku bo a proveé. Hopi biaha mi ta puntra mi mes si Señor a skohe abo eksklusivamente òf si abo tabata djis esun ku a skucha.”
Pa stima bo próhimo, bo mester hasi kosnan di bondat i servisio manera Cristo a hasi. Bo laga renkor lòs, pordoná enemigunan, aseptá i sirbi bo bisiñanan, i yuda hende di edat? Boso tur lo haña inspirashon ora boso ta konstruí boso toren di amor pa próhimo.
President Russell M. Nelson a siña: “Dunando yudansa na otronan— hasiendo un esfuerso konsiente pa kuida otro mes tantu òf mas ku nos ta kuida nos mes— ta nos goso. Spesialmente … ora no ta kumbiniente i ora e ta saka boso for di nos zona di komodidat. Bibando e di dos mandamentu grandi ta e yabi pa bira un disípulo bèrdadero di JesuCristo.”12
Un Interdependensia
Ademas Jesus a siña, “Henter e siñansa di e profetanan ta dependé di e dos mandamentunan aki.”13 Esaki ta masha instruktivo. Tin un interdependensia importante entre stima Señor i stima otro. Pa e Golden Gate Bridge por a kumpli ku su funshon, ambos toren mester ta igual fuerte i por soportá e peso di e kabelnan di suspenshon, e kaminda i e tráfiko ku ta krusa e brug. Sin e simetría aki, e brùg por keda kompromití, asta e por kai. Pa kualke brùg di suspenshon por hasi loke e tabata destiná pa hasi, e torennan mester funshoná huntu den un harmonia kompleto. Meskos, nos abilidat pa sigui JesuCristo ta dependé di nos forsa pa biba e promé i e di dos mandamentunan ku balansá i igual deboshon na tur dos.
E konflikto kresiente den mundu ta indiká sinembargo, sinembargo, ku tin bia nos ta faya di mira òf kòrda esaki. Tin hende ta asina enfoká riba kumpli ku e mandamentunan ku nan ta mustra tiki toleransia pa esnan ku nan ta konsiderá ménos hustu. Algun hende ta haña ku ta difísil pa stima esnan ku ta skohe pa biba nan bida sin e kombenio òf asta sin tin parti den ningun religion.
Ademas, tin hende ku ta enfatisá e importansia di stima otro hende sin rekonosé ku nos tur ta responsabel na Dios. Algun hende ta rechasá kompletamente ku tin un kos manera bèrdat apsoluto, òf bon i malu, i ta kere ku e úniko kos ku ta rekerí di nos ta toleransia kompleto i aseptashon di e eskoho di otronan. Ambos di e desekilibrionan aki por hasi ku bo brùg spiritual ta inkliná òf asta kai.
Presidente Dallin H. Oaks a deskribí esaki ora el a bisa: “Nos ta haña e mandamentu pa stima tur hende, ya ku e parábola di Jesus di e bon samaritano ta siña nos ku tur hende ta nos próhimo. Pero nos ferbor pa warda e di dos mandamentu no mester laga nos lubidá e promé, pa stima Dios ku henter nos kurason, alma, i mente.”14
Konklushon
Pues e pregunta pa kada un di nos ta, Kon nos ta konstruí nos propio brùg di fe i dedikashon—ehekutando brùgnan haltu di amor pa Dios i amor pa nos próhimo? Pues, nos a kaba di kuminsá. Nos esfuersonan inisial por ta manera un plan riba e parti patras di un servisio òf un plan di e brùg ku nos ta spera di konstruí. E por konsistí di algun meta realista pa buska pa komprondé e evangelio di Señor mas òf pa hasi un promesa pa husga otronan ménos. Ningun hende ta muchu hóben òf muchu bieu pa kuminsá.
Ku tempu, ku orashon i ku un planifikashon bon pensá, ideanan gròf ta keda refiná. Akshonnan nobo ta bira kustumber. E esfuersonan di e promé diseñonan ta bira plannan di konstrukshon bon prepará. Nos ta konstruí nos propio brùg spiritual ku nos kurason i mente dediká na nos Tata Selestial i Su Yu Unigénito, i tambe na nos rumannan ku nos ta traha, hunga i biba huntu kuné.
Den e dianan ku ta bin, ora bo pasa riba un brùg di suspenshon grandioso òf asta ora bo mira un pintura ku su torennan haltu, mi ta invitá bo pa kòrda e dos mandamentunan grandi, deskribí pa JesuCristo den Tèstamènt Nobo. Laga pa e instrukshonnan di Señor inspirá nos. Ku nos kurason i mente por elevá, pa stima Señor i bira pa eksterior, pa stima nos próhimo.
Ku esaki fortalesé nos fe den JesuCristo i Su Ekspiashon, di kua mi ta testifiká, den nòmber di JesuCristo, amen.