Konfiansa den Kombenio pa medio di JesuCristo
Ora nos drenta kas di Señor, nos ta embarká riba un biahe sagrado di siña pa bira disípulonan di Cristo mas halsá i santu.
Mi rumannan stimá, mi ta pidi ku nos por ta renobá spiritualmente pa e mensahenan inspirá di nos lidernan e wikènt aki i regosihá den loke mi gusta yama “konfiansa di kombenio pa medio di JesuCristo.” E konfiansa aki ta e siguransa ketu pero sigur di e bendishonnan ku Dios Su promesanan pa esnan ku ta warda nan kombenionan i ta masha nesesario durante e sirkunstansianan desafiante di nos tempu.
E konstrukshon di kasnan nobo di Señor rònt mundu, bou di e liderasgo inspirá di Presidente Russell M. Nelson a kousa gran regosiho entre e miemronan di Iglesia i ta sirbi manera un símbolo importante di e ekspanshon di Señor Su reino.
Reflekshonando riba mi eksperensia sumamente inspiradó na e dedikashon di e Tèmpel di Feather River California òktober ku a pasa, mi a puntra mi mes si tin bia nos ta pèrdè den e entusiasmo di tin tèmpelnan nobo den nos siudatnan i komunidatnan i neglishá e propósito di e kombenionan sagrado hasi den tèmpel.
Grabá dilanti riba kada tèmpel tin un deklarashon sòlèm: “Konsagrá na Señor.”1 E palabranan inspirá aki ta un invitashon kla ku ora nos drenta kas di Señor, nos ta embarká riba un biahe sagrado di siña pa bira disípulonan di Cristo mas halsá i santu. Miéntras nos ta hasiendo kombenionan den santidat dilanti Dios i komprometé pa sigui e Salbador, nos ta risibí e poder pa kambia nos kurasonnan, renobá nos spiritu, i profundisá nos relashon ku n‘E. Un esfuerso asina ta trese santifikashon pa nos alma i ta forma un union sagrado ku Dios i ku JesuCristo, ku a primintí ku nos por heredá e regalo di bida eterno.2 E resultado di e biahe sagrado aki ta ku nos ta haña un konfiansa mas sagrado i mas grandi pa nos bida di tur dia den nos kombenionan ku nos a hasi pa medio di JesuCristo.
E konfiansa ei ta e punto mas haltu di nos konekshon ku Dios i por yuda nos oumentá nos debpshon i nos gratitut pa JesuCristo i Su sakrifisio ekspiatorio. E ta fortalesé nos abilidat pa stima i sirbi otronan, i ta fortalesé nos alma pa biba den un mundu impuru ku ta bira kada bes mas skur i desanimador. E ta duna nos e forsa pa vense e simia di duda i desesperashon, miedu i frustrashon, doló di kurason i falta di speransa ku e enemigu ta trata di planta profundamente den nos kurason, spesialmente ora bida ta duru, prueba ta largu, òf sirkunstansianan ta difísil. Un versíkulo di Beibel ta ofresé bon konseho pa kada un di nos, miéntras nos ta enfrentá e bientu fuerte di e desafionan di mundu di awendia:“Pues no pèrdè konfiansa.”3
Rumannan stimá, esnan ku ta haña konfiansa hasí den e kas di Señor pa medio di JesuCristo ta poseé un di e forsanan di mas poderoso ku nos por tin akseso na dje den e bida aki.
Ora nos bin ta studia e Buki di Mormon den Bini Sigiui Mi e aña aki, nos a mira kon Nefi a duna ehèmpel bunita di e poder di e tipo di konfiansa di e kombenio dor di su fieldat ora el a enfrentá problemanan i retonan, manera haña e plachinan manera Señor a manda. Nefi, apesar di tabata sumamente tristu pa motibu di e miedu i falta di fe di Laman i Lemuel, a keda determináku Señor lo a entregá e plachinan na nan. El a bisa su rumannan: Manera Señor ta bibu, i manera nos ta bibu, nos no ta baha na nos tata den e desierto te ora nos kumpli e kos ku Señor a manda nos.”4 Debí na Nefi su konfiansa den e promesanan di Señor, el a eksperensiá un milager i a logra kumpli ku loke a mand’é hasi.5 Despues, den su vishon, Nefi a mira e influensia di e tipo di konfiansa aki, skirbiendo, “Yo, Nefi, vi que el poder del Cordero de Dios descendió sobre los santos de la iglesia del Cordero y sobre el pueblo del convenio del Señor, que se hallaban dispersados sobre toda la superficie de la tierra; y tenían por armas su rectitud y el poder de Dios en gran gloria.”6
Mi a mira ku mi mes wowo e promesanan amoroso i poder di Señor drenta den bida di e yunan di Dios, fortalesé nan pa enfrentá e sirkunstansianan di bida. Un dia mi kasá a yega kas despues di su adorashon na tèmpel i a bisa mi kon profundamente konmoví e tabata pa loke el a eksperensiá ayanan. Ora el a drenta e kas di Señor, el a mira un hòmber den un ròlstul ku tabata move masha poko poko i un muhé ku tabata kana ku hopi difikultat usando un garoti, tur dos ku kurashi tabata bini pa adorá Señor den Su kas. Ora mi esposa a drenta e área di inisiashon, el a mira un hermana amabel kende tabata falta un brasa—i tabatin solamente parti di un otro brasa—ku tabata ehekutá tur tarea ku nan a dun’é na un manera bunita i selestial.
Ora mi esposa i ami tabata papia tokante e eksperensia ei, nos a yega na e konklushon ku solamente konfiansa puro i sinsero den e promesanan eterno ku Dios ta proveé pa medio di e kombenionan santu hasí ku n‘E den Su kas por a pone e maravioso disípulonan aki di Cristo sali nan kas riba e dia friu ei, apesar di nan sirkunstansianan personal.
Mi rumannan stimá, si tin un kos ku nos por tin—i un kos ku nos por pasa pa nos yunan i nietonan ku lo yuda kada un den e pruebanan i desafionan ku tin dilanti—lo ta konfiansa den e kombenionan ku a wòrdu hasí pa medio di JesuCristo. E poseshon dibino aki lo yuda nan biba manera Señor a primintí Su siguidónan fiel: “Mis discípulos estarán en lugares santos y no serán movidos.”7
Kon nos ta logra e konfiansa aki pa medio di JesuCristo? E ta bini pa medio di humildat, sentrando nos bida riba e Salbador, biba e prinsipionan di e evangelio di JesuCristo, risibendo e ordenansanan di salbashon i eksaltashon, i honrando e kombenionan ku nos a hasi ku Dios den Su kas santu.
Den su remarkenan di klousura di konferensia general di òktober 2019, nos profeta stimá a kòrda nos tokante un paso importante den logra konfiansa di kombenio, bisando: “Dignidat individual pa drenta Señor Su kas, ta rekerí hopi preparashon spiritual individual. … Dignidat individual ta rekerí un kombershon total di mente i kurason pa ta mas manera Señor, pa ta un suidadano honesto pa ta un ehèmpel , i pa ta un persona mihó.”8 P’esei, si nos kambia nos preparashon pa drenta tèmpel, nos lo kambia nos eksperensia den tèmpel, ku lo kambia nos bida pafó di tèmpel. “Entonces tu confianza se fortalecerá en la presencia de Dios; y la doctrina del sacerdocio destilará sobre tu alma como rocío del cielo.”8
Un obispu ku mi konosé ta referí na e klas di mucha mas grandi di Primaria no komo un klas di “Primaria” pero un klas pa “preparashon pa tèmpel”. Na yanüari e obispo a laga e miembronan di e klas i nan maestronan bin na su ofisina, kaminda nan a papia tokante kon nan lo pasa henter aña preparando nan mes pa drenta tèmpel. E obispo ta tuma tempo pa pasa dor di e preguntanan di entrevista ku ta aplikabel pa e tèmpel, ku ta wòrdu inkluí den nan lèsnan di Primaria. E ta invitá e muchanan pa prepará nan mes pa ora nan yega na e ofisina di obispo den un aña, nan tin konfiansa, konfia den e kombenio, kla pa risibí un rekomendashon pa tèmpel i drenta e kas di Señor. E aña aki e obispo tabatin kuater mucha muhé chikitu ku tabata asina entusiasmá, prepará i konfiá pa bai tèmpel ku nan tabata ke pa e obispo imprimí nan rekomendashonnan Dia di Aña Nobo pa 12:01 or di mainta.
E preparashon no ta solamente pa esnan ku ta bai tèmpel pa promé biaha. Nos tur mester ta preparando perpetuamente pa bai den e kas di Señor. Un estaka ku mi konosé a adopta e lema: “Sentrá den hogar, sostené pa glesia i ligá na tèmpel”. Ligá10 ta un palabra interesante pasobra e ta nifiká enfoká riba un direkshon, pero e ta nifiká tambe mará na òf sigurá pa, resolvé, i determiná, sigur. P’esei, ligá na e tèmpel ta sigurá nos na e Salbador, dunando nos bon direkshon i stabilidat miéntras ta sigurá nos ku nos tin konfiansa di kombenio pa medio di JesuCristo. P’esei, nos tur mester mehorá intenshonalmente e vinkulashon ei dor di programá nos siguiente sita ku Señor den Su kas santu, sea e tèmpel ta serka òf leu.11
Nos kerido profeta, Presidente Russell M. Nelson, ta kòrdá nos tokante e prinsipionan vital aki bisando: “E tèmpel ta na e sentro di fortalesé nos fe i fortalesa spiritual pasobra e Salbador i Su doktrina ta e kurason mes di e tèmpel. Tur kos ku wòrdu siñá na nos den e tèmpel, pa medio di instrukshon i pa medio di e Espiritu, ta alsa nos entendimentu di JesuCristo. Su ordenansanan esensial ta uni nos na DjE pa medio di e kombenionan sagrado di e saserdosio. Miéntras nos ta warda su kombenionan, E ta investí nos ku Su poder di sanashon i fortalesa.” I oh, kon nos lo bai tin mester di Su poder den e dianan ku ta bini.”12
E Salbador ta deseá pa nos prepará nos mes pa komprondé, ku hopi klaridat, eksaktamente kon nos mester aktua ora nos ta hasi kombenionan ku nos Tata Selestial den Su nòmber. E ke pa nos ta prepará pa eksperensiá nos privilegionan, promesanan i responsabilidatnan; pa nos ta prepará pa tin e komprondementu i e spièrtamentu spiritual ku nos mester den e bida akí. Mi sa ku ora Señor mira asta un tiki deseo òf un tiki esfuerso hustu den nos disposishon pa sentra nos bida riba djE, i riba e ordenansanan i kombenionan ku nos ta hasi den Su kas, E lo bendishoná nos, na Su manera perfekto, ku e milagernan i e miserikòrdia tierno ku nos mester.
E kas di Señor ta kaminda nos por ta transformá den manera mas haltu i santu. P’esei, ora nos sali for di e tèmpel, transformá dor di nos speransa den e promesanan di e kombenionan, armá ku poder for di shelu, nos ta hiba e tèmpel ku nos den nos hogarnan i nos bida. Mi ta sigurá bo ku pa tin e Spiritu di Señor Su kas den nos ta kambia nos, kompletamente.
Nos sa tambe for di e tèmpel ku si nos ke pa Spiritu di Señor ta sin restrikshon den nos bida, nos simplemente no por i no mester tin sentimentunan desagradabel pa niun hende. Si nos duna lugá den nos kurason òf mente pa sintimentunan of pensamentunan ku no ta bondadoso, lo produsí palabranan i aktonan ku no ta bondadoso, sea riba retnan sosial òf den nos hogar, hasiendo ku e Spiritu di Señor ta retirá for di nos kurasonnan. P’esei, por fabor, no kita bo konfiansa, sino laga bo konfiansa bira mas fuerte.
E konstrukshon aktual i aselerá di tèmpel lo sigui pa eksitá, inspirá, i bendishoná nos. Sinembargo mas importante, ora nos kambia nos preparashon pa drenta tèmpel, nos lo kambia nos eksperensia den e tèmpel, kual lo transformá nos bida pafó di tèmpel. Ku e transformashon aki yena nos ku konfdiansa den nos kombenionan sagrado hasí ku Dios pa medio di JesuCristo. Dios ta biba, Jesus ta nos Salbador, i esaki ta Su Iglesia restorá na mundu. Ku reverensia mi ta tèstifiká di e bèrdatnan aki den e nòmber sagrado di nos Salbador JesuCristo, amèn.