JesuCristo na e Sentro di Nos Bida

Pa Elder Jose L. Alonso

Di e Setenta

E preguntanan profundo di e alma, esnan ku ta sali den nos oranan di mas skur, ta dirigí pa medio di e amor inkondishonal di JesuCristo.

Manera nos biahe atrabes di mortalidat, tin biaha nos ta persiguí pa tribulashonnan: e doló severo di e pèrdida di sernan kerí, e lucha arduo kontra malesanan, e hinká di inhustisia, e eksperensianan desgaradó di akoso òf abusu, e sombra di desempleo, tribulashonnan familiar, e gritu di silensioso di soledat, òf e konsekuensianan desgaradó di e konfliktonan armá.¹ Den e momentunan ei, nos almanan ta anhelá pa refugio.² Nos ta buska sinseramente pa sa: Unda nos por haña e bálsamo di pas?³ Den ken nos por despositá nos konfiansa pa yuda nos ku e konfiansa i forsa pa surpasá e desafíonan aki?⁴ Ken ta poseé e pasenshi, amor apsoluto, i e man omnipotente pa hisa i sostené nos?

E preguntanan profundo di e alma, esnan ku ta sali den nos oranan di mas skur, ta dirigí pa medio di e amor inkondishonal di JesuCristo.⁵ Den djE, i pa medio di e bendishonnan primintí di Su evangelio restorá, ⁶ nos por haña e kontestanan ku nos ta buska. Ta pa medio di Su Ekspiashon infinito ku ta ofresé na nos un regalo sin medida—un regalo di speransa, sanashon, i e garantia di Su presensia konstante i duradero den nos bida. E regalo aki ta disponibel pa tur esnan ku ta buska ku fe, enkurashando e pas i redenshon ku E ta ofresé libremente.

Señor ta ekstendé Su man pa kada un di nos, un gesto ku ta e esensia mes di Su amor i amabilidat dibino. Su invitashon na nos ta trasendé un yamada simpel; un ruego dibino, reforsá pa e poder duradero di Su grasia. Den e skrituranan, El a sigurá nos ku amor:

“Bini serka Mi, tur ku ta kansá i kargá, i Ami lo duna boso sosiegu.”

“Tuma mi yugo riba bo, i siña di Mi; Pasó mi ta mansu i humilde di kurason: i lo bo haña deskanso pa bo alma.

“Pasó mi yugo ta suave, i mi karga ta lihé.”⁸

E klaridat di Su invitashon “Bini serka ami” i “Tuma mi yugo” tin e naturalesa profundo di Su promesa—un promesa asina grandi i kompletu ku e ta enserá Su amor, ofresiendo nos un garantia solèm: “Boso lo haña sosiegu.”

Ora nos ta buska guia spiritual ku diligensia,⁹ nos ta barka riba un odisea profundamente transformativo ku ta fortalesé nos testimonio. Komprondiendo e inmensidat di e amor perfekto di nos Tata Selestial i JesuCristo Su amor perfekto,¹⁰ nos kurasonnan ta yená ku gratitut, humildat,¹¹ i un deseo renobá pa buska e kaminda di disipulado.¹²

Presidente Russell M. Nelson a siñá, “ora e enfoke di nos bida ta riba Dios Su plan di salbashon … i JesuCristo i Su evangelio, nos por sinti e alegria sin importá kiko ta pasando—òf kiko no ta pasando—den nos bida. Felisidat ta bin di i dor di djE.”¹³

Alma, papiando ku su yu hòmber Helaman, a deklará: “Y ahora bien, ¡oh mi hijo Helamán, he aquí, estás en tu juventud, y te suplico, por tanto, que escuches mis palabras y aprendas de mí; porque sé que quienes pongan su confianza en Dios serán sostenidos en sus tribulaciones, y sus dificultades y aflicciones, y serán enaltecidos en el postrer día.”¹⁴

Helaman, papiando ku su yunan hòmber, a siña tokante e prinsipio eterno aki di pone e Salbador na e sentro di nos bida: “Recordad, Recordad que es sobre la roca de nuestro Redentor, el cual es Cristo, el Hijo de Dios, donde debéis establecer vuestro fundamento.”¹⁵

Den Mateo 14 nos ta siña ku despues di skucha di morto di Juan Boutista, Jesus a buska soledat. Sinembargo, un multitut grandi a siguiÉ. Moví pa kompashon i amor, i no a pèrmití pa Su aflikshon distra E for di Su mishon, Jesus a yama nan bonbiní, sanando esnan malu entre nan. Ora anochi a yega, e disípulonan a enfrentá un reto grandi: un multitut di hende ku poko kuminda disponibel. Nan a proponé pa Jesus manda e multitut bai buska kuminda, pero Jesus, ku hopi amor i ku hopi ekspektativa, a pidi Su disípulonan pa na lugá di esei duna nan kuminda.

Miéntras e disípulonan tabata prekupá ku e reto inmediato, Jesus a demonstrá Su konfiansa den i amor pa Su Tata, huntu ku un amor inkondishonal pa e pueblo. El a pidi e multitut pa sinta riba yerba, i ku solamente sinku pan i dos piská, El a skohe pa gradisí Su Tata, rekonosiendo e provishon di Dios riba Su outoridat i poder.

Despues ku El a duna danki, Jesus a kibra e pan, i e disípulonan a partié na e pueblo. Milagrosamente, e kuminda no tabata solamente sufisiente pero tabata abundante, ku 12 makutu di loke a sobra. E grupo ku wòrdu a alimentá tabata inkluí sinku mil hòmber, huntu ku muhé i mucha.¹⁶

E milager aki ta siña un lès profundo: ora nos ta konfrontá ku retonan, ta fásil pa bira apsorbé den nos difikultatnan. Sinembargo, JesuCristo a duna ehèmpel di e poder di enfoká riba Su Tata, ofresiendo gratitut, i rekonosé ku solushonnan na nos pruebanan no semper ta den nos mes, pero ku Dios.¹⁷

Ora nos ta enkontrá difikultatnan, naturalmente nos ta konsentrá riba e opstákulonan ku nos ta enfrentá. Nos desafionan ta palpabel i ta demandá nos atenshon, sinembargo e prinsipio pa surpasá nan ta den nos enfoke. Dor di pone Cristo na e sentro di nos pensamentunan i aktonan, nos ta aliniá nos mes ku Su punto di bista i forsa.¹⁸ E adaptashon akí no ta kita importansia di nos lucha; enbes di esei, e ta yuda nos pasa dor di nan bou di guia dibino Komo resultado, nos ta deskubrí solushonnan i apoyo ku ta lanta for di un sabiduria mas haltu. Adoptando e perspektiva sentrá na Cristo aki ta empoderá nos ku e kurashi i komprondementu pa kambia nos prueba den viktoria,²⁰ rekòrdando nos ku huntu ku e Salbador, loke ta parse un problema grandi por bira un kaminda pa un progreso spiritual mas grandi.

E historia di Alma Hijo den e Buki di Mormon ta presentá un relato konvinsente di redenshon i e impakto profundo di sentra un bida rònt di Cristo. Na kuminsamentu, Alma tabata un oponente di Iglesia di Señor i a desviá hopi hende for di e kaminda di rektitut. Sinembargo, un intervenshon dibino, marká dor di un bishita di angel, a spièrt‘é for di su maldatnan.

Den su ora mas skur, tormentá pa kulpa i desesperá pa haña un salida for di su angustia spiritual, Alma a kòrda e siñansanan di su tata tokante JesuCristo i e poder di Su Ekspiashon. Ku un kurason ku tabata anhelá di haña salbashon, el a arepentí sinseramente i a supliká Señor fervientemente pa su mizerikòrdia. E momento krusial aki di entrega kompletu, poniendo Cristo na promé lugá di su pensamentunan ora Alma tabata buskando Su mizerikòrdia sinseramante, a aktivá un transformashon remarkabel. E kadenanan pisá di kulpa i desesperashon a disparsé i a wòrdu remplasá pa un sensashon abrumadó di goso i pas.²¹

JesuCristo ta nos speransa i e kontesta na dolónan mas grandi di bida. Pa medio di Su sakrifisio, El a paga pa nos pikánan i a tuma riba Su Mes tur nos sufrimentu—doló, inhustisia, tristesa, i miedu—i E ta pordoná i sana nos ora nos konfia den djE i buska pa kambia nos bida pa mihó. E ta nos sanadó,²² konsolando i drechando nos kurason pa medio di Su amor i poder, meskos ku El a sana hopi durante Su tempu na tera.²³ E ta e awa bibu, ku ta kumpli ku e nesesidatnan mas profundo di nos alma ku Su amor i bondat konstante. Esaki ta manera e promesa ku El a hasi na e muhé samaritano na e pos, ofresiendo “un pos di awa ku ta brota den bida eterno.”²⁴

Mi ta duna mi testimonio solèm ku JesuCristo ta biaa, ku E ta presidír riba esaki, Su Iglesia sagrado, E Iglesia di JesuCristo di e Santunan di e Delaster Dianan.²⁵ Mi ta testifiká ku E ta e Salbador di e mundu, e Prens di Pas,²⁶e Rei di reinan, e Señor riba tur señor,²⁷e Redentor di e mundu. Mi ta konfirmá ku siguransa ku nos ta semper presente den Su pensamentu i kurason. Komo prueba di esaki, El a restorá Su Iglesia den e delaster dianan aki i a yama Presidente Russell M. Nelson komo Su profeta i Presidente di Iglesia na e tempu aki.²⁸ Mi sa ku JesuCristo a duna Su bida pa nos por tin bida eterno.

Ora nos hasi esfuerso pa pone E na e sentro di nos bida, revelashonnan ta habri pa nos, Su pas profundo ta ebolbí nos, i Su Ekspiashon infinito ta trese pordon i sanashon.²⁹ Ta den djE nos ta deskubrí e forsa pa vense, e kurashi pa perseverá, i e pas ku ta surpasá tur komprendementu. Ku nos por hasi esfuerso kada dia pa yega mas serka di djE, e fuente di tur bon,³⁰ e pilá di speransa den nos biahe di regreso na e presensia di nos Tata Selestial. Den e nòmber sagrado di JesuCristo, amèn.