Tèmpelnan, Kasnan di Señor Rònt Mundu

Dor di Elder Neil L. Andersen

Di e Quorum di e Diesdos Apòstelnan

Ora bo bin na Su kas santu dignamente i den orashon, lo bo wòrdu armá ku Su poder.

Boso no ta gusta e bunita palabranan ku nos a kaba di kanta. “I’ll strengthen thee, help thee, and cause thee to stand, …upheld by my righteous, omnipotent hand.”¹ Señor ya fortalesiendo Su Santunan di tur edat ora na bin na Su kas santu. For di Kinshasa pa Zollikofen pa Fukuoka pa Oakland, e hubentut, riba nan propio inisiativa, ta debordando e boutisterionan Den pasado, mayoria obrero di ordenansa stimá tabatin kabei shinishi—pero ya no mas. Misioneronan yamá, misioneronan sirbiendo, i misioneronan regresá ta na tur skina. Rònt mundu, tin un sentimentu kresiente halando nos mas serka di e kas di Señor.

Algu mas ku un aña pasá, un kerido amigu di famia, di edat di 95 aña, bibando den e parti ost di Merka, kende a wòrdu siñá dor di e misioneronan pa 70 aña, a bisa su yu muhé, “mi ke bai tèmpel ku bo.”

Su yu muhé a kontestá, “Wèl, mama, promé bo mester wòrdu batisá.”

“Oke,” el a kontestá, “e ora ei mi ke wòrdu batisá.” El wòrdu batisá. Algun dia despues, reverentemente el a drenta den e boutisterio di tèmpel. I algu mas ku un luna pasá, el a risibí su propio investidura i seyamentu. El conocimiento de Dios se extiende; el velo del mundo se ve descorrer,”

Bo a puntra bo mes dikon Señor a dirigí Su profeta pa awor yena e mundu ku Su tèmpelnan sagrado?³ Dikon E lo, den e tempu spesífiko akilo duna e prosperidat nesesario na Su pueblo di kombenio ku pa medio di nan diesmo sagrado, sentenares di kasnan di Señor por wòrdu konstruí?

E mainta aki, Presidente Dallin H. Oaks a mustra e oudio visual bunita di e tèmpelnan ku ta den konstrukshon rònt mundu. Kathy i ami resientemente tabata na Filipinas. Pensa di e milager aki; E Tèmpel wòrdu dediká den 1984. E lo ta 26 aña promé ku e di dos tèmpel, na Cebu City a keda kla na 2010. Awor, 14 aña despues, 11 tèmpel ta wòrdu konstruí, diseñá, òf prepará pa dedikashon. Di nòrt pa sûit: Laoag, Tuguegarao, Santiago, Urdaneta, Alabang, Naga, Tacloban City, Iloilo, Bacolod, Cagayan de Oro, i Davao. Ta impresionante pa wak e e obranan maravioso di Dios.

Tèmpelnan na FilipinsdPresidente Hinckley ta Filipinas

Rònt mundu, kasnan di Señor ta yegando mas serka di nos. Dikon den nos tempu?

E Delaster Dianan

Señor a atvertí ku den e delaster dianan, lo bai tin un angustia entre e nashonnan,⁴hendenan lo “ta amante di nan mes,”⁵tur kos [lo] ta den konmoshon,”⁶konfushon lo ta abundante, ⁷i “hòmbernan su kurason [lo] faya nan.”⁸ Nos sigur a mira kurasonnan di hòmbernan i muhénan faya nan, e sedukshon di e mundu, e distraishon di e stèmnan ku ta sedusí, e negligensia di e nutrishon spiritual, e fatiga di e demandanan di e disípulado.⁹ Kisas bo a bira tristu ora ku bo a mira un hende ku bo ta stima, ku un tempu a papia sinseramente di su fe den JesuCristo, dunando testimonio di e Buki di Mormon, i tabata determiná pa yuda konstruí e reino di Dios, move diripente, por lo ménos pa awor, for di su kreensha na banda for di e Iglesia. Mi konseho n’abo ta no desesperá! Tur kos ta bon! Paso ku Dios, nada ta imposibel.¹⁰

Ku e komoshon profetisá aki i e inkredulidat den e mundu, Señor a priminti ku lo bai tin pueblo di kombenio, un pueblo ansiosamente wardando Su regreso; un pueblo ku ta para den sitionan sagrado i no ta wòrdu mové for di nan lugá.¹¹ El a papia di un pueblo di kombenio resisitiendo e flechanan di e atversario, disíplinando nan fe, pensando selestial, i konfiando kompletamente den e Salbador JesuCristo.

Dikon Señor ta tresiendo awor sentenares di tèmpel mas serka nos? Un rason ta ku mei mei di e tumultuo i tentashonnan di e mundu, El a primintí pa fortalesé i bendishoná Su Santunan di kombenio, u Su promesanan ta wòrdu kumplí.

Promesanan di e tèmpel di Kirtland

Kon e kasnan sagrado aki ta fortalesé, konsolá, i protehá nos? Nos ta haña un kontesta den e ruego di e Profeta José Smith den e dedikashon di e Tèmpel di Kirtland. Ta den e tèmpel aki kaminda e Santunan a kanta, “Cantemos. gritemos, con huestes del cielo,”¹² E Salbador Mes a aparesé, i profetanan antiguo a regresá, otorgando e yabinan adishonal di saserdosio di e evangelio restorá.¹³

Na e okashon sagrado ei den e tèmpel di Kirtland, e profeta a resa ku den e kas sagrado di Señor, e Santunan lo ta armá ku e poder di Dios, ku e nòmber di JesuCristo lo ta riba nan, ku Su angelnan lo kuida nan, i ku nan lo krese den Señor i “risibí e plenitut di e Spiritu Santu.”¹⁴ E ruegonan poderoso aki ta kumplí den nos bida ora nos fielmente adorá den e kas di señor.

Harmá ku Poder

Den Su kas, nos ta literalmente investí ku poder selestial.¹⁵ Nos fe den JesuCristo i nos amor p’E ta wòrdu konfirmá i fortifiká. Nos ta spiritualmente sigurá di nos identidat berdadero i e propósito di bida.¹⁶ Si nos ta fiel, nos ta wòrdu bendishoná ku protekshon for di distraishonnan di e tentashonnan. Nos ta sinti nos Salbador Su amor ora E lanta nos di nos difikultatnan i ristesanan. Nos a wòrdu armá ku e poder di Dios.

Su Nòmber riba Nos

Den Su kas Sagrado, nos ta tuma Su nòmber kompletamente riba nos. Ora nos wòru batisá, nos ta profesá nos kreensha den djE i nos boluntat pa warda Su mandamentnan. Den e tèmpel, nos ta primintí reverentemente, ta medio di nos kombenionanpa; siguiE pa semper.

Representashon di e tèmpel di Heber Valley Utah.

E hubentut di e Iglesia aki ta inkreibel. Den un mundu difísil nan ta tuma riba nan mes e nòmber di Cristo. Na Heber City, Utah, un reunion públiko a wòrdu tené pa diskutí e detayenan di un planifikashon pa konstrukshon di un tèmpel. Tresshen hóben a yena e parke na banda pa mustra nan sosten pa e tèmpel proponé. Un hòmber yòn, papiando ku e lidernan di gobièrnu den un foro habrí, a splika ku kurashi, “mi ta spera pa por kasa den e tèmpel aki. [E tèmpel lo yuda] ami pa tene mi mes limpi i puro. Un otro a deskribí e tèmpel komo un símbolo di lus i speransa. Hombres Mujeres i Jovenes di e Iglesia rònt mundu ta demostrando nan deseo pa brasa e nòmber di JesuCristo.¹⁷

Angelnan ku Nos

Den e tèmpel di Kirtland, e Profeta José a resa pa “angelnanlo] tuma kargo riba e [Su Santunan].”¹⁸⁷ Regularmente hasiendo ordenansanan pa nos antepasadonan den e tèmpel ta trese un konfirmashon dushi i sigur ku bida ta sigui mas ayá ku e velo.

Maske hopi di nos eksperensianan den e kas di Señor ta demasiado sagrado pa kompartí públikamente, algun si nos por kompartí. Kuarenta aña pasá, miéntras nos tabata biba na Florida, Kathy i ami a biaha pa e tèmpel di Atlanta, Georgia. Riba djarason anochi, 9 di mei 1984, miéntras ku nos tabata terminando un seshon den e tèmpel, un obrero di ordenansa a aserká mi i a puntra ku si mi tin tempu pa hasi djis un ordenansa inisiatorio preparatorio . E nòmber di e persona ku mi tabata representando tabata inusual. Su nòmber tabata Eleazer Cercy.

E siguiente dia, e tèmpel tabata yen di Santunan. Ora mi tabata preparando pa hasi mi di dos investidura di e dia, mi a haña e nòmber di e persona ku lo mi representá. Pa mi sorpresa, e nòmber tabata e mesun persona di e anochi anterior, Eleazer Cercy. Mi a sinti e Spiritu di Señor ora e investidura a kaba. Despues den trai mèrdia, ainda den tèmpel, Kathy a wak un amiga familiar di mas edat, Hermana Dolly Fernandez, ku ta biba na Atlanta. Sin miembronan maskulino di su famia huntu ku ne, el a puntra si ami por asistí den e seyamentu di su tata na e tata su mayornan. Mi tabata honrá dimes.

Ora ma bai na rudia na fin di e altar pa e ordenansa sagrado, mi a tende atrobe e nòmber ku awor tabata grabá den mi mente, su tata, Eleazer Cercy. Mi ta kompletamente konvensé ku siguiendo e bida aki, lo mi topa i brasa un hòmber konosí den e bida mortal komo, Eleazer Cercy.

Mayoria di nos eksperensianan den e kas di Señor ta trese pas gososo i revelashon silensioso mas ku intervenshon dramatiko. Ta sigurá: angelnan ta kuida nos!

Un Plenitut di e Spiritu Santu.

E don di e Spiritu Santu ta duná na nos ora nos wòrdu konfirmá un miembro di e Iglesia. Kada siman ora nos partisipá dignamente di e pan i awa den memoria di nos Salbador, nos ta wòrdu primintí ku Su Spiritu lo ta semper huntu ku nos.¹⁹⁸ Ora nos bin ku kurason dispuesto na e kas di Señor, e lugá mas sagrado na mundu, nos ta krese den Señor i “risibí e plenitut [mas grandi] di e Spirtu Santu.”²⁰ Pa medio di e poder di e Spiritu Santu, no ta yená ku e pas i goso i speransa ku nos no por ekspresá.²¹ Nos ta risibí e fortalesa pa permanesé Su disípulonan asta ora nos haña nos mes pafó di lugánan santu.

Presidente Russell M. Nelson a deklará: “Nos Salbador i nos Redentor JesuCristo “lo ehekutá algun di Su obranan mas poderoso entre awor i ora ku E bini atrobe. Nos lo mira indikadornan milagrosoku Dios e Tata i Su Yu … JesuCristo … ta presidí riba e Iglesia aki den mahestat i gloria.”²² Yenando e mundu ku kasnan pa Señor ta un obra poderoso i indikadornan milagroso.²³

Mi amigunan stimá, si nos por i ainda no a oumentá nos asistensia na e tèmpel, laga nos regularmenente buska mas tempu pa adorá den e kas di Señor. Laga nos hasi orashon pa e tèmpelnan ku a wòrdu anunsiá, ku propiedatnan por wòrdu kumprá, ku gobièrnunan lo aprobá plannan, ku obreronan talentoso lo mira nan donnan magnifiká, i ku e dedikashonnan sagrado lo trese e aprobashon di shelu i e bishita di angelnan.

Promesanan

E tèmpel ta literalmente e kas di Señor. Mi ta primintí boso ku ora boso bin digno i den orason na Su kas santu, boso lo ta armá ku Su poder, Su nòmber lo ta riba boso, Su angelnan lo kuida boso, i boso lo krese den den e bendishonnan di e Spiritu Santu.

Señor a bisa, “Kada alma ku bandoná su pikánan i bin serka mi, i yama na mi nòmber, i obedesé mi bos, i warda mi mandamentunan, lo mira mi kara i sa ku ami ta.”²⁴ Tin hopi diferente manera pa wak e kara di Cristo, i no tin ningun lugá mihó ku den Su kas Santu.²⁵

De e tempu aki di konfushon i komoshon, mi ta testifiká ku e tèmpelnan ta Su kas sagrado i lo yuda preservá nos, protehá nos, i prepará nos, pa e dia glorioso ora, ku tur Su angelnan santu, JesuCristo lo regresá den mahestat, poder i gran gloria. Den e nòmber di JesuCristo, amèn.