Apsorbá den e Goso di Cristo

Pa Elder Brian K. Taylor

Di e Setenta

Mi ta tèstifiká ku nos Tata Selestial ta skucha boso suplikánan ku yorando boso ta ofresé i semper lo kontestá den sabiduria perfekto.

Nos stimabo, Elder Kearon. Mi por fia e aksènt ei pa 10 minüt?

Anhelá Milagernan

Den e Tèstamènt Nobo nos ta siña di e Bartimeo siegu, ku a grita Jesus deseando un milager. “Jesus a bis’é: Bai; bo fe a salba bo. I mesora el a rekobrá su bista.”¹

Na un otro okashon un hòmber den Betsaida tabata anhelá e sanashon. Den kontraste, e milager aki no a bini mesora. Na lugá di esaki, Jesus a bendishon’é dos biahaprome ku el a “wòrdu restorá.”²

Den e di tres ehempèl, e Apòstel Pedro “supliká e Señor tres biaha” den su aflikshon,³ i tòg, pa nos konosementu, su petishon sinsero no a wòrdu duná.

Tres diferente persona. Tres eksperensia úniko.

Pues, e pregunta aki: Dikon algun persona ta risibí nan milager anhelá lihé, kaminda otro ku pasenshi ta soportá, wardando riba Señor?⁴ Nos lo no sa e dikon, i tòg ku gratitut, nos sa ku E kendeta “stima [nos]”⁴ i “[ta hasi] tur kos pa [nos] bienestar i felisidat.”⁵

Propósitonan Divino

Dios, Kende ta wak e final for di e kuminsamentu,⁷ ta sigurá, “tu adversidad y tus aflicciones no serán más que un breve momento.”⁸ i e lo konsagrá bo aflikshonnan “pa bo benefisio.””⁹

Yudando nos pa buska nifikashon den nos pruebanan, Elder Orson F. Whitney a siña: “Niun doló ku nos sufri, niun atversidat ku nos ta eksperensiá ta por nada. E ta ministrá na nos edukashon. … Tur … loke nos [ku pasenshi] soportá … a desaroyá nos karakternan, purifiká nos kurasonnan, ekspandé nos almanan, i ta hasi nos mas tierno i karitativo. … E ta pa medio di doló i sufrimentu, trabou duru i tribulashon, ku nos ta gana e edukashon ku nos ta bini aki pa nos haña i kual ta hasi nos mas manera nos [mayornan selestial].”¹⁰

Kompronde ku “e poder di Cristo [lo] sosegá riba [dje]” den su aflikshonnan, e Apòstel Pablo humildemente a bisa, “Pasó ora mi ta debil, e ora ei mi ta fuerte.”¹¹

Atversidatnan di bida ta prueba nos.¹² Asta e Salbador “a siña… obendeensia dor di” i a wòrdu hasi “perfekto dor di sufrimentu.”¹³

I un dia E lo deklará ku kompashon, “At’aki, Mi a refiná boI Mi a skohe bo den e fòrnu di aflikshon.”¹⁴

Yega na kofia Dios Su divino propósito a trese speransa den e almanan kansa i ta sende determinashon den e temporadanan di angustia.¹⁵

Perspektivanan Divino

Añanan pasá, Presidente Russell M. Nelson a kompartí e balioso idea aki: “Ora nos wak tur kos ku un perspektiva eterno, e lo aliviá nos karga signifikativamente.”¹⁶

Mi kasá, Jill, i ami resientemente tabata testigu di e bèrdat aki den e bidanan fiel di Holly i Rick Porter, ku nan yu hòmber di 12 aña di edat, Trey, a fayesé den un kandela tragiko. Ku mannan i pianan severamente kimá pa un lucha heróiko pa salba su yu hòmbèr stimá, Holly despue a testifiká den e reunion sakramental di e bario di e gran pas i goso ku Señor a drama riba su famia den nan angustia, usando palabranan manera milagrosamente, inkreibel, i asombroso.

E tristesa insoportabel di e mama presioso aki a wòrdu remplasá mesora pa un pas inkomparabèl ku e pensamentu aki: “Mi mannan no ta e mannan ku ta salba. E mannan ei ta pertenesé na e Salbador! Na lugá di wak na mi sikatrisnan komo rekordatorio di kiko mi no tabata kapas di hasi, mi ta kòrda e sikatrisnan ku mi Salbador ta karga.”

E testimonio di Holly ta kumpli e promesa di nos profeta: “Ora bo pensa selestial, lo bo wak pruebanan i oposishon den un lus nobo.”¹⁷

Elder D. Todd Christofferson a deklará: “Mi ta kere ku e desafio di surpasá e atversidat i krese for di dje ta atraé nos ora Dios a presentá Su plan di redenshon den e mundu premortal. Nos mester aserká e desafio ei sabiendo awor ku nos Tata Selestial lo sostené nos. Pero e ta krusial pa nos bira na djE. Sin Dios, e eksperiensianan skur di sufrimentu i atversidat tin tendensia pa depreshon, desesperashon, i asta amargura.”¹⁸

Prinsipionan Divino

Pa evitá e skuridat òf malkontentu i na su lugá haña pas mas grandi, speransa, i asta goso durante e desafionan difisil di bida, mi ta kompartí tres prinsipio divino komo invitashon.

Unu—fe mas fuerte ta bin di buta JesuCristo promé.¹⁹ “Mirad hacia mí en todo pensamiento,” E ta deklará; “no dudéis; no temáis.”¹⁶ Presidente Nelson a siña:

“[Nos] bida eterno ta dependé di [nos] fe den [Cristo] i Su Ekspiashon,”²¹

“Ora mi ta lucha ku e doló intenso kousá dor di mi herida resien, mi a sinti un apresio mas profundo pa JesuCristo i su don inkomprendibel di Su Ekspiashon. Pensa riba dje! E Salbador a sufri ‘dolónan i aflikshon i tentashon di tur tipo’ p’asina E por konsolá nos, sana nos, [i] reskatá nos, den tempu di nesesidat.””²²

El a kontinuá, “Mi herida a kousa mi pa reflehá kada biaha riba ‘e grandesa di e Santu di Israel.’’ Durante mi rekuperashon, Señor a manifesta Su poder divino den maneranan apasibel i sin duda.”²³

“Den e mundu boso lo tin tribulashon: pero sea di bon ánimo,” nos Salbador ta enkurashá; “Mi a vense e mundu.”²⁴

Dos—speransa mas kla ta bin ora nos visualisá nos destino eterno.²⁵ Papiando di e poder heredá den warda “un vishon di nos Tata Su bendishonnan inkreibel primintí … dianti nos wowonan tur dia,” Hermana Linda Reeves a testifiká: “Mi no sa dikon nos tin asina tantu prueba ku nos tin, pero ta mi sentimentu personal ku e rekompensa ta asina grandi, … asina yen di goso i mas leu ku nos por komprondé ku e dia di rekompensa, nos por sinti pa bisa na nos Tata miserkordioso i amoroso, ‘Esei ta tur kos ku tabata rekerí?’ … Kiko e ta importá … loke nos a sufri akinan, na final, e pruebanan ei … ta kualifiká nos pa bida eterno … den e reino di Dios?”²⁶

Presidente Nelson a kompartí e idea aki: “Konsiderá Señor su kontesta na Jose Smith ora el a pidi pa alivio den e Prizòn di Liberty. Señor a siña e Profeta ku su trato inhumano lo dun’é eksperiensia i lo ta pa su mes bon. ‘Si bo soporté bon,’ Señor ta primintí, ‘Dios lo eksalta bo den altura.’ Señor tabata siñando José Smith pa pensa selestial i di tin e vishon di un rekompensa eterno na lugá di enfoká riba e difikultatnan ekstremo di e dia.”²⁷

Jose su kambio di perspektiva a trese un satifikashon, manera ta reflehá den e karta aki pa un amigu: “Despues di ta será den e murayanan di un prizòn pa sinku luna ta parse mi ku mi kurason semper lo ta mas tierno despues di esaki manera nunka e tabata antes … Mi ta kere ku nunka lo mi no a sinti manera mi ta sinti awor si lo mi no a sufri e kosnan malu ku mi a sufri.”²⁸

Tres—poder mas grandi ta bin dor di enfoká riba alegria.²⁹ Durante eternidat mas krusial, oranan di agonia, nos Salbador no a retirá pero a partisipá di e kòpi marga.³⁰ Kon El a hasié? Nos ta siña, “Pa e goso ku tabata tin su dilanti [Cristo] a soportá e krus,”³¹Su boluntat “wòrdu apsorbá den e boluntat di e Tata.”³²

E frase aki “apsorbá” a move mi profundamente. Mi interes tabata oumentá ora mi a siña ku na Spaño, “apsorbá” ta tradusí komo “konsumí.”; den Aleman, komo “deborá”; i den Chines, komo “sumergí.” Pues, ora e desafionan di bida ta mas doloroso i abrumá, mi ta kòrda Señor Su promesa —ku nos “mester sufri niun manera di aflikshonan, salvá di [wòrdu] gulí [konsumí, devorá, i sumergí] den e goso di Cristo.”³³

Mi ta wak den hopi di boso e goso aki, kual “[desafiá] … komprondementu mortal,”³⁴ asta ora boso kopa marga no a wòrdu kitá ainda. Danki pa warda boso kombenionan i para komo testigunan pa Dios.³⁵ Danki na boso pa ekstendé pa bendishoná nos tur, miéntras den [bo] kurason ketu tin tristesa skondí ku wowo no por mira.”³⁶ Pa ora boso trese e alivio di e Salbador na otronan, boso lo risibí esaki pa boso mes, Presidente Camille Johnson a siña.³⁷

Promesanan Divino

Awor, ban bèk ku mi na e reunion sakramental kaminda nos tabata testigu di e milager di Holly Porter su famia ku a wòrdu yudá pa Señor.³⁸ Miéntras mi tabata sintá riba e estrado reflekshonando kiko lo mi por bisa pa ofresé konsuelo na e famia remarkabel aki i nan amigunan, e pensamentu aki a bin: “Usa e palabranan di e Salbador.”³⁹ Asina mi lo sera awe manera mi a hasi riba e Sabat ei, ku Su palabranan, “kual ta kura e alma heridá.”⁴⁰

“Bini na ami, boso tur ku ta kansá ku karga pisá, i lo mi duna boso sosiegu.”⁴¹

“Lo mi aliviá tambe boso karganan ku ta riba boso skoudernan, ku asta boso lo no sinti nan riba boso lombanan, asta ora ku boso ta den sklabitut; … ku boso lo sa ku sertesa ku Ami, Señor Dios, ta bishita mi pueblo den nan aflikshonan.”⁴²

“Lo mi no laga boso sin konsuelo: Lo mi bin serka boso.”⁴³

Mi Testimonio

Ku alegre reverensia, mi ta testifiká ku nos Salbador ta bibu i “Su promesanan ta sigur.”⁴⁴ Spesialmente pa boso ku ta preokupá òf ku ta “aflihí di kualke manera,”⁴⁵ mi ta tèstifiká ku nos Tata Selestial ta skucha boso suplikánan ku yorando boso ta ofresé⁴⁶ i semper lo kontestá den sabiduria perfekto.⁴⁷ “Ku Dios lo konsedé na boso,0 manera El a hasi pa nos famia den tempu di gran nesesidat, “Ku boso karganan lo bira lihé,”⁴⁸ asta “apsorbá den e Goso di Cristo.”⁴⁹ Den e nòmber sagrado di JesuCristo, amèn.