Tuleiga Faaiu
Ua musuia ma siitia i tatou i se tulaga maualuga atu e talisapaia ai lenei talalelei ofoofogia.
Ou uso e ma tuafafine pele, ua tatou faaiuina nei se konafesi maoae. Ua faamalamalamaina ma faagaeetia i tatou. Ua musuia ma siitia i tatou i se tulaga maualuga atu e talisapaia ai lenei talalelei ofoofogia. Sa matuai maoae uma lava musika, o saunoaga tulei, ma tatalo.
O le a tatou toe taliu atu nei i o tatou aiga. Afai tatou te aveina taavale, ia tatou faaeteete. Aua nei i ai se faalavelave e faaleagaina ai le aafiaga ua tatou olioli ai nei.
O taualumaga uma o lenei konafesi o le a maua i se lomiga o le a sosoo ai o le Ensign ma le Liahona. Matou te fautuaina outou ina ia toe faitauina lauga i a outou afiafi faaleaiga ma talanoaina faatasi ai ma o outou aiga. O fua na o le anoanoai o talosaga ma mafaufauga loloto, ma e matua taua ai lava le manatunatu i ai ma le faaeteete.
Ua tolopo nei le konafesi mo le ono masina. O le a matou sagisagi fiafia foi e toe vaavaai atu ia te outou i le isi Aperila. Ua 97 o’u tausaga, ae ou te faamoemoe lava o le a ou aulia. Ia i ai ia te outou faamanuiaga o le lagi i le taimi nei, o la matou tatalo faamaoni ma le lotomaulalo lea i le suafa o lo tatou Togiola, le Alii o Iesu Keriso, amene.