Elder Walter F. González
Ena Mataveiliutaki ni Vitusagavulu

E tudei tu ga na ivakadinadina nei Elder Walter Fermín González oya ni veiqaravi ena salamuria ga mai na veivakalougatataki. “Eda sa dau dinau tu ga vua na Turaga, baleta ni kena isau ena dau levu cake tikoga mai na veiqaravi cava ga eda na cakava rawa,” e kaya o koya.

Na vakavakarau nei Elder González me na veiqaravi a tekivu taudonu sara ena nona bula, ni bera ni laki lewena na Lotu. Ni sa yabaki ciwa oti, a kaya vua o tinana me sa na vulica na vosa Vakavalagi. E dina ga ni rau a sega ni lewe ni Lotu na nona itubutubu, e vakabauta tu o koya ni sa yaco o tinana me “iyaya ni cakacaka ena liga ni Turaga” ena nona vakarautaki o koya ki na veikacivi ena ciqoma tiko mai muri.

“E sega ni dua e kila niu na lewena na Lotu ni oti e ciwa na yabaki. E sega ni dua e kila ni dua na siga au na kacivi meu dua na Vakaitutu Raraba ka meu na vosa Vakavalagi,” a kaya o koya.

A sucu mai vei rau o Victoria kei Fermín González ena ika 18 ni Noveba, 1952, mai Montevideo e Uruguay, ka a papitaisotaki o Elder González ni sa yabaki 18. E a qai vakamautaki Zulma Anahir mai Montevideo ena ika 28 Feperueri, 1975. Erau a vauci ena Valetabu e Washington D.C. ena 1979 ka rau itubutubu ni va na gone. Erau sa nanamaki tiko ki na sucu ni imatai ni makubudrau.

A vuli o Elder González ena Universidad de la República mai Uruguay kei na Universidad de la Fraternidad mai Argentina ka rawata o koya na nona diqiri ni vuli torocake mai na Indiana Univesiti e Bloomington.

A tokoni o Elder González me lewe ni Mataveiliutaki ni Vitusagavulu ena ika 6 ni Okotova, 2007. Taumada e a Peresitedi ni iWasewase ni Vualiku kei Brazil kei na Ra ni Ceva kei Sauca Amerika ka daunivakasala ki na Mataveiliutaki ena iWasewase ni Vualiku kei Brazil. E a veiqaravi talega o koya ena Vitusagavulu ni iWasewase ena iWasewase o Vualiku kei Sauca Amerika, e a peresitedi ni kaulotu mai Ecuador, e a peresitedi ni iteki o Uruguay, ka dairekita ni veika raraba vakatamata ena iWasewase ni Vualiku kei Sauca Amerika.

E a cakacaka talega ena iVakarau ni Vuli ni Lotu (CES), ka dairekita talega ni iWasewase ni Vualiku kei Sauca Amerika.