2010
Faaaliga Ata a Tamaiti
Aperila 2010

Faaaliga Ata a Tamaiti

Aumai i fafo au vali gao po o vali, ma sauni e fai se mea fou! I le 2011, o le a faaalia ai ata e tusia e tamaiti o le Peraimeri mai le salafa o le lalolagi i se faaaliga i le Falemataaga o Talafaasolopito o le Ekalesia faapea foi i se faaaliga ata i le initoneti. O le auala lenei e mafai ai ona e aafia:

  1. Fatufatu sau galuega tusi ata i le autu “O le Talalelei ua Faamanuiaina ai Lou Olaga.” O lau ata e mafai ona faatatau i aiga, malumalu, faifeautalai, perofeta, tusitusiga paia, natura, auaunaga, paionia, Peraimeri, po o gaoioiga a le Ekalesia.

  2. E tatau ona i ai i le va o le 5 ma le 12 ou tausaga, ma e na o le tasi le ata e mafai ona e auina mai.

  3. O lau ata e tatau ona i ai i luga o se fasi pepa mafolafola po o se ie. E le tatau ona lapoa atu i le 12 inisi i le 14 inisi (30cm i le 36cm), ma e le tatau ona faavaaina.

  4. E mafai ona e faaaogaina vali gao, penitala, maka, vaitusi, malala, vali masima, vali vai, penisina, suauu, po o soo se isi lava mea faaleogolua.

  5. Aua le topetopea ina ia avea lau ata ma mea e aupito sili ona lelei ua e fatufatuina. O lau ata e tatau ona faaaoga uma ai le avanoa o lau pepa.

  6. Tusi lou igoa atoa i tua o lau ata. Ia faatumu ma saini e se matua le fomu o loo i lalo. Ona faapipii lea o le fomu i tua o lau ata.

  7. O lau ata e auina mai e tatau ona i ai le faailogatusi o le aso po o luma mai foi o le aso 31 o Iulai, 2010. O le a le toe faafoia atu ia te oe lau ata.

O lau ata e auina mai atonu o le a faaalia i se faaaliga i le Falemataaga o le Talafaasolopito o le Ekalesia, mai le aso 1 o Ianuari e oo i le aso 30 o Iuni, 2011; i se faaaliga i le initoneti i le Friend ma le Liahona Uepi saite; po o le O La Tatou Itulau i le Liahona po o le Our Creative Friends i le Friend. E le o ata uma e auina mai o le a faaaogaina pe faaalia.

Faamolemole auina mai lau ata i le:

Children’s Art Exhibit

45 N. West Temple St.

Salt Lake City, UT 84150, USA

O le faamatalaga o loo i lalo ma le faatagaga e tatau ona aofia mai ai:

Igoa atoa o le tamaitiiti

Tausaga

Setete/Itumalo, Atunuu

Tuatusi i-meli a se matua po o le numera telefoni

Ou te tuuina atu le faatagaga mo lenei ata e faaalia ai i se faaaliga, i luga o le Uepi saite a le Ekalesia, ma mekasini a le Ekalesia, ma faasalalauga uma lava.

Saini a se matua po o se tagata o loo vaaia faaletulafono

Ata na tusia e Steve Kropp