Ta Piano a le Peraimeri
“E leai!”
“E te aamu ea!”
“E le mafai ona tupu lena mea!”
O le tala lena na semanu e fai mai e Andrea, Erick, Kristofer, Suzett, ma Yuridia o Provo, Iuta, pe ana faapea e te fai atu ia i latou o le a latou taina le piano mo le latou polokalama o le sauniga faamanatuga a le Peraimeri o le a sosoo ai. O le mea moni, na o le toatasi lava o i latou na taina muamua le piano!
Ae na tuuina atu ia i latou e le ta piano a le Peraimeri, o Tuafafine Perry, le lui—ma sa latou naunau e taliaina.
E faatasi i le vaiaso, e taitoatasi le tamaitiiti ma fai ana lesona ta piano ia Tuafafine Perry, vagana ai le tamaitiiti e toatasi ua i ai lona faiaoga. Latou te faataitai i piano uila i le fale. E lei pine ae ua latou aoaoina lomiga faigofie o pese mo le polokalama o le sauniga faamanatuga. Sa latou faataitai foi i le Peraimeri ao usuina e isi tamaiti ia pese.
Mulimuli ane, ua oo mai le aso tele. Sa taina e tamaiti taitoatasi se pese se tasi pe lua. Pe na fefefe ea i latou e tata i luma o le uarota atoa? E mautinoa lava! Ae sa lei taofia i latou e lena mea.
“Sa matuai o’u fefe lava,” o le tala lea a Kristofer, “ae sa tumau pea lou faatuatua.”
Faafetai i lo latou faatuatua ma le galulue malosi, sa lelei uma a latou tata i lena aso. Ae o le mea sili ona lelei e uiga i ai?
“E manaia le lagona e maua i le mafai ona fesoasoani i le lotu,” o le tala lea a Andrea. “O se faamanuiaga sili mo au.”
Ua mafai nei ona ta piano tamaiti i taimi o afiafi faaleaiga, i papatisoga, ma pe a pepese o latou aiga i le sauniga faamanatuga. Matautia!
Ata na pueina e Christina Smith