Nai Otootoga o le Lalolagi

Ua Fofogaina Mai le Au Peresitene Fou o Europa Sasae

Ua fofogaina mai e le Au Peresitene Sili se suiga i le Au Peresitene Eria o Europa Sasae, ma ua amata faamamaluina loa lava. O Elder Kevin W. Pearson, Fesoasoani Muamua i le Au Peresitene Eria, ua sii mai i le laumua o le Ekalesia mo se tofiga faapitoa i le Matagaluega o Faifeautalai. O le a faaauau pea ona avea Elder Wolfgang H. Paul ma Peresitene o le eria, ma Elder Gregory A. Schwitzer o le Fitugafulu e avea ma Fesoasoani Muamua ma Elder Alexsandr N. Manzhos, Fitugafulu Eria, e avea ma Fesoasoani Lua.

Ua Filifilia le Nofoaga mo le Malumalu o Filatelefia Penisilevania

I le masina o Novema 2009, na fofogaina mai ai e le Au Peresitene Sili o le a faatu le Malumalu o Filatelefia Penisilevania i le 1739 Vine Street i le taulaga o Filatelefia. E latalata le nofoaga i le Vine Street Expressway ma Atu Falega ma e tu faasasasasa mai le magaala o Logan Square, o se vaaiga iloga o Filatelefia. Na fofogaina mai e Peresitene Thomas S. Monson le malumalu i le masina o Oketopa 2008. O le taimi nei ua 130 malumalu o loo faaaogaina i le lalolagi, ma le isi 21 lea na fofogaina mai, po o loo fausiaina.

Ua Fofogaina mai Aso o le Malumalu o Vancouver

O le a tatalaina le Malumalu o Vancouver British Columbia mo maimoaga e amata atu i le aso 9 o Aperila seia aulia le 24 o Aperila 2010, sei vagana ai Aso Sa, ma se faafiafiaga faaleaganuu o le a faia i le aso 1 o Me. O le a faia le faapaiaga i ni sauniga se tolu i le Aso Sa, 2 Me, i le 9:00 a.m., 12:00 p.m., ma le 3:00 p.m. O ia sauniga e tolu o le faapaiaga o le a faasalalauina i iunite uma o le Ekalesia e i totonu o le itulagi o le malumalu. O le a tatalaina le malumalu mo sauniga i le aso e sosoo ai.