Faamatalaga
O Se Liahona Fou
Ina ua ou faitau e faapea e amata atu ia Ianuari 2010 o le a i ai se tatou Liahona, fou, sa ou faanoanoa. Sa avea le mekasini ma o’u taula i le talalelei talu ona ou papatiso i le 17 o o’u tausaga. Na faamalosia la’u molimau mu’amu’a pe a ou faitauina aafiaga o isi tagata o le ekalesia ma sa ou iloa ai sa le i tuua na o au. Ou te faapelepele i mekasini sa ou faaputuputuina, aua o loo i ai savali musuia na fesoasoani ia te au i taimi o faigata ma taimi ou te manaomia ai se fesoasoani.
O lea ua outou aumaia ia i matou se Liahona ua maualuga atu ma felanulanuai, ae tutusa lava le moni e pei o le mekasini muamua sa ou faitau ai i le 1992. Faafetai atu mai le ta’ele o lo’u loto.
Julia A. Florian, Kuatemala
O Se Punavai o le Faaleagaga ma le Malosiaga
O le Liahona o se faamanuiaga tele ma se olioli ia te au. E fesoasoani ou te feiloai atu ai i tagata uma o le ekalesia i le lalolagi atoa, ou te aoao ai i o latou atunuu ma aganuu, ma manuia ai foi mai lo latou faatuatua. O le mekasini o se punavai o le faaleagaga tele ma le malosiaga, ma e fesoasoani ia ou lelei atili.
Modesta Giuliani, Italia
O se Vavega i la Matou Uarota
I totonu o la’u uarota, sa seasea fai ni faiaoga asiasi ma e matua maualalo foi le auai i le malumalu. I le avea ai ma se taitai o faiaoga asiasi ma se e faigaluega i le malumalu, sa ou tatalo ai ina ia mafai ona suia lenei mea. Sa ou faaaogaina le saunoaga a Elder Richard G. Scott i le konafesi, “Tapuaiga i le Malumalu: O Le Punavai o le Malosi ma le Mana i Taimi o Faigata” (Liahona, Me 2009, 43) ou te lauga ai i le sauniga faamanatuga ma le Aualofa. Sa ootia tagata o le uarota. O le taimi nei ua toeitiiti atoa le 100 pasene o faiaoga asiasi, ma ua toatele ua auai atu i le malumalu ma faatino laasaga ia na otooto mai e Elder Scott i lana savali. E faaafe ona faafetai atu ia Elder Scott mo lana savali matagofie ma outou foi mo le Liahona.
Ana Meza de Eulogio, Peru
Faamolemole auina mai sou finagalo faaalia po o fautuaga i le liahona@ldschurch.org. E ono faapupuuina tala mo le uumi po o le manino.