Ulufale Atu i se Nofoaga Matagofie

Joanna Velayo-Munda, Filipaina

Ao lei avea au o se tagata o le Ekalesia, sa ou nofo lata ane i le Malumalu o Manila Filipaina. O taimi uma lava ou te pasia ai [le malumalu], ou te maofa lava i le mamalu o le maota matagofie. Sa le mafai lava ona ou iloa atu le igoa o le Ekalesia, ae sa ou maua se lagona o le fia ulu atu i lena maota.

I ni nai tausaga mulimuli ane sa ou alu ai i Hawaii, ma ou feiloai ai i faifeautalai ma papatisoina ai au. Ina ua ou toe foi i Manila, sa ou te’i i lo’u iloaina o le maota sa ou moomoo ou te fia ulu i ai, o se maota lea e mafai ona ou ulu i ai pe afai ou te agavaa. Sa tumu au i le fiafia.

Ina ua ou ulu atu i le malumalu, sa ou lagonaina lou i ai maualuga teisi atu mai le lalolagi. Sa matagofie mea uma, toetoe lava a pei o le lagi. Ou te lagonaina le faamanuiaina tele i le maua lea o le avanoa ou te ulufale ai i totonu o le malumalu.