Lagonaina o le Agaga o le Malumalu

Cristian Robles, Chile

Ina ua tofia au e avea ma se tasi o fautua maualuga, sa faaalia e le peresitene o le siteki lona faanaunauga mo le toatele o le au paia e o i le malumalu i aso ua tofia mo la matou siteki. O le femalagaaiga sa avea ma se faafitauli, o le mea la na muamua ona ia faia o le faatonu lea o se pasi e ao mai ia au paia mai falelotu uma o uarota a le siteki ma toe momoli i matou pe a uma le aso.

Peitai, sa i ai foi se isi faafitauli. O le tele o tina sa le mafai ona auai [i le malumalu] ona sa leai nisi e vaaia a latou fanau. Ao matou talanoaina le tulaga manaomia o nisi o tamaitai talavou mai le siteki e fesoasoani e tausia ia fanau iti, sa ou iloa ai e mafai ona matou valaauina se taitai o le vasega pepe a le siteki. Sa ou tuuina atu lea manatu i le peresitene o le siteki. Sa ia fautua mai matou te tofiaina tagata fou liliu mai e auauna atu o ni fesoasoani i le taitai o le vasega pepe ina ia mafai ona latou lagonaina le agaga o le malumalu. Ina ua faatino nei manatu, sa maoae le auai a le matou siteki i le malumalu.