ʻOku Fanongo Mai
“Kuo ʻafioʻi ʻe he ʻEikí ʻa e ngaahi lotu ʻa hono kakaí” (Mōsaia 27:14).
-
Tīvoni, kuo taimi ke teuteu ki he lotú.
Ka ʻoku ou ʻosi mateuteu au.
-
ʻIkai, Tīvoni. ʻOku totonu ke ke tūʻulutui, kūnima, mo kuikui he taimi ʻokú ke lotu aí. ʻOku totonu foki ke ke tangutu maʻu hifo. ʻOkú ne fakahaaʻi ʻa e fakaʻapaʻapa ki he Tamai Hēvaní.
Ne lī leva ʻe Tīvoni ʻene kiʻi loli vaʻingá, kūnima, pea tūʻulutui ʻo ofi ki he Fineʻeikí.
-
ʻOku fanongo fēfē mai ʻa e Tamai Hēvaní kiate au?ʻOku ʻi ai Hano telinga?
ʻIo, ʻoku ʻi ai hono telinga. ʻOku fanongo ʻi he taimi ʻokú ke fai ai hoʻo ngaahi lotú.
-
Naʻe fai ʻe Tīvoni ʻene lotú pea kei tūʻulutui pē ʻo punou mo kūnima ʻi ha ngaahi sekoni ʻi he hili ʻo ʻene lotú.
ʻOku ʻikai ke lea mai ia. ʻOkú ke fakapapauʻi ʻokú Ne fanongo mai?
ʻOku meimei ke faʻa tali ʻe he Tamai Hēvaní ʻetau lotú ʻaki haʻane folofola ki hotau lotó mo hotau ʻatamaí kae ʻikai ki hotau telingá. ʻOkú Ne fakahoko ʻeni ʻo fakafou ʻi he Laumālie Māʻoniʻoní.
-
Tīvoni, ʻokú ke ongoʻi fēfē ʻi he taimi ʻokú ke vahevahe ai ha meʻá?
Fiefia.
Pea ʻokú ke ongoʻi fēfē ʻi he taimi ʻokú ke fai ai ha meʻa halá—hangē ko hono laku hoʻo ngaahi meʻa-vaʻingá?
ʻOku ʻikai ke u ongoʻi lelei.
ʻOku tokoni ʻa e Laumālie Māʻoniʻoní ke tau maʻu ʻa e ngaahi ongo ko ʻení koeʻuhí ke tau ʻilo ai ʻa e totonú mei he halá. ʻOkú ne toe tokoni mai foki ke tau maʻu ha ngaahi fakakaukau fekauʻaki mo ha ngaahi meʻa ke tau fai ke tau fiefia ange ai.
-
ʻOku ʻi ai mo ha ngaahi founga kehe te tau lava ai ʻo ʻilo ʻoku ʻafio mai ʻa e Tamai Hēvaní. Manatuʻi e founga ʻEne tokoniʻi ʻa e Kui-fefiné ke fiemālie ʻi he hili ʻo e faingāue ki ai ʻa e lakanga fakataulaʻeikí?
ʻIo, ʻoku ou fiefia he sai ʻa ʻeku Kui-fefiné.
-
ʻOku ʻikai ʻuhinga hoʻo taʻe fanongo ki ha folofola mai ʻa e Tamai Hēvaní kiate koé, ʻoku ʻikai ʻafio mai. ʻOkú Ne ʻomi kiate koe ha ngaahi ongo māfana mo lelei, ke ke ʻilo ʻoku ʻi ai.
-
Ne ongoʻi fiefia leva ʻa Tīvoni.
Kuó u toki ʻilo ʻeni, Fineʻeiki. ʻOku fanongo moʻoni ʻa e Tamai Hēvaní.