Ko ʻEtau Pēsí
Sēnesi M., taʻu 7, Kosita Lika
Ko e teuteu ʻa e fānau Palaimeli ʻo e Kolo Senai Uá he Vahefonua Pangikaloa ʻInitiá, mo honau kau takí ki heʻenau polokalama ʻi he houalotu sākalamēnití.
ʻI ha hoʻatā efiafi ʻe taha naʻá ku vaʻinga ai mo hoku kiʻi tokoua siʻisiʻi ko Kamilá kae kosi heʻema tangataʻeikí ʻa e musié. Naʻá ma pehē ke ma tokoni ki ai. Neongo naʻe ʻafu ʻaupito, ka naʻa mau fiefia ʻi heʻemau ngāue fakatahá. Ko e taimi ne ʻosi aí, ne ma ō leva mo ʻema tangataʻeikí ke fakafoki ʻa e mīsini kosí ki homau kaungāʻapi toulekeleká. ʻI heʻemau aʻu atu ki hono matafalé, ne talaange heʻema tangataʻeikí te ne kosi mo hono ʻapí. Ne u pehē leva mo hoku kiʻi tokouá ke ma toe tokoni ai pē. ʻI he lolotonga ʻo ʻene kosí, ne ma hiko ʻe kimaua ʻa e musié ʻo faʻo ki ha tangai. ʻI heʻene ʻosí, ne pehē mai leva homau kaungāʻapí, “Mālō ʻaupito, Sōfia mo Kamila, hono fakamaʻa hoku loto ʻataʻataá. Ko ha ongo tamaiki fefine lelei mo anga ʻofa kimoua.” Hili ia peá ne foaki mai ha lole. Ne ma foki fiefia lahi ki ʻapi, ʻo ʻikai koeʻuhí pē ko e ʻi ai haʻama lolé ka koeʻuhí he ne ma tokoni ki homau kaungāʻapí.
Sōfia Kalolaina P., taʻu 9, ʻĀsenitina
Ko Noki Hueni D., taʻu 7, mei Kemipoutiá ʻoku saiʻia ʻi he talanoa ʻo e ʻEikitau ko Molonaí pea mo e fuka ʻo e tauʻatāiná (vakai, ʻAlamā 46). ʻOku ʻi ai hano ngaahi tokoua mo e tuofāfine ʻe toko ono, pea ʻoku manako ke vaʻinga mo e pulá.
ʻI heʻeku kei siʻi angé, naʻa mau faʻa ō ke vaʻinga ʻi he taimi mālōlō siʻí. Ko e taimi ke mau hū ai ki lotó, naʻe pau ke mau tuʻu laine. Ko e taimi kotoa pē ʻoku mau tuʻu laine ai, naʻá ku hivaʻi ʻa e “ ʻOku ou Fie Sio he Temipalé” (Tohi Hiva ʻa e Fānaú, 99). ʻI ha ʻaho ʻe taha ne pehē mai ai ha taʻahine ne ofi mai kiate au, “Ko e foʻi hiva ʻokú ke hivaʻí ʻoku mālie. Ko hoʻo maʻu mei fē?”
Naʻá ku tali ange leva, “ʻOku maʻu ia mei he Palaimelí. ʻOku ou kau ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, pea ʻoku ou maʻu ʻa e tuí.” Hili iá, ne hoko ia ko hoku kaungāmeʻa mamae!
Noemi D., taʻu 12, Falanisē
Tuani ʻAna P., taʻu 11, Kemipoutia
Toʻohema ʻi laló: faitaaʻi ʻe Richard M. Romney; loto mālié: tā fakatātaaʻi ʻe Avalone; toʻomataʻú: tā fakatātaaʻi ʻo e temipalé ʻe Phyllis Luch, © 1988 IRI